പ്രവാസികള്‍ക്കായി കേരളത്തില്‍ പുതിയ സര്‍വേ നടത്താന്‍ സര്‍ക്കാര്‍ ഒരുങ്ങുന്നു
ഗള്‍ഫ്‌ രാജ്യങ്ങളിലെ സ്വദേശീവല്‍ക്കരണത്തിന്റെ പശ്ചാത്തലത്തില്‍ കേരളത്തില്‍ പ്രവാസികളുടെ വിവരങ്ങള്‍ ശേഖരിക്കാന്‍ സര്‍ക്കാര്‍ ഒരുങ്ങുന്നു. കൂടുതല്‍ പ്രവാസികള്‍ ഉള്ള സംസ്ഥാനം എന്ന നിലക്കാണ്‌ കേരളത്തില്‍ ഇത്തരത്തിലുള്ള വിവര ശേഖരണം നടത്തുന്നത്‌.ഇതിന്റെ ഭാഗമായി മെയ്‌ ഒന്നുമുതല്‍ സംസ്ഥാനത്ത്‌ പ്രത്യേക സര്‍വേ നടത്തുമെന്ന്‌ മുഖ്യമന്ത്രി ഉമ്മന്‍ ചാണ്ടി വാര്‍ത്താ സമ്മേളനത്തില്‍ അറിയിച്ചു. നോര്‍ക്കയും ബ്യൂറോ ഓഫ്‌ എക്കണോമിക്‌സ്‌ ആന്റ്‌ സ്‌റ്റാറ്റിസ്‌റ്റിക്‌സും സംയുക്തമായാണ്‌ സര്‍വേ നടത്തുന്നത്‌. ഓരോ വീടും കേന്ദ്രീകരിച്ച്‌ നടത്തുന്ന സര്‍വേയില്‍ എല്ലാവരും സഹകരിക്കണമെന്നും മുഖ്യമന്ത്രി ആവശ്യപ്പെട്ടു. നിലവില്‍ അനുഭവിക്കുന്ന ആനുകൂല്യങ്ങള്‍ നഷ്ടപ്പെടുമെന്ന്‌ കരുതി ആരും യഥാര്‍ത്ഥ വിവരങ്ങള്‍ മറച്ചുവെക്കരുത്‌. പ്രവാസികളുടെ വ്യക്തമായ കണക്ക്‌ ശേഖരിക്കുന്നതിനുവേണ്ടിയാണ്‌ സര്‍വേ നടത്തുന്നത്‌. അതിനാല്‍ മുഴുവന്‍ വിവരങ്ങളും കൈമാറണമെന്നും മുഖ്യമന്ത്രി പറഞ്ഞു.
https://www.facebook.com/Malayalivartha
