കാരശ്ശേരി സര്‍ക്കാര്‍ പറമ്പ് സ്വദേശി ഷില്‍ജുവും ഭാര്യ മലപ്പുറം വെട്ടുപാറ സ്വദേശി രേഷ്മയുമാണ് താരങ്ങൾ. കാരശ്ശേരി കക്കാട് സ്വദേശിനിയായ 21 കാരിക്കാണ് ബി പോസിറ്റീവ് രക്തം ആവശ്യമായിരുന്നത്. ഈ വാർത്ത അറിഞ്ഞുടൻ തന്നെ ഉടന്‍ തന്നെ ഷില്‍ജു രക്തദാനത്തിന് സന്നദ്ധനാവുകയായിരുന്നു.

വിവാഹ ദിവസം വീട്ടില്‍ പോലും പോവുന്നതിന് മുന്‍പ് തന്നെ രക്തം നല്‍കാനായി തയ്യാറായ ഷില്‍ജുവിനെ ബന്ധുക്കളും കൂട്ടുകാരും പിന്തിരിപ്പിക്കാന്‍ ശ്രമിച്ചെങ്കിലും ഷില്‍ജുവിന്റെ മനസ്, കെ.എം.സി.ടി മെഡിക്കല്‍ കോളെജില്‍ കഴിയുന്ന പാവപ്പെട്ട രോഗിയിലായിരുന്നു. തന്റെ ഭര്‍ത്താവിന്റെ ഈ നല്ല മനസ് തിരിച്ചറിഞ്ഞ രേശ്മയും സുഹൃത്തുക്കളും നേരെ ആശുപത്രിയിലേക്ക്. ഭര്‍ത്താവിന്റെ ഈ നല്ല മനസില്‍ ഏറ്റവുമധികം സന്തോഷിക്കുന്നത് താനാണന്ന് ഭാര്യ രേഷ്മ പറഞ്ഞു.

അതേസമയം ഭാര്യ വീട്ടില്‍ നിന്ന് കല്യാണം കഴിഞ്ഞ് തിരിച്ചു പോന്ന ചെക്കനേയും പെണ്ണിനേയും കാണാതായതോടെ വീട്ടുകാര്‍ അല്‍പ്പം പരിഭ്രാന്തരായങ്കിലും കാര്യമറിഞ്ഞതോടെ അവരും സന്തോഷത്തോടെ കാത്തിരുന്നു. ആശുപത്രിയിലക്ക് കല്യാണ ചെക്കനും പെണ്ണും മറ്റ് നിരവധി പേരും വരുന്നത് കണ്ടപ്പോള്‍ ആശുപത്രി ജീവനക്കാരും ആദ്യമൊന്ന് അമ്പരന്നെങ്കിലും കാര്യമറിഞ്ഞപ്പോള്‍ ഏറെ സന്തോഷത്തോടെ അവരെ സ്വീകരിച്ചു.