വിഴിഞ്ഞ പദ്ധതിക്ക് അനുവദിച്ച ആയിരം ദിനങ്ങള്‍ ഇന്ന് അവസാനിക്കും. 2015 ഡി​സം​ബ​ര്‍ അഞ്ചിന് വിഴിഞ്ഞം തു​റ​മു​ഖ​ത്തി​ന്​ കല്ലിടല്‍ കര്‍മം നടത്തുമ്പോള്‍ അദാനി പ്രഖ്യാപിച്ചത് 1000 ദിനങ്ങള്‍ കൊണ്ട് പദ്ധതി പൂര്‍ത്തീകരിക്കും എന്നായിരുന്നു. എന്നാല്‍ 1000 ദിനങ്ങള്‍ ഇന്ന് പൂര്‍ത്തിയാകുമ്പോള്‍ ഒരിടത്തും എത്താതെ അവശേഷിക്കുകയാണ്.

വി​ഴി​ഞ്ഞം ഇ​ന്‍​റ​ര്‍​നാ​ഷ​ന​ല്‍ ഡീ​പ് വാ​ട്ട​ര്‍ മ​ള്‍​ട്ടി​പ​ര്‍​പ​സ് സീ​പോ​ര്‍​ട്ട് എ​ന്ന് പേ​രി​ട്ട പ​ദ്ധ​തി​യു​ടെ ആ​കെ ചെ​ല​വ് 7525 കോ​ടി രൂ​പ​യാ​ണ്. കേ​ര​ളം 2280 കോ​ടി രൂ​പ​യും കേ​ന്ദ്ര​സ​ര്‍​ക്കാ​ര്‍ മൂ​ല​ധ​ന​ത്തി​ന് ഉ​പ​രി തു​ക​യാ​യി 817.8 കോ​ടി രൂ​പ​യു​മാ​ണ്​ മു​ട​ക്കു​ന്ന​ത്. ബാ​ക്കി അ​ദാ​നി പോ​ര്‍​ട്​​സും. ക​രാ​ര്‍ പ്ര​കാ​രം 2019 ഡി​സം​ബ​ര്‍ 15ന് ​വാ​ണി​ജ്യാ​ടി​സ്ഥാ​ന​ത്തി​ല്‍ പ​ദ്ധ​തി പ്ര​വ​ര്‍ത്ത​നം ആ​രം​ഭി​ക്ക​ണം. എ​ന്നാ​ല്‍, ക​രാ​ര്‍ സ​മ​യ​ത്തി​ൽ പ​ണി തീ​രി​ല്ലെന്ന്​ അ​ദാ​നി ​ഗ്രൂ​പ് വ്യക്തമാക്കി. ഓ​ഖി സ​മ​യ​ത്ത് ഡ്രെ​ഡ്ജ​ര്‍ കേ​ടാ​യത്‌ കാരണമാണ് പ​ണി ന​ട​ക്കാത്തതെന്ന് അ​ദാ​നി ​ഗ്രൂ​പ് വ്യക്തമാക്കി.

ക​രാ​ര്‍ സ​മ​യ​ത്തി​ല്‍ തീ​ര്‍ന്നി​ല്ലെ​ങ്കി​ല്‍ അ​തു ക​ഴി​ഞ്ഞു​ള്ള ഒ​രോ ദി​വ​സ​വും 12 ല​ക്ഷം രൂ​പ അ​ദാ​നി ക​മ്ബ​നി സ​ര്‍ക്കാ​റി​ന് ന​ഷ്​​ട​പ​രി​ഹാ​രം ന​ല്‍ക​ണ​മെ​ന്നാ​ണ് വ്യ​വ​സ്ഥ. എന്നാൽ ​ന​ഷ്​​ട​പ​രി​ഹാ​രം ഒ​ഴി​വാ​ക്കാ​ൻ ഓ​ഖി ദു​ര​ന്തം അ​ദാ​നി മ​റ​യാ​ക്കുന്നുവെന്ന് ആരോപണം ഉയരുന്നു.

3.1 കിലോ ​മീ​റ്റ​ര്‍ നീ​ള​ത്തി​ല്‍ നി​ര്‍​മി​ക്കാ​നുദ്ദേ​ശി​ച്ച പു​ലി​മു​ട്ടി​ല്‍​ 600 മീ​റ്റ​ര്‍ മാ​ത്രമാണ് പൂർത്തിയായത്. ഇ​തി​ല്‍ ന​ല്ലൊ​രു ശ​ത​മാ​ന​വും തി​ര​യെ​ടു​ത്തു. അ​ഡ്​​മി​നി​സ്​​ട്രേ​റ്റി​വ്, ക​സ്​​റ്റം​സ്, ഇ​ല​ക്​​ട്രി​ക്ക​ല്‍ സെ​ക്​​ഷ​നു​ക​ള​ട​ക്കം പ്ര​വ​ര്‍​ത്തി​ക്കേ​ണ്ട 18 കെ​ട്ടി​ട​ങ്ങ​ളു​ടെ നി​ര്‍​മാ​ണം പാതിവഴിയിലാണ്. വാ​ര്‍​ഫ്​ നി​ര്‍​മാ​ണ​ത്തി​ന്​ 650 പൈ​ലി​ങ്ങു​ക​ളുള്ളതിൽ ​പൂ​ര്‍​ത്തി​യാ​യ​ത്​ 377 എ​ണ്ണം. പു​ലി​മു​ട്ട്​ ശ​ക്തി​പ്പെ​ടു​ത്താ​ന്‍ നി​ര്‍​മി​ക്കേ​ണ്ട 10,000 ആ​ക്രോ​​പോ​ഡു​ക​ളി​ല്‍ പൂ​ര്‍​ത്തി​യാ​യ​ത്​ 7000 എ​ണ്ണം. തു​റ​മു​ഖ​ത്തി​ന്​ 50 ഹെ​ക്​​ട​ര്‍ ഭൂ​മി സ​ജ്ജ​മാ​ക്ക​ണം. ഇ​നി​യും 15 ഹെ​ക്​​ട​ര്‍ കൂ​ടി വേ​ണം.