ബിഷപ്പിനെ ഡിസ്ചാർജ് ചെയ്തു. കാര്യമായ ആരോഗ്യ പ്രശ്നങ്ങൾ ഇല്ലന്ന് ഡോക്ടർമാർ. ഇന്നലെ രാത്രി പത്ത് മണിയോടെ ജലന്ധർ ബിഷപ്പ് ഫ്രാങ്കോ മുളയ്ക്കലിനെ ആശുപത്രിയിൽ പ്രവേശിപ്പിച്ചത്. ഇന്നലെ രാത്രി​ തൃപ്പൂണി​ത്തുറ താലൂക്ക് ആശുപത്രി​യി​ൽ ബി​ഷപ്പ് ഫ്രാങ്കോ മുളയ്ക്കലി​ന്റെ രക്തസമ്മർദം 200 രേഖപ്പെടുത്തുകയും ഇ.സി.ജിയിൽ വ്യതിയാനം കണ്ടെത്തുകയും ചെയ്തതിനെ തുടർന്ന് കോട്ടയം മെഡിക്കൽ കോളേജിലേക്ക് മാറ്റിയിരുന്നു.

എന്നാൽ രണ്ടാംഘട്ട പരിശോധനയ്ക്ക് ശേഷം വലിയ ആരോഗ്യ പ്രശ്നങ്ങൾ ഒന്നും തന്നെ ഇല്ലെന്നാണ് ഡോക്ടർമാരുടെ വിലയിരുത്തൽ. അന്വേഷണ സംഘം ഡോക്ടറെ കണ്ട് ഇക്കാര്യത്തിൽ ഉറപ്പ് വരുത്തിയ ശേഷമാകും കോടതിയിൽ ഹാജരാക്കുന്ന കാര്യത്തിൽ തീർപ്പുണ്ടാകുകയുള്ളു. ഉടൻ ആശുപത്രി വിടുമെന്നാണ് റിപ്പോർട്ടുകൾ.