ശബരിമലയില് വനിത പോലീസിനെ കയറ്റുമെന്ന് പറഞ്ഞത് യാഥാര്ത്ഥ്യമാകുന്നു; ഭക്തരുടെ വികാരം മാനിച്ച് പറഞ്ഞയിടത്ത് നിന്നും അണുവിട മാറാതെ പോലീസ് പുതിയ തന്ത്രത്തിലൂടെ വനിതാ പോലീസിനെ മലകയറ്റും; 50 തികഞ്ഞ വനിതാ പോലീസിനെ മലകയറ്റി പോലീസ് ഭക്തരുടെ കൈയ്യടി നേടുന്നു...
ശബരിമലയില് വനിതാ പോലീസിനെ കയറ്റുമെന്ന് പറഞ്ഞ ഡിജിപിയുടെ വാക്ക് യാഥാര്ത്ഥ്യമാകുന്നു. സുപ്രീം കോടതിവിധിയുടെ കരുത്തില് മലചവിട്ടുന്ന യുവതികളുടെ തുണയ്ക്കായി ആചാരം പാലിച്ച് വനിതാ പോലീസെത്തും. ശബരിമലയിലേക്കു നിയോഗിക്കാനായി 50 വയസ് തികഞ്ഞ വനിതാ പോലീസുകാരുടെ പട്ടിക തയാറാക്കാനാണ് ആലോചന. ഇവരുടെ പ്രവേശനത്തിന് ആചാരം തടസമാകില്ലെന്നതാണു തന്ത്രം.
എല്ലാ പ്രായത്തിലുള്ള സ്ത്രീകളെയും പ്രവേശിപ്പിക്കണമെന്ന സുപ്രീം കോടതിവിധി നടപ്പാക്കുക മാത്രമാണു ചെയ്യുന്നതെന്നും സര്ക്കാര് ആചാരലംഘനം നടത്തുന്നെന്നും വിശദീകരിച്ചു കൈകഴുകാം. യുവതികളെ പ്രവേശിപ്പിക്കുക സര്ക്കാരിന്റെ അജന്ഡയല്ലെന്നു സ്ഥാപിക്കാം. പോലീസില്നിന്നുയര്ന്ന നിര്ദേശത്തില് ആഭ്യന്തര സെക്രട്ടറിയുമായി ആലോചിച്ചു തീരുമാനമെടുക്കും.
ശബരിമല സുരക്ഷയ്ക്കു പുരുഷപോലീസുകാരെ മാത്രമാകും നിയോഗിക്കുക. ദര്ശനത്തിനെത്തുന്ന സ്ത്രീകളെ നിയന്ത്രിക്കുക, സഹായിക്കുക, അവര്ക്കു സുരക്ഷാ പ്രശ്നങ്ങളുണ്ടായാല് ഇടപെടുക എന്നിവയാകും വനിതാ പോലീസിന്റെ ചുമതല. ഡ്യൂട്ടിക്കു നിയോഗിക്കുന്നതിനു മുമ്പ് ഇവരില്നിന്നു സമ്മതപത്രം വാങ്ങും. പതിനെട്ടാംപടിക്കു താഴെയാകും വിന്യസിക്കുക. ആവശ്യമുള്ള അവസരങ്ങളില് മാത്രമേ പതിനെട്ടാംപടിക്കു മുകളിലും സോപാനത്തിനടുത്തും ഇവരുടെ സേവനം ഉപയോഗിക്കൂ.
ശബരിമലയില് പ്രായഭേദമെന്യേ സ്ത്രീപ്രവേശനം അനുവദിച്ച് കോടതിവിധി വന്നെങ്കിലും ദര്ശനത്തിനു പോകുന്ന കാര്യത്തില് സ്ത്രീകള്ക്കിടയില് വ്യത്യസ്ത അഭിപ്രായക്കാരുണ്ട്. ഡ്യൂട്ടിയുടെ ഭാഗമായാണെങ്കില്ക്കൂടിയും ആചാരം ലംഘിക്കുന്നതില് ആശങ്കയുള്ള വനിതാ പോലീസുകാരുമുണ്ട്. ഇതുകൂടി പരിഗണിച്ചാണ് 50 കഴിഞ്ഞവരെ തെരഞ്ഞെടുത്തു നിയോഗിക്കാന് ആലോചിക്കുന്നത്. ഇതര സംസ്ഥാനങ്ങളില്നിന്നു വനിതാ പോലീസിനെ വിളിക്കേണ്ടിവന്നാലും പ്രായക്കാര്യം അനൗദ്യോഗികമായി സൂചിപ്പിക്കും.
https://www.facebook.com/Malayalivartha
