റോഡില് പൊലിഞ്ഞ സ്വപ്ന താരങ്ങള് നിരവധി: മലയാളികളുടെ പ്രിയനായിക മോനിഷയുടെയും, ഒപ്പം തേജസ്വിനിയുടെയും മരണത്തിന് പിന്നിലെ വില്ലന് വാഹനം ഓടിക്കുമ്പോള് കണ്ണ് തുറന്ന് ഉറങ്ങല് എന്ന റാപ്പിഡ് ഐ മൂവ്മെന്റ് സ്ലീപ്പ്
മോനിഷയുടെ മരണം മലയാളിക്ക് ഇന്നും ഒരു നൊമ്പരമാണ്. 1992ലെ ഡിസംബറിലെ വെളുപ്പാന് കാലത്താണ് മോനിഷയെ മരണം കൊത്തിയെടുത്തത്. അതുപോലൊരു നൊമ്പരമാണിപ്പോള് തേജസ്വിനി. കഴിഞ്ഞദിവസം പുലര്ച്ചയാണ് ബാലഭാസ്ക്കറിന്റെ മകള് തേജസ്വിനിയെ മരണം കട്ടെടുത്തത്. ഗായിക മഞ്ജുഷയുടെ മരണത്തിന് പിന്നില് പാഞ്ഞെത്തിയ ലോറിയായിരുന്നു കാരണക്കാരന്. മോനിഷയുടെയും ബാലഭാസ്ക്കറിന്റെയും കാറിന്റെ ഡ്രൈവര്മാര്ക്ക് ഒരേ അവസ്ഥയായിരുന്നു. അവര് കണ്ണ് തുറന്ന് വണ്ടി ഓടിക്കുകയായിരുന്നുഎന്നാല് അവര് ഉറങ്ങി ആ അവസ്ഥയാണ് റാപ്പിഡ് ഐ മൂവ്മെന്റ് സ്ലീപ്പ്. അപകടം നടക്കുമ്പോള് മോനിഷയ്ക്കു പ്രായം 21. ആറുവര്ഷം മാത്രം സിനിമയില് പിന്നിടുമ്പോള് പേരിനൊപ്പം ഉര്വശിപ്പട്ടം അടക്കം സ്വന്തമാക്കിയിരുന്നു. ചെപ്പടിവിദ്യയെന്ന സിനിമയുടെ സെറ്റില് നിന്ന് അമ്മയ്ക്കൊപ്പം കാറില് കൊച്ചിയിലേക്കു മടങ്ങുമ്പോഴായിരുന്നു അപകടം. പിന്സീറ്റില് അമ്മ ശ്രീദേവി ഉണ്ണിയുടെ മടിയില് കിടന്നുറങ്ങുകയായിരുന്ന മോനിഷ സംഭവസ്ഥലത്തുതന്നെ മരിച്ചു. ചേര്ത്തലയിലെ
എക്സ്റേ കവലയിലായിരുന്നു അപകടം.നിരന്തരം അപകടങ്ങള്ക്ക് വഴിയൊരുക്കിയിരുന്ന എക്സ്റേ കവല പിന്നീട് മോനിഷക്കവലയെന്ന പേരിലായിരുന്നു അനൗദ്യോഗികമായി അറിയപ്പെട്ടിരുന്നത്.
മലയാളികള്ക്ക് മൊബൈല് അടിമത്ത്വം നല്കിയ പുതിയ രോഗമോ റാപ്പിഡ് ഐ മൂവ്മെന്റ് സ്ലീപ്പ്
റാപ്പിഡ് ഐ മൂവ്മെന്റ് സ്ലീപ്പില് ഏത് വമ്പനും ഒരു നിമിഷം ഉറങ്ങിപ്പോകും. ഉറക്കം തടയാന് എന്തെല്ലാം ടെക്കിനിക്കുകള് നടത്തിയാലും അവന് നമ്മുടെ കണ്ണുകളെ ആക്രമിക്കും അത് ഒരു നിമിഷ നേരത്തേക്കാകും. ആ നിമിഷം ഒരു വൈദ്യുതപ്രവാഹം കടന്നുപോയി ശരീരമാകെ മരവിപ്പിലാകും. ആ സമയത്ത് ചെയ്യുന്ന ജോലി അമര്ത്തിച്ചെയും അതായത് ആക്സിലറേറ്ററില് കാല് അമര്ന്നിരിക്കും. അപകടം നടന്ന് കഴിഞ്ഞശേഷമേ പലരും ഉണരൂ. മോനിഷയുടെ അമ്മയും അപകടത്തെക്കുറിച്ച് സമാന അവസ്ഥയാണ് പറഞ്ഞത്. ഡ്രൈവറുമായി ഞാന് സംസാരിക്കുകായായിരുന്നു അതിനിടെ അയാള് ഉറങ്ങി അതും കണ്ണ് തുറന്ന്. പിന്നെയൊന്നും ഓര്മ്മയില്ല.
ദിവസം 20 മണിക്കൂര് മൊബൈല് നോക്കുന്നവര്ക്ക ്മൊബൈല് വിഷന് സിന്ഡ്രം എന്ന അവസ്ഥ ഇപ്പോള് വളരെ കൂടുകയാണ്. അതിന്റെ ബാക്കിയാണ്
കണ്ണിന് വേദന, കണ്ണിന് അമിതമായ ചൂട് കണ്ണ് ചൊറിച്ചില് കണ്ണു ചുവക്കുക, കാഴ്ച മങ്ങുക, വരണ്ട കണ്ണുകള് തുടങ്ങിയവയാണ് അമിതമായി മൊബൈല് ഉപയോഗിക്കുന്നവര്ക്ക് സാധാരണയായി കണ്ണിന് അനുഭവപ്പെടുന്നത്. ഉറക്കത്തില് പലര്ക്കും ഡീപ്പ് ഉറക്കം കിട്ടാതിരിക്കുകയും പിന്നീട് പകല് ഉറക്കം തൂങ്ങുന്നതുമാണ് ഈ പ്രത്യേക അവസ്ഥ. അടുത്തിടെ നിരവധി അപകടങ്ങള് ഉണ്ടായെന്ന് ഡോക്ടര്മാര് ചൂണ്ടിക്കാണിക്കുന്നു.
കണ്ണില് പ്രകടമാവാത്ത ചില ലക്ഷണങ്ങളും ഈ രോഗത്തിനുണ്ട്. കഴുത്തിന് പിന്നിലെ വേദന, പുറം വേദന. തോളിലെ വേദന തുടങ്ങിയവ ഈ രോഗത്തിന്റെ കണ്ണുമായി ബന്ധമില്ലാത്ത ലക്ഷണങ്ങളാണ്.
മഞ്ജുഷ മോഹന്ദാസിന്റെ ജീവന് റോഡില് പൊലിയിച്ച് കളഞ്ഞത് കള്ള് വണ്ടി
പ്രശസ്ത ചാനലിന്റെ പരിപാടിയിലൂടെ ശ്രദ്ധേയയയാ ഗായിക മഞ്ജുഷ മോഹന്ദാസിന്റെ ജീവന് റോഡില് പൊലിയിച്ച് കളഞ്ഞത് കള്ള് വണ്ടി. കള്ളുമായി അമിത വേഗത്തില് വന്ന വണ്ടി അവളുടെ കാലനായി മാറി. റോഡില് ഇങ്ങിനെ പൊലിയുന്നവരില് സാധാരണക്കാരോ..സെലിബ്രേറ്റികളോ എന്നൊന്നും ഇല്ല. അത് നടി മോനിഷ മുതല് ഇപ്പോള് മഞ്ജുഷയില് എത്തി നില്ക്കുന്നു. ഇപ്പോള് തേജസ്വിനിയിലും.
വാഹനാപകടത്തില്പ്പെട്ട് ഗുരുതരമായി പരിക്കേറ്റ് ചികിത്സയിലായിരുന്നു മഞ്ജുഷയുടജെ വിയോഗം ഇന്ന് മാസങ്ങള്ക്ക് മുമ്പാണ് സംഭവിച്ചത്. കാലടി താന്നിപ്പുഴയില് വച്ച കള്ളുമായി വന്ന മിനിലോറി മഞ്ജുഷ സഞ്ചരിച്ചിരുന്ന സ്കൂട്ടറില് ഇടിച്ചാണ് അപകടം ഉണ്ടായത്. ഒപ്പമുണ്ടായിരുന്ന അഞ്ജന എന്ന വിദ്യാര്ത്ഥിക്കും പരിക്കേറ്റിരുന്നു.സംഗീതത്തോടൊപ്പം നൃത്തത്തെയും ഉപാസിച്ച് ജീവിതം മുന്നോട്ടു കൊണ്ടുപോകാന് ശ്രമിക്കുന്നതിനിടെയാണ് അപ്രതീക്ഷിത വിയോഗം ഉണ്ടായത്. കാലടി ശ്രീശങ്കരാചാര്യ സംസ്കൃത സര്വകലാശാലയിലെ നൃത്തവിഭാഗം വിദ്യാര്ത്ഥിനിയായിരുന്നു മഞ്ജുഷ. അമിതവേഗത്തിലെത്തിയ പിക്ക് അപ് വാന് മറ്റൊരു വാഹനത്തെ മറികടക്കാന് ശ്രമിക്കുമ്പോഴാണ് വിദ്യാര്ത്ഥിനികള് സഞ്ചരിച്ച സ്കൂട്ടറില് ഇടിച്ചത്.
അപകടത്തെ തുടര്ന്ന് മഞ്ജുഷയും അഞ്ജനയും റോഡിലേക്ക് തെറിച്ച് വീഴുകയായിരുന്നു. ഇടിയുടെ ആഘാതത്തില് രണ്ടാളും തെറിച്ച് റോഡിലും ,റോഡരികിലെ കാനയിലും വീണു. ഓടി കൂടിയ നാട്ടുകാരും, തൊട്ടടുത്ത ലോറി പാര്ക്കിലെ ഡ്രൈവര്മാരും ചേര്ന്നാണ് അപകടത്തില് ഗുരുതരമായി പരിക്കേറ്റ ഇരുവരുയെും ആശുപത്രിയില് പ്രവേശിപ്പിച്ചത്.
ബലഭാസ്ക്കറിന്റെ വണ്ടിക്ക് സംഭവിച്ചത്
അമിതവേഗത്തില് എത്തിയ വണ്ടി മരത്തില് ഇടിച്ചുകയറുകയായിരുന്നു.തിങ്കളാഴ്ച പുലര്ച്ചെയാണ് ബാലഭാസ്കറും കുടുംബവും സഞ്ചരിച്ച വാഹനം അപകടത്തില്പ്പെടുന്നത്.കാറിന്റെ മുന്സീറ്റിലായിരുന്നു ബാല ഭാസ്കറും മകളും ിരുന്നിരുന്നത്. കാറിന്റെ ചില്ലു തകര്ത്ത് ആശുപത്രിയില് എത്തിച്ചുവെങ്കിലും കുഞ്ഞിന്റ ജീവന് രക്ഷിക്കാനായില്ല. തേജസ്വിനിയുടെ മൃതദേഹം എംബാം ചെയ്ത് സൂക്ഷിക്കുകയായിരുന്നു. ബാല ഭാസ്കറിനേയും ലക്ഷ്മിയേയും കാണിച്ചതിനു ശേഷം സംസ്കരിക്കാനായിരുന്നു തീരുമാനമെങ്കിലും അത് പിന്നീട് മാറ്റുകയായിരുന്നു.തേജസ്വിനി ബാലയുടെ( രണ്ട് വയസ്) മൃതദേഹം ഇന്നലെ സംസ്കരിച്ചു. ഗുരുതരമായി പരിക്കേറ്റ് ചികിത്സയില് കഴിയുന്ന ബാല ഭാസ്കറിന് പൊന്നോമനയെ ഒരു നോക്ക് കാണാനായില്ല, ചികിത്സയില് കഴിയുന്ന അമ്മ ലക്ഷ്മിയേയും കാണിക്കാതെയാണ് മൃതദേഹം സംസ്കരിച്ചത്. ലക്ഷ്മിയുടെ തിരുവനന്തപുരത്തെ വീട്ടിലായിരുന്നു സംസ്കാര ചടങ്ങുകള്.
ഇങ്ങനെ പലവിധത്തില് അപകടം പാഞ്ഞെത്തി പ്രിയപ്പെട്ടവരെ കവര്ന്നെടുക്കുകയാണ്. മോനിഷയും മഞ്ജുഷയും വലിയ ഉയരങ്ങള് താണ്ടേണ്ടവരായിരുന്നു എന്നാല് എല്ലാം വൃഥാവിലായി. ആ ചിലങ്കകള് അണിയാന് അവര് ഇനിയില്ല. വലിയ ഗായികയും നൃത്തക്കാരിയും ആകാനുള്ള ആഗ്രഹം എല്ലാം ബാക്കി വയ്ച്ചു. എല്ലാം ആ കാലന് ലോറി മൂലം. എന്തുകൊണ്ട് ഇനിയൊരു ദുരന്തം റോഡില് ഉണ്ടാകില്ല എന്ന് സര്ക്കാരിനും പോലീസിനും റോഡ് ഉപയോഗിക്കുന്ന എല്ലാ ഡ്രൈവര്മാര്ക്കും മനസില് ഒരു തീരുമാനം എടുത്തു കൂടാ. ആര്ക്കും ഒരു ചിലവും ഇല്ലാത്ത ഒരു തീരുമാനം. പകരം രക്ഷപെടുന്നത് അനേകായിരം മനുഷ്യര്..കുടുംബം..റോഡിലെ അശ്രദ്ധയുടെ രക്ത സാക്ഷിയായി ജഗതി ശ്രീകുമാര് ഇന്നും മരിച്ച് ജീവിക്കുന്നു. കരുതാം റോഡിലെ യാത്രകള് ഒപ്പം സുരക്ഷിതമാക്കാം.
"
https://www.facebook.com/Malayalivartha
