പ്രളയ കെടുതിയിൽ ദുരിതം അനുഭവിക്കുന്ന കേരള സം​സ്ഥാ​ന​ത്തെ കരകയറ്റാനായി എ​ല്ലാ എം​പി​മാ​രും എം​എ​ല്‍​എ​മാ​രും ചു​രു​ങ്ങി​യ​ത് ഒ​രു ല​ക്ഷം രൂ​പ​യെ​ങ്കി​ലും മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ലേ​ക്ക് ന​ല്‍​ക​ണ​മെ​ന്ന് ഭ​ര​ണ​പ​രി​ഷ്‌​കാ​ര ക​മ്മീ​ഷ​ന്‍ ചെ​യ​ര്‍​മാ​ന്‍ വി.എ​സ് അ​ച്യു​താ​ന​ന്ദ​ന്‍.

ദു​രി​താ​ശ്വാ​സ​നി​ധി​യി​ലേ​ക്ക് ജ​ന​പ്ര​തി​നി​ധി​ക​ള്‍ സംഭാവന നൽകി സ​ര്‍​ക്കാ​ര്‍ ജീ​വ​ന​ക്കാ​ര്‍​ക്ക് മാ​തൃ​ക കാ​ണി​ക്ക​ണ​മെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു. വി.​എ​സ്. ഒ​രു ല​ക്ഷം രൂ​പ ദു​രി​താ​ശ്വാ​സ​നി​ധി​യി​ലേ​ക്ക് ന​ല്‍​കി.

സം​സ്ഥാ​ന​ത്തെ എ​ല്ലാ ജ​ന​ങ്ങ​ളും ഒ​രു മാ​സ​ത്തെ ശ​മ്പ​ളം ദുരിതാശ്വാസ നിധിയിലേക്ക് സം​ഭാ​വ​ന ന​ല്‍​കി​യാ​ല്‍ പ്ര​ള​യ​ക്കെ​ടു​തി​യി​ല്‍​നി​ന്നു കേ​ര​ളം ക​ര​ക​യ​റു​മെ​ന്ന് മു​ഖ്യ​മ​ന്ത്രി വ്യക്തമാക്കിയിരുന്നു. മി​ക​ച്ച പ്ര​തി​ക​ര​ണ​മാ​ണ് മു​ഖ്യ​മ​ന്ത്രി​യു​ടെ സാ​ല​റി ച​ല​ഞ്ചി​ന് ല​ഭി​ക്കു​ന്ന​ത്. തിങ്കളാഴ്ച രാത്രി 11.30 വരെയുള്ള കണക്ക് അനുസരിച്ച്‌ 715.02 കോടിയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി ലഭിച്ചത്. ഇതില്‍ 132 കോടി രൂപ മുഖ്യമന്ത്രിയുടെ ദുരിതാശ്വാസ നിധി പെയ്‌മെന്റ് ഗേറ്റ്‌വേയിലെ ബാങ്കുകളും യു.പി.ഐകളും വഴിയും 43 കോടി രൂപ പേറ്റിഎം വഴിയും ലഭിച്ചതാണ്.