നാലു ടയറുകളുമായി കെഎസ്ആര്ടിസി ബസ് സഞ്ചരിച്ചത് 29 കിലോമീറ്റര്, ഓട്ടത്തിനിടെ നാട്ടുകാരുടെ ശ്രദ്ധയില്പെട്ട ബസ് തടഞ്ഞ് പോലീസിനെ വിളിച്ചു വരുത്തി, അശ്രദ്ധമായ ഡ്രൈവിങ്ങിന് ഡ്രൈവര്ക്കെതിരെ കേസെടുത്തു
നാലു ടയറുകളുമായി കെഎസ്ആര്ടിസി ബസ് സഞ്ചരിച്ചത് 29 കിലോമീറ്റര്, അറ്റകുറ്റ പണികള്ക്കായി പിന്നിലെ രണ്ട് ടയറുകളും അഴിച്ചുവച്ചിരുന്ന ബസുമായി കെഎസ്ആര്ടിസി ഡ്രൈവര് ചേര്ത്തലയില് നിന്നും നെട്ടൂര് വരെ 29 കിലോമീറ്ററാണ് സഞ്ചരിച്ചത്. ചേര്ത്തലയില് നിന്നും വൈറ്റിലയിലേക്കു സര്വീസ് നടത്തുന്ന ചേര്ത്തല ഡിപ്പോയിലെ ബസാണു നാല് ടയറുകളുമായി 29 കിലോമീറ്റര് ഓടിയത്. ചേര്ത്തല തണ്ണീര്മുക്കം സ്വദേശിയായ ബൈജു എന്ന െ്രെഡവറാണ് ഈ ബസ് ദിവസങ്ങളായി ഓടിച്ചുവന്നിരുന്നതെന്ന് അധികൃതര് പറഞ്ഞു. ഇന്നു പുലര്ച്ചെയും പതിവുപോലെ ഇയാള് ഡിപ്പോയിലെത്തി കാര്ഡ് വാങ്ങി.
കാര്ഡില് രേഖപ്പെടുത്തിയ ബസിന്റെ നന്പര് ഏതെന്നുപോലും ശ്രദ്ധിക്കാത്ത െ്രെഡവര് തന്റെ സ്ഥിരം ബസില് കയറി. ഈ ബസിന്റെ ടയറുകള് അറ്റകുറ്റപണികളുടെ ഭാഗമായി കഴിഞ്ഞ രാത്രി ഊരിമാറ്റിയിരിക്കുകയായിരുന്നു. ഇതറിയാതെ െ്രെഡവര് ബസ് വൈറ്റിലയിലേക്കു സര്വീസ് തുടങ്ങി. യാത്രയ്ക്കിടെ മറ്റൊരു കെഎസ്ആര്ടിസി ബസിലെ ജീവനക്കാരന് വിവരം പറയുമ്പോഴാണ് ബൈജു നാല് ടയര് ബസാണ് ഓടിച്ചിരുന്നതെന്ന് അറിയുന്നത്.
എന്നാല് നാല് ടയര് ബസിന്റെ സര്വീസ് 29 കിലോമീറ്റര് ഓട്ടത്തിനിടെ നാട്ടുകാരുടെ ശ്രദ്ധയില്പ്പെട്ടിരുന്നു. നെട്ടൂര് ഐഎന്ടിയുസി ജംഗ്ഷനിലെത്തിയപ്പോള് സമീപത്തെ തൊഴിലാളികളും നാട്ടുകാരും ചേര്ന്ന് ബസ് തടഞ്ഞു വിവരം പോലീസില് അറിയിച്ചു. പിന്നീട് സ്ഥലത്തെത്തിയ പോലീസ് യാത്രികരെ മറ്റൊരു ബസില് കയറ്റിവിട്ടശേഷം ബസ് പോലീസ് സ്റ്റേഷനിലേക്കു മാറ്റി. പിന്നീട് മണിക്കൂറുകള്ക്കുശേഷം രണ്ട് ടയറുകള് കൂടി ഡിപ്പോയില് നിന്നെത്തിച്ച് ഘടിപ്പിച്ച ശേഷമാണ് ബസ് പോലീസ് വിട്ടുകൊടുത്തത്. ശ്രദ്ധയില്ലാതെ ബസ് സര്വ്വീസ് നടത്തിയതിന് ബൈജുവിനെതിരേ പോലീസ് കേസെടുത്തു.
"
https://www.facebook.com/Malayalivartha
