പോലീസ് സംഘത്തെ കാണാന് കന്യാസ്ത്രീക്ക് അസൗകര്യം ;പോലീസ് മൊഴിയെടുക്കാതെ മടങ്ങി ; കന്യാസ്ത്രീ പരാതി ഉന്നയിച്ചാല് എം.എല്.എയ്ക്കെതിരെ കേസെടുക്കും
കന്യാസ്ത്രീയ്ക്കെതിരെ അപകീര്ത്തികരമായ പ്രസ്താവന നടത്തിയ പൂഞ്ഞാര് എംഎല്എ പി സി ജോര്ജിനെതിരെ കേസെടുത്തേക്കും. അതേസമയം ബിഷപ്പിനെതിരെ പരാതി നല്കിയ കന്യാസ്ത്രീയെ പി.സി. ജോര്ജ് എം.എല്.എ അധിക്ഷേപിച്ച സംഭവത്തില് പോലീസിന് കന്യാസ്ത്രീയുടെ മൊഴിയെടുക്കാനായില്ല.
കുറവിലങ്ങാട് എസ്.ഐയുടെ നേതൃത്വത്തില് മഠത്തിലെത്തിയ പോലീസ് സംഘത്തെ കാണാന് കന്യാസ്ത്രീ അസൗകര്യം അറിയിച്ചതിനെത്തുടര്ന്ന് മൊഴിയെടുക്കാതെ മടങ്ങി. കന്യാസ്ത്രീ പരാതി ഉന്നയിച്ചാല് എം.എല്.എയ്ക്കെതിരെ കേസെടുക്കും.
പി.സി. ജോര്ജ് ശനിയാഴ്ച കോട്ടയത്ത് നടത്തിയ പത്രസമ്മേളനത്തിനിടെയാണ് കന്യാസ്ത്രീയെ അധിക്ഷേപിച്ചത്. ഇത് വിവാദമായതോടെ നേരിട്ട് ഹാജരായി വിശദീകരണം നല്കാന് ദേശീയ വനിതാ കമ്മീഷന് പി.സി ജോര്ജിനോട് ആവശ്യപ്പെട്ടിരുന്നു. യാത്രാ ബത്ത അടക്കം തന്നാല് വരാമെന്നാണ് ജോര്ജ് ഇതിനോട് പ്രതികരിച്ചത്. അതേസമയം, ജോര്ജിനെതിരെ ഹൈക്കോടതിയില് പരാതി നല്കുന്നത് കന്യാസ്ത്രീയുടെ കുടുംബം മാറ്റിവച്ചു.
https://www.facebook.com/Malayalivartha
