മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): ലോൺ, കടബാധ്യതകൾ എന്നിവയിൽ ഏർപ്പെടുമ്പോൾ ഇന്ന് വളരെയധികം ശ്രദ്ധിക്കുക. ചില ചതികളും വഞ്ചനകളും സംഭവിക്കാനുള്ള സാധ്യത കാണുന്നുണ്ട്. ഭക്ഷ്യവിഷബാധ ഏൽക്കാൻ ഇടയുള്ളതിനാൽ ഭക്ഷണകാര്യങ്ങളിൽ പ്രത്യേക കരുതൽ വേണം.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): തൊഴിൽ രംഗത്ത് ഇന്ന് അനുകൂലമായ വിജയം ഉണ്ടാകും. എന്നാൽ വരവിനേക്കാൾ ചെലവ് കൂടുന്നത് ധനപരമായ ക്ലേശങ്ങൾക്ക് ഇടയാക്കാം. അനാവശ്യ കൂട്ടുകെട്ടുകൾ ഉണ്ടാകാതെ ശ്രദ്ധിക്കുക. എങ്കിലും ചിലർക്ക് കീർത്തി, ധനപരമായ നേട്ടങ്ങൾ എന്നിവ ഉണ്ടാകും.

മിഥുനം രാശി (മകയിര്യം അവസാന പകുതിഭാഗം, തിരുവാതിര, puണർതം ആദ്യ മുക്കാൽഭാഗം): ജോലിസ്ഥലത്ത് കാര്യങ്ങൾ ഇന്ന് ഏറെ മെച്ചപ്പെടും. മുൻപ് അനുഭവപ്പെട്ടിരുന്ന സംഘർഷങ്ങൾ കുറയുകയും ജോലിയിൽ കൂടുതൽ സംതൃപ്തി ലഭിക്കുകയും ചെയ്യും. സഹപ്രവർത്തകരുമായി നല്ല ബന്ധം സ്ഥാപിക്കാൻ സാധിക്കും.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): ബന്ധുജനങ്ങളിൽ നിന്നും നല്ല രീതിയിലുള്ള ഗുണാനുഭവങ്ങൾ ഉണ്ടാവാൻ ഇടയുള്ള ദിവസമാണിത്. രോഗങ്ങളിൽ നിന്നുള്ള ശാന്തി, നല്ല ഉറക്കം, ശത്രുഹാനി, കീർത്തി, ഭക്ഷണ സുഖം എന്നിവ ലഭിക്കും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ഉദര സംബന്ധമായോ ദഹന സംബന്ധമായോ പ്രശ്നങ്ങൾ ഉള്ളവർ ആരോഗ്യ കാര്യങ്ങളിൽ ശ്രദ്ധിക്കണം. അനാവശ്യ കൂട്ടുകെട്ടുകൾ മൂലം മാനഹാനി, ധനനഷ്ടം എന്നിവ നേരിടാനും കുടുംബാംഗങ്ങളുമായി അഭിപ്രായ വ്യത്യാസങ്ങൾ ഉണ്ടാകാനും സാധ്യതയുണ്ട്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): പിതാവിന് രോഗാദി ദുരിതങ്ങൾ ഉണ്ടാകാൻ ഇടയുള്ളതിനാൽ ആരോഗ്യ കാര്യത്തിൽ ജാഗ്രത പാലിക്കുക. കുടുംബത്തിൽ നിന്നും മാറി അന്യദേശത്ത് തൊഴിൽ ചെയ്യേണ്ട സാഹചര്യങ്ങൾ ഉണ്ടാവാം. വ്യവഹാരങ്ങളിൽ പരാജയം, മനഃക്ലേശം എന്നിവയ്ക്ക് സാധ്യത കാണുന്നു.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): പുതിയ ജോലി ലഭിക്കാനുള്ള സാധ്യതയോ നിലവിലുള്ള ജോലിയിൽ സ്ഥാനക്കയറ്റമോ പ്രതീക്ഷിക്കാം. സാമ്പത്തിക കാര്യങ്ങളിൽ നല്ല നേട്ടങ്ങൾ ഉണ്ടാകും. സുഹൃത്തുക്കളോടൊപ്പം രുചികരമായ ഭക്ഷണം കഴിക്കാൻ അവസരം ലഭിക്കും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): തൊഴിൽ വിജയം ഉണ്ടാകുമെങ്കിലും മാനസികമായി ചില അസ്വസ്ഥതകൾ ഉടലെടുത്തേക്കാം. ഭക്ഷണ കാര്യങ്ങളിൽ കൃത്യമായ ജാഗ്രത പാലിച്ചില്ലെങ്കിൽ ഭക്ഷ്യവിഷബാധ ഏൽക്കേണ്ടി വന്നേക്കാം.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): മാനസിക സന്തോഷം, വ്യവഹാരങ്ങളിൽ വിജയം, ധനലാഭം, ഉന്നത സ്ഥാനലബ്ധി എന്നിവ ഉണ്ടാകുന്ന ശുഭദിനമാണിത്. വളരെക്കാലമായി കാണാതിരുന്ന സുഹൃത്തുക്കളെ കണ്ടുമുട്ടുവാനും അവരോടൊപ്പം ഭക്ഷണം കഴിക്കുവാനും അവസരമുണ്ടാകും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): അനാവശ്യമായ കൂട്ടുകെട്ടുകൾ മൂലം അപവാദങ്ങൾ കേൾക്കേണ്ട സാഹചര്യങ്ങൾ ഉണ്ടായേക്കാം. അന്യബന്ധങ്ങൾ കാരണം മാനഹാനിക്കും ധനനഷ്ടത്തിനും സാധ്യതയുണ്ട്. കുടുംബവുമായി അകൽച്ചയുണ്ടാകാം. കൃഷി ചെയ്യുന്നവർ നഷ്ടം സംഭവിക്കാതിരിക്കാൻ ശ്രദ്ധിക്കുക.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): വിശേഷപ്പെട്ട പുണ്യ തീർത്ഥ സ്ഥലങ്ങൾ സന്ദർശിക്കുവാൻ ഇന്ന് അവസരം ലഭിക്കും. അലങ്കാര വസ്തുക്കളുടെ വർദ്ധനവ്, അഭീഷ്ട ലാഭം എന്നിവ ഉണ്ടാകും. വളരെക്കാലമായി വിവാഹാലോചനകൾ നടക്കാത്തവർക്ക് അനുകൂലമായ വിവാഹം നടക്കുന്ന സമയമാണ്.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): സർക്കാർ തലങ്ങളിലോ അർദ്ധസർക്കാർ വിഭാഗങ്ങളിലോ ജോലിക്ക് ശ്രമിക്കുന്നവർക്ക് അർഹമായ ജോലി ലഭിക്കുവാൻ ഇന്ന് ഇടയുണ്ട്. രാഷ്ട്രീയം, കല എന്നിവയിൽ പ്രവർത്തിക്കുന്നവർക്ക് സമൂഹത്തിൽ നല്ല കീർത്തി ലഭിക്കും.