സാലറി ചലഞ്ചില് പങ്കെടുത്തവരുടെ വിവരം സര്വീസ് ബുക്കില് രേഖപ്പെടുത്താന് ഗൂഢ നീക്കം; പിന്നില് സിപിഐഎം അനുകൂല സംഘടന, സര്ക്കാര് ഒത്താശയോടെയെന്ന് സംശയം
സാലറി ചാലഞ്ചില് ഒരുമാസത്തെ ശമ്പളം നല്കിയ ജീവനക്കാരുടെ വിവരം സര്വീസ് ബുക്കില് രേഖപ്പെടുത്തണമെന്ന് ആവശ്യം. സി പി എം അനുകൂല സംഘടനയായ കേരളം സെക്രട്ടറിയേറ്റ് എംപ്ലോയീസ് അസോസിയേഷനാണ് ഇക്കാര്യം ആവശ്യപ്പെട്ടുകൊണ്ട് സര്ക്കാരിന് നിവേദനം നല്കിയത്. ഇത് അനുകൂല ശുപാര്ശയോടെ ധനമന്ത്രി തോമസ് ഐസക്കിന്റെ പക്കലെത്തി. എന്നാല് സര്ക്കാര് അന്തിമ തീരുമാനമെടുത്തിട്ടില്ല.
അതേസമയം പണം നല്കാത്തവരെ തിരിച്ചറിയാനാണ് സര്ക്കാര് അനുകൂല സംഘടനകളുടെ ഈ നീക്കം എന്ന് പരാതി ഉയര്ന്നിട്ടുണ്ട്. സ്ഥാനക്കയറ്റം, ഇന്ക്രിമെന്റ് തുടങ്ങിയ സര്വീസ് സംബന്ധമായ കാര്യങ്ങളാണ് സര്വീസ് ബുക്കില് ഉള്ക്കൊള്ളിക്കുന്നത്. ഗുഡ്സര്വീസ് എന്ട്രി പോലെ മികച്ച സേവനത്തെ പ്രകീര്ത്തിക്കുന്ന നടപടികളും അച്ചടക്കനടപടിയുടെ ഭാഗമായുള്ള ശിക്ഷാവിവരങ്ങളും ഇതില് ഉള്പ്പെടുത്തും. പണം നല്കുന്നവരും അല്ലാത്തവരും തമ്മിലുള്ള വിവേചനത്തിനും സര്വീസ് ബുക്കില് രേഖപ്പെടുത്തുന്ന സാലറി ചലഞ്ച് കാരണമായേക്കുമെന്നും ജീവനക്കാര് ആശങ്കപ്പെടുന്നു ഇതില് സി പി എം സംഘടന തന്നെ ഇറങ്ങിത്തിരിച്ചത് സര്ക്കറിന്റെ ഇടപെടലോടെയാണോ എന്ന ചിന്തയും ജീവനക്കാരെ വ്യാകുലപ്പെടുത്തുന്നു . പ്രളയക്കെടുതിയെ തുടര്ന്ന് സംസ്ഥാനത്തിന്റെ പുനര്നിര്മാണത്തിനായി ഒരുമാസത്തെ ശമ്പളം ജീവനക്കാര് നല്കണമെന്ന സര്ക്കാര് ആവശ്യം ഇതുവരെ 60 ശതമാനം പേരേ സ്വീകരിച്ചുള്ളൂ. എയ്ഡഡ് കോളേജ്, സ്കൂള് മേഖലയിലെ 80 ശതമാനത്തോളം അധ്യാപകരും സാലറി ചലഞ്ചിനോട് 'നോ' പറഞ്ഞിരുന്നു.
സാലറി ചലഞ്ചുമായി ബന്ധപ്പെട്ട കേസ് കോടതിയിലായതിനാല് അതില് തീര്പ്പുണ്ടാകാതെ സര്വീസ് ബുക്കില് ഇക്കാര്യം ചേര്ക്കുന്നതില് സര്ക്കാര് തീരുമാനമെടുക്കില്ലെന്നാണ് അറിയുന്നത്.
https://www.facebook.com/Malayalivartha
