ക്ഷേത്രപ്രവേശസമരത്തിന്റെ സ്മരണയുണര്ത്തി സുപ്രീംകോടതി വിധിക്ക് സ്വീകാര്യതയുണ്ടാക്കാന് സി.പി.എം. തീരുമാനം; കോടതിവിധിക്കെതിരായ സമരത്തിനെതിരേ വെള്ളാപ്പള്ളി നടേശന് നടത്തിയ പത്രസമ്മേളനത്തിലെ ഓര്മപ്പെടുത്തലുകളും പരാമര്ശങ്ങളും സി.പി.എമ്മിന് ആവേശം പകര്ന്നു
ശബരിമല സ്ത്രീ പ്രവേശന വിഷയത്തില് ജനങ്ങളെ ബോധവത്കരണം നടത്തുന്നതിന്റെ ഭാഗമായി ക്ഷേത്രപ്രവേശസമരത്തിന്റെ സ്മരണയുണര്ത്തി സുപ്രീംകോടതി വിധിക്ക് സ്വീകാര്യതയുണ്ടാക്കാന് സി.പി.എം. തീരുമാനം. ഈഴവര്ക്കും മറ്റു പിന്നാക്കസമുദായക്കാര്ക്കും പട്ടികജാതി-പട്ടികവര്ഗക്കാര്ക്കും ക്ഷേത്രപ്രവേശം നിഷേധിച്ചതിന്റെ തുടര്ച്ചയാണ് സുപ്രീംകോടതി വിധിക്കെതിരായ സമരം എന്നതില് കേന്ദ്രീകരിച്ചാണ് പ്രചാരണം നടത്തുക. കേരളത്തിലുടനീളം ഇത്തരത്തില് ബോധവത്കരണം നടത്താനും സിപിഎം തീരുമാനിച്ചിട്ടുണ്ട്.
ചൊവ്വാഴ്ച സി.പി.എം. സംസ്ഥാന സെക്രട്ടേറിയറ്റ് അവൈലബിള് യോഗമാണ് പ്രചാരണം ശക്തമാക്കാന് തീരുമാനിച്ചത്. തിങ്കളാഴ്ച മുഖ്യമന്ത്രി നടത്തിയ പത്രസമ്മേളനം സര്ക്കാരിന്റെയും പാര്ട്ടിയുടെയും നിലപാടില് വ്യക്തതവരുത്തുന്നതില് വിജയിച്ചുവെന്ന് യോഗം വിലയിരുത്തി. വിധിക്കെതിരായ പ്രക്ഷോഭത്തിനെതിരേ എസ്.എന്.ഡി.പി. ജനറല് സെക്രട്ടറി വെള്ളാപ്പള്ളി നടേശന് രംഗത്തിറങ്ങിയതും സി.പി.എം. നേതൃത്വത്തിന് ആശ്വാസമായി. മുഖ്യമന്ത്രിയുടെ പത്രസമ്മേളനത്തില് ഉയര്ത്തിയ ആശയങ്ങളില് കേന്ദ്രീകരിച്ച പ്രചാരണം സംസ്ഥാന വ്യാപകമാക്കാനാണ് തീരുമാനം.
ക്ഷേത്രപ്രവേശ ഓര്മയുണര്ത്തുന്നതിലൂടെ ശബരിമല പ്രശ്നത്തിലെ ധ്രുവീകരണം തടയാനാകുമെന്നാണ് പാര്ട്ടി പ്രതീക്ഷ. വിവേകാനന്ദന് കേരളത്തെ ഭ്രാന്താലയമെന്ന് വിശേഷിപ്പിച്ചതും ഹരിജന് ഫണ്ട് പിരിവിനെത്തിയപ്പോള് കേരളത്തെ ഗാന്ധിജി ഏറ്റവും കറുത്ത സ്ഥലമെന്ന് (ബ്ലാക്കസ്റ്റ് സ്പോട്ട്) വിശേഷിപ്പിച്ചതും പ്രചാരണത്തിന്റെ ഭാഗമാകും. സി.പി.എമ്മിന്റെ എല്ലാതലത്തിലുമുള്ള യോഗം ഈയാഴ്ചതന്നെ നടക്കും.
കോടതിവിധിക്കെതിരായ സമരത്തിനെതിരേ വെള്ളാപ്പള്ളി നടേശന് നടത്തിയ പത്രസമ്മേളനത്തിലെ ഓര്മപ്പെടുത്തലുകളും പരാമര്ശങ്ങളും സി.പി.എമ്മിന് ആവേശം പകര്ന്നിട്ടുണ്ട്. ബി.ഡി.ജെ.എസിന് മറിച്ചുള്ള സമീപനമാണെന്നത് സി.പി.എം. കാര്യമാക്കുന്നില്ല. എസ്.എന്.ഡി.പി. പിന്തുണ പാര്ട്ടിക്ക് ധാര്മിക പിന്തുണയുണ്ടാക്കിയെന്ന വിശ്വാസത്തിലാണ് നേതൃത്വം.
പ്രത്യക്ഷസമരത്തില്നിന്ന് മാറിനില്ക്കാനുള്ള യു.ഡി.എഫ്. തീരുമാനവും സി.പി.എമ്മിന് ആശ്വസമായി. കോടതിവിധിക്കെതിരായ സമരത്തില് ബി.ജെ.പി.ക്ക് മേല്ക്കൈവന്ന സാഹചര്യത്തില് കോണ്ഗ്രസും പ്രത്യക്ഷസമരം തുടങ്ങിയാല് ആത്യന്തികനേട്ടം ബി.ജെ.പി.ക്കാവുമെന്ന വിലയിരുത്തലാണ് തെരുവിലിറങ്ങിയുള്ള സമരത്തില്നിന്ന് യു.ഡി.എഫിനെ പിന്തിരിപ്പിച്ചതെന്നാണ് സി.പി.എം. വിലയിരുത്തല്. അങ്കലാപ്പില്നിന്ന് പുറത്തുകടക്കാനായെന്ന ആശ്വാസത്തിലാണ് നേതൃത്വമിപ്പോള്.
അതേസമയം കഴിഞ്ഞ ദിവസം വിധിയെ അനുകൂലിച്ചുകൊണ്ടു നടന്ന വനിതാ സംഗമത്തില് പങ്കെടുഅണികള്ക്ക പെലും തങ്ങള് എന്തിനാണ് വന്നതെന്ന് അറിയാത്ത അവസ്ഥയിലായിരുന്നു. ശബരിമലയില് സ്ത്രീകള്ക്ക് പോകാമെ എന്ന ചോദ്യത്തിന് പാടില്ലാ എ്ന്നായണ് മറുപടി നല്കിയതും.
https://www.facebook.com/Malayalivartha
