നെടുമ്പാശേരിയിലെ ഗ്രാന്‍ഡ് മലബാര്‍ ഹോട്ടലില്‍ വന്‍ തീപിടിത്തം. ഹോട്ടല്‍ പൂര്‍ണമായും കത്തിനശിച്ചു. മൂന്ന് ഫയര്‍ഫോഴ്‌സ് യൂണിറ്റുകള്‍ അരമണിക്കൂറോളം ശ്രമിച്ചാണ് തീ നിയന്ത്രണവിധേയമാക്കിയത്.

ഇന്ന് ഉച്ചയ്ക്ക് 12 ഓടെയായിരുന്നു തീപിടിത്തമുണ്ടായത്. ആളുകള്‍ ഭക്ഷണം കഴിച്ചുകൊണ്ടിരിക്കെയാണ് തീപടര്‍ന്നതെന്നാണ് വിവരം. ഇവരെ ഉടന്‍തന്നെ സുരക്ഷിതമായി ഒഴിപ്പിച്ചെന്ന് അധികൃതര്‍ അറിയിച്ചു. ഹോട്ടലിന്റെ മുന്നിലെ ചായക്കടയില്‍ നിന്നാണ് തീപടര്‍ന്നതെന്നാണ് വിവരം. തുടര്‍ന്ന് തീ ഹോട്ടലിലേയ്ക്ക് പടരുകയായിരുന്നു.