കാണാതായ ആളുടെ അസ്ഥികൂടം വനത്തിനുള്ളില്... ബന്ധുക്കൾ വസ്ത്രം തിരിച്ചറിഞ്ഞതോടെ മാസങ്ങൾ നീണ്ട അന്വേഷണത്തിന് ഉത്തരമായി; തൂങ്ങി മരിച്ചതാകാമെന്ന് പ്രാഥമിക നിഗമനം... സംഭവം കോന്നിയിൽ
ജൂലൈ പതിനെട്ടാം തീയതി വിശ്വനാഥനെ കാണാനില്ല എന്ന് ബന്ധുക്കള് കോന്നി പൊലീസ് സ്റ്റേഷനില് നല്കിയ പരാതിയെ തുടര്ന്ന് കേസ് അന്വേഷിച്ച് വരുകയായിരുന്നു. ഇതിനിടയിലാണ് ഇയാളുടെ അസ്ഥികൂടം ഞള്ളൂര് വനത്തിനുള്ളില് നിന്നും കണ്ടെത്തുന്നത്. അതുംബുംകുളം ഞള്ളൂര് വിനോദ് ഭവന് വിശ്വനാഥ(55)ന്റെ അസ്ഥികൂടമാണ് വനത്തിനുള്ളില് നിന്ന് കണ്ടെത്തിയത്. അസ്ഥികൂടാവശിഷ്ടങ്ങള് പരിശോധനയ്ക്കായി കോട്ടയം മെഡിക്കല് കോളേജിലേക്ക് മാറ്റി.
കഴിഞ്ഞ ദിവസമാണ് അസ്ഥികൂടം ഞള്ളൂര് വനത്തില് നിന്നും കണ്ടെത്തുന്നത്. രണ്ട് മാസത്തോളം പഴക്കമുള്ളതായി പൊലീസ് പറയുന്നു. തൂങ്ങി മരിച്ചതാകാമെന്നാണ് പ്രാഥമിക നിഗമനം. ഇയാള് ധരിച്ചിരുന്ന വസ്ത്രങ്ങള് ബന്ധുക്കള് തിരിച്ചറിയുകയായിരുന്നു. ഫോറസിക് വിദഗ്ധര്, സൈന്റിഫിക് വിദഗ്ധര്, പൊലീസ്, വനംവകുപ്പ് ഉദ്യോഗസ്ഥര് തുടങ്ങിയവര് സ്ഥലത്തെത്തി അന്വേഷണം നടത്തി.
https://www.facebook.com/Malayalivartha
