ശബരിമല യുവതി പ്രവേശന വിഷയത്തിൽ ബുധനാഴ്ച നിലയ്ക്കലിൽ പ്രഖ്യാപിച്ച നിരോധാനാജ്ഞ ലംഘിച്ചു.  നിലയ്ക്കൽ വീണ്ടും സംഘർഷ ഭരിതമായിരിക്കുകയാണ് . സംഭവത്തിൽ നേതാക്കളുൾപ്പെട പോലീസ് പത്തു ബിജെപി പ്രവര്‍ത്തകരെ അറസ്റ്റ് ചെയ്തു നീക്കി.

ബിജെപി സംസ്ഥാന സെക്രട്ടറി എ.എന്‍ രാധാകൃഷ്ണന്‍, ജെ.ആര്‍ പത്മകുമാര്‍ അടക്കമുള്ളവരെയാണ് അറസ്റ്റ് ചെയ്തത്. തുടർന്ന് അറസ്റ്റ് ചെയ്തപ്പോഴും പ്രതിഷേധ മുറവിളി പോലീസ് ബസില്‍ നിന്നുമുണ്ടായി.

അയ്യപ്പഭക്തരെ പോലെയാണ് ഇവര്‍ ഇങ്ങോട്ട് കടന്നുവന്നത്. പൂര്‍ണമായും അയ്യപ്പഭക്തര്‍ എന്നു തോന്നിക്കുന്ന വേഷത്തിലായിരുന്നു ഇവര്‍. മുഖ്യമന്ത്രിക്കെതിരെയും ദേവസ്വം മന്ത്രിക്കെതിരെയും മുദ്രാവാക്യം വിളിക്കുകയാണ് ഇവര്‍ ചെയ്തത്.എന്നാൽ ശബരിമല ഇലവങ്കലിലെ പോലീസ് പരിശോധന കടന്ന് ഇവര്‍ എങ്ങനെ ഇവിടെയെത്തി എന്നത് സംശയാസ്പദകമാണ് .തിങ്കളാഴ്ച വരെയാണ് നിരോധനാജ്ഞ നീട്ടിയിരുന്നത് .