കാന്‍സര്‍ ചികിത്സയിലാണ് സോഷ്യൽ മീഡിയ താരം രേണു സുധി. രേണുവിനെ നിലവിൽ ഐസിയുവില്‍ അഡ്മിറ്റ് ചെയ്തു എന്ന് വെളിപ്പെടുത്തി രംഗത്ത് വന്നിരിക്കുകയാണ് അടുത്ത സുഹൃത്തും, വ്‌ളോഗറുമായ സജീന. രാവിലെ രേണുവിന്റെ പപ്പയെ വിളിച്ചിരുന്നുവെന്നും തിരക്കുകളിലായിരുന്നുവെങ്കിലും അദ്ദേഹം ഫോണെടുത്തിരുന്നു. രേണു ആശുപത്രിയിലേക്ക് പോവാനുള്ള തയ്യാറെടുപ്പിലാണെന്നും അദ്ദേഹം പറഞ്ഞിരുന്നു. ആദ്യത്തെ കീമോ കഴിഞ്ഞുവെന്നും ശാരീരികമായി തീരെ വയ്യാത്ത അവസ്ഥയിലാണ് താൻ എന്നും താരം വിവരിയ്ക്കുന്നു . ഇങ്ങനെയൊരു അസുഖവും, വേദനയും ആര്‍ക്കും കൊടുക്കരുതേയെന്നാണ് പ്രാര്‍ത്ഥന .

ആശുപത്രിയില്‍ പോയപ്പോള്‍ രേണുവിനെ ഐസിയുവില്‍ അഡ്മിറ്റ് ചെയ്തു. ഭയങ്കരമായിട്ടുള്ള വേദനയും, ഛര്‍ദ്ദിയും, വയറിളക്കവുമാണ്. നാക്കൊക്കെ കുഴഞ്ഞ് സംസാരിക്കാനൊന്നും പറ്റാത്ത അവസ്ഥ . ആകെ കുഴഞ്ഞ് പോയിരുന്നു. അവിടെ ചെന്നപ്പോള്‍ തന്നെ അവര്‍ അഡ്മിറ്റാക്കുകയായിരുന്നു. രണ്ട് ദിവസം അഡ്മിറ്റാവണമെന്നാണ് പറഞ്ഞത്. ആദ്യം താനൊരു പോസ്റ്റിട്ടിരുന്നു. ദൈവമേ, അവള്‍ക്കൊന്നും വരുത്തല്ലേയെന്ന് കുറേപേര്‍ കമന്റ് ചെയ്തിട്ടുണ്ട്. റീച്ചിന് വേണ്ടിയാണ് സജീന ഇങ്ങനെ പറയുന്നതെന്ന് ചിലര്‍ കമന്റ് ചെയ്തിട്ടുണ്ട്. അങ്ങനെ വിമര്‍ശിക്കുന്നവര്‍ അങ്ങനെ തന്നെയിരിക്കട്ടെ. ഞാന്‍ അറിയുന്ന കാര്യം മാത്രമേ പറഞ്ഞിട്ടുള്ളൂ.

ആരോഗ്യപരമായി വളരെയധികം വീക്കാണ് രേണു. അത് വ്യക്തമായി നേരിട്ടറിയാവുന്ന കാര്യമാണ് കീമോ ഒക്കെ കഴിയുമ്പോള്‍ ഫുഡിനോട് വെറുപ്പൊക്കെ തോന്നിയേക്കാം. അത് താങ്ങാന്‍ ശരീരത്തിനും പറ്റണ്ടേ. മനസിന് കട്ടിയുണ്ട് എന്ന് പറഞ്ഞിട്ട് കാര്യമില്ല, ശരീരത്തിനും അത് താങ്ങാന്‍ പറ്റണ്ടേ, എന്നാലല്ലേ നമ്മളിലേക്ക് പഴയത് പോലെ രേണുവിന് തിരിച്ചുവരാന്‍ പറ്റൂ. ശാരീരികമായി രേണു ഓക്കെയായി വരട്ടേ എന്നാണ് പ്രാര്‍ത്ഥനയെന്നും സജീന പറഞ്ഞു .