പെട്രോള്, ഡീസല് വിലവര്ധനവില് വ്യാപാരമേഖല ആശങ്കയില്; കുതിച്ചു കയറുന്ന ഇന്ധന വില വർധനയെക്കുറിച്ചു പ്രതികരിക്കാനില്ലെന്നു കേന്ദ്രമന്ത്രി അൽഫോൻസ് കണ്ണന്താനം ; തുടര്ച്ചയായ 45ാം ദിവസവും ഇന്ധനവില കൂടി
പെട്രോള്, ഡീസല് വിലവര്ധനവിനു പിന്നാലെ പലവ്യജ്ഞനങ്ങള്ക്കും വില കൂടാൻ സാധ്യത. നിലവില് വില വർധനവ് ഉണ്ടായിട്ടില്ലായെങ്കിലും ദിവസേന ഉണ്ടാകുന്ന ഇന്ധന വില വര്ധനവ് വിലക്കയറ്റത്തിനിടയാക്കുമെന്ന് വ്യാപാരികള് പറയുന്നു. പയര് വര്ഗ്ഗങ്ങളില് ഗ്രീന്പീസിന് മാത്രമാണ് കാര്യമായ വില വര്ധന ഉണ്ടായത്. കിലോയ്ക്ക് 40 നിന്ന് 80 ആയി. അരി അടക്കമുളള മറ്റിനങ്ങള്ക്ക് വില വര്ധിച്ചിട്ടില്ല. അനിയന്ത്രിതമായ ഡീസല് വില വര്ധനവിനെ തുടര്ന്ന് ലോറി വാടക വര്ധിപ്പിക്കാനുളള തീരുമാനത്തിലാണ് ഉടമകള്. ഇത് പ്രാബല്യത്തില് വരുന്നതോടെ വിലക്കയറ്റം അനുഭവപ്പെടും
അതേസമയം കുതിച്ചു കയറുന്ന ഇന്ധന വില വർധനയെക്കുറിച്ചു പ്രതികരിക്കാനില്ലെന്നു കേന്ദ്രമന്ത്രി അൽഫോൻസ് കണ്ണന്താനം. ദിനംതോറും വർധിക്കുന്ന ഇന്ധന വില ലോക്സഭാ തിരഞ്ഞെടുപ്പിൽ ബിജെപിയുടെ സാധ്യതകളില്ലാതാക്കില്ലേ എന്ന ചോദ്യത്തിനും അദ്ദേഹം മറുപടി നൽകാൻ തയാറായില്ല.
https://www.facebook.com/Malayalivartha
