പ്രളയ ദുരിതാശ്വാസത്തിന് ജീവനക്കാരുടെ ഒരുമാസത്തെ ശമ്പളം ആവശ്യപ്പെട്ടുള്ള സാലറി ചലഞ്ചില് താല്പര്യമില്ലാത്തവര്ക്ക് വിസമ്മതപത്രം നല്കാനുള്ള അവസരം ഇന്നു കൂടി മാത്രം
പ്രളയദുരിതാശ്വാസത്തിന് ജീവനക്കാരുടെ ഒരുമാസത്തെ ശമ്പളം ആവശ്യപ്പെട്ടുള്ള സാലറി ചലഞ്ചില് താല്പര്യമില്ലാത്തവര്ക്ക് വിസമ്മതപത്രം നല്കാനുള്ള അവസരം ഇന്നു കൂടി മാത്രം. നിലവില് 40 ശതമാനം പേര് വിസമ്മതപത്രം സമര്പ്പിച്ചെന്ന് പ്രതിപക്ഷ സംഘടനകള് അവകാശപ്പെടുമ്പോഴും കണക്കുകള് ഇനിയും വ്യക്തമല്ല. അതാത് ഓഫിസിലെ ഡ്രായിങ് ആന്ഡ് ഡിസ്ബേഴ്സിങ് ഓഫിസര്ക്കാണ് (ഡി.ഡി.ഒ) ജീവനക്കാര് വിസമ്മതപത്രം എഴുതി നല്കേണ്ടത്.
ശമ്പള വിതരണത്തിനുള്ള ഓണ്ലൈന് സംവിധാനമായ സ്പാര്ക്കില് ഡി.ഡി.ഒമാരാണ് ഇക്കാര്യം ചേര്ക്കുക. അതുകൊണ്ട് തന്നെ ഏകീകരിച്ചുള്ള കണക്കുകള് ലഭ്യമല്ല. എത്രപേര് വിസമ്മതപത്രം ഒപ്പിട്ടെന്ന കണക്കുകള് ശേഖരിക്കുകയോ രേഖപ്പെടുത്തിവെക്കുകയോ ചെയ്യേണ്ടെന്നാണ് സര്ക്കാര് തീരുമാനം. വകുപ്പ് മേലധികാരികളോട് ഇത്തരത്തില് കണക്കാവശ്യപ്പെടുന്നത് തെറ്റിദ്ധാരണകള്ക്കിടയാക്കുമെന്നതിനാലാണിത്. പ്രതികാര നടപടികള് സംബന്ധിച്ച ആരോപണങ്ങള് ഉയര്ന്ന സാഹചര്യത്തില് വിശേഷിച്ചും.
അടുത്ത മാസത്തെ ശമ്പള വിതരണഘട്ടത്തില് സ്പാര്ക്കില് നിന്നേ ഇത് സംബന്ധിച്ച് കണക്കുകള് ലഭ്യമാകാനിടയുള്ളൂ.
വിസമ്മതത്തിനുള്ള അവസാന ദിവസമായ ശനിയാഴ്ച എല്ലാ ഓഫിസിലും പ്രത്യേകം പ്രചാരണം നടത്താനാണ് പ്രതിപക്ഷ അധ്യാപക, സര്വിസ് സംഘടനകളുടെ പൊതുവേദിയായ യുനൈറ്റഡ് എംപ്ലോയീസ് ആന്ഡ് ടീച്ചേഴ്സ് ഫെഡറേഷന്റെ തീരുമാനം. സാലറി ചലഞ്ചില് പങ്കെടുക്കാത്ത ജീവനക്കാര്ക്ക് കഴിയുന്ന തുക സംഭാവന ചെയ്യുന്നതിന് ഉത്തരവിറക്കണമെന്നാവശ്യപ്പെട്ട് ഒരു വിഭാഗം അഡ്മിനിസ്ട്രേറ്റിവ് െ്രെടബ്യൂണലിനെ സമീപിക്കുമെന്നും അറിയുന്നു. നവ കേരള നിര്മാണത്തിന് സര്ക്കാര് ജീവനക്കാര് ഒരുമാസത്തെ ശമ്പളം സംഭാവനയായി നല്കണമെന്ന് ആവശ്യപ്പെടുന്ന സാലറി ചലഞ്ചിന്റെ വ്യവസ്ഥകള് വ്യക്തമാക്കി സെപ്റ്റംബര് 11നാണ് സര്ക്കാര് ഉത്തരവിറക്കിയത്. താല്പര്യമുള്ളവര് അക്കാര്യം രേഖാമൂലം അറിയിക്കാനുള്ള സമ്മതപത്രത്തിന് പകരം സന്നദ്ധതയില്ലാത്തവര് വിസമ്മതപത്രം ഒപ്പിട്ട് നല്കണമെന്ന വ്യവസ്ഥയോടെയാണ് ഉത്തരവിറക്കിയത്.
https://www.facebook.com/Malayalivartha
