സംസ്ഥാനത്ത് സ്വർണവിലയിൽ വർദ്ധനവ്. പവന് ഇന്ന് മാത്രം 3,680 രൂപ വർദ്ധിച്ചു. ഇതോടെ ഒരു പവന്റെ വില 1,13,520 രൂപയായി. ​ഗ്രാമിന് 460 രൂപ വർധിച്ച് 14,190 രൂപയുമായി. ഇന്നലെ മൂന്നു തവണയായി കുതിച്ചുയർന്ന സ്വർണവില, വൈകുന്നേരം അഞ്ചു മണിയോടെ കുറഞ്ഞിരുന്നു.

രാവിലെയും ഉച്ചക്കും വൈകീട്ടുമായി പവന് 3,160 രൂപ കൂടിയ ശേഷം ​അഞ്ചു​ മണിയോടെ 540 രൂപയാണ് കുറഞ്ഞത്. ഇതോടെ പവന് 1,09,840 രൂപയായി. ഗ്രാമിന് ഇന്നലെ മൂന്നു തവണയായി 395 രൂപയാണ് കുറഞ്ഞത്. ഇതോടെ 13,730 രൂപയാണ് ഒരു ഗ്രാം സ്വർണത്തിന്റെ വില. അപ്രതീക്ഷിത മാറ്റങ്ങളാണ് സ്വര്‍ണ വിപണിയില്‍ സംഭവിച്ചുകൊണ്ടിരിക്കുന്നത്.
അതേസമയം ഒരു പവൻ സ്വന്തമാക്കാൻ ഇന്നത്തെ വിലയിൽ ഒന്നേകാൽ ലക്ഷത്തിനടുത്ത് നൽകേണ്ടി വരും. സംസ്ഥാനത്ത് മൂന്ന് മുതൽ 30 ശതമാനം വരെയാണ് പണിക്കൂലി ഈടാക്കുന്നത്. കൂടാതെ മൂന്ന് ശതമാനം ജിഎസ്‍ടിയും നൽകേണ്ടതാണ്.