കോട്ടയം എംസി റോഡില്‍ നീലിമംഗലത്ത് ടെക്‌സ്റ്റൈല്‍ ഷോപ്പിലേക്ക് വാഹനം ഇടിച്ചുകയറി. മെഡിസിന്‍ ഡെലിവറി വാഹനമാണ് അപകടത്തില്‍പെട്ടത്. വൈകിട്ട് നാലരയോടെ ആയിരുന്നു സംഭവം. നിയന്ത്രണം വിട്ട വാഹനം ഷോപ്പിന്റെ ചില്ലു തകര്‍ത്താണ് അകത്തേക്ക് കയറിയത്.

ഡ്രൈവര്‍ ഉറങ്ങിയതാകാം അപകടകാരണമെന്നാണ് പ്രാഥമിക നിഗമനം. നിസാര പരുക്കുകളോടെ ഡ്രൈവര്‍ രക്ഷപ്പെട്ടു. വാഹനം ഇടിച്ചുകയറിയ വശത്ത് ആരുമില്ലാതിരുന്നതിനാല്‍ വന്‍ ദുരന്തം ഒഴിവായി.