താൻ ബിജെപിയിൽ ചേരുന്നുവെന്ന വാർത്തകൾ വെറും അസംബന്ധമാണെന്ന് മുതിർന്ന കോൺഗ്രസ് നേതാവ് കെ. സുധാകരൻ. രാഷ്ട്രീയ നൈതികതയുള്ള വ്യക്തിയാണ് താനെന്നും ബിജെപിയിൽ പോകുന്നതിനെക്കുറിച്ച് ചിന്തിച്ചിട്ടുപോലുമില്ലെന്നും അദ്ദേഹം വ്യക്തമാക്കി. കോൺഗ്രസ് സ്ഥാനാർത്ഥി പട്ടിക പുറത്തുവന്നതിന് പിന്നാലെ പ്രതികരിക്കുകയായിരുന്നു അദ്ദേഹം. നിയമസഭാ തെരഞ്ഞെടുപ്പിൽ മത്സരിക്കാൻ ആഗ്രഹമുണ്ടായിരുന്നുവെന്നും എന്നാൽ സാഹചര്യങ്ങൾ മൂലം അതിന് കഴിഞ്ഞില്ലെന്നും സുധാകരൻ പറഞ്ഞു.

ഇതിൽ മറ്റ് പരാതികളില്ല. വരും ദിവസങ്ങളിൽ പേരാവൂരിലും കണ്ണൂരിലും പ്രചാരണത്തിനിറങ്ങും. പാർട്ടിയുടെ ഒരു സ്ഥാനാർത്ഥിയെ പോലും തോൽപ്പിക്കാൻ താൻ ശ്രമിക്കില്ലെന്നും കോൺഗ്രസ് മിന്നും വിജയം നേടുമെന്നും അദ്ദേഹം കൂട്ടിച്ചേർത്തു. പിണറായി സർക്കാരിനെ താഴെയിറക്കുകയാണ് ലക്ഷ്യമെന്നും സുധാകരൻ വ്യക്തമാക്കി.