ബാരിക്കറ്റുകള് മാറ്റി ബൈക്കുകള് കടന്നുപോകുന്നത് പതിവുകാഴ്ച... വിലക്ക് ലംഘിച്ച് കടന്ന ഇരുചക്ര വാഹനം ബാരിക്കേറ്റില് തട്ടി രണ്ടായി തകര്ന്നു, മൂന്ന് യുവാക്കള്ക്ക് പരിക്ക്
വിലക്ക് ലംഘിച്ച് വാഹനഗതാഗതം നടത്തിയ ഇരുചക്ര വാഹനം ബാരിക്കേറ്റില് തട്ടി രണ്ടായി തകര്ന്നു. കോവളം ബൈപാസ് റോഡില് കല്ലുവെട്ടാന്കുഴി ഭാഗത്തുള്ള വിലക്ക് ലംഘിച്ചാണ് ബൈക്ക് കടന്നത്. ബൈക്കില് യാത്ര നടത്തിയിരുന്ന മൂന്ന് യുവാക്കള്ക്ക് പരിക്കേറ്റു
ഏതാനും മാസം മുന്പ് ഇവിടെ മിനിലോറിയിടിച്ചുണ്ടായ അപകടത്തില് ഇരുചക്രവാഹന യാത്രികയായ ബാലിക മരിച്ചിരുന്നു. തുടര്ന്നു നിര്മാണം പൂര്ത്തിയാകാത്ത ഈ റോഡില് കോവളത്തിനും മുല്ലൂര് തലക്കോടിനും മധ്യേ പൊലീസ് ഗതാഗതം നിരോധിച്ചിരുന്നു. ഇരുഭാഗത്തും ബാരിക്കേഡുകളും സ്ഥാപിച്ചു.
എന്നാല്, ബാരിക്കറ്റുകള് മാറ്റി ബൈക്കുകള് കടന്നുപോകുന്നത് പതിവായിരുന്നുവെന്ന് നാട്ടുകാര് പറഞ്ഞു. ഇത്തരത്തിലെത്തിയ വാഹനങ്ങളിലൊന്നാണ് അപകടത്തില്പെട്ടതെന്നു കരുതുന്നു. ബാലരാമപുരം സ്വദേശികളായ തൗഫീഖ് (20), അനൂപ് (19), അരവിന്ദ് (20) എന്നിവര്ക്കാണ് പരിക്കേറ്റത്. പട്രോളിങ് നടത്തുകയായിരുന്ന വിഴിഞ്ഞം പൊലീസ് എത്തി രക്ഷാപ്രവര്ത്തനം നടത്തി. ആള്ത്തിരക്കില്ലാത്ത ഈ ഭാഗങ്ങള് മദ്യപരും ലഹരിമരുന്നു ലോബികളും ബൈക്ക് റേസിങ് സംഘങ്ങളും കയ്യടക്കുന്നതായും പരാതിയുണ്ട് .
0"
https://www.facebook.com/Malayalivartha
