കഴിഞ്ഞ ദിവസങ്ങളിൽ കേരളത്തെ നടുക്കിയ കൊലപാതക വാർത്തയായിരുന്നു ഒരു ചായയുടെ പേരിൽ അമ്മായിയമ്മ മരുമകളെ വെട്ടിക്കൊലപ്പെടുത്തിയത് . ഇപ്പോഴിതാ അതിന്റെ പേരിൽ ഒരു ഫേസ് ബുക്ക് പോസ്റ്റ് വൈറലാവുകയാണ് . അങ്ങനെ പെണ്‍വിഭാഗത്തിനു കളങ്കം ചാര്‍ത്താന്‍ ഒരു ക്രൂരയായ അമ്മായിയമ്മകൂടി പിറന്നു കേരളത്തില്‍! മലപ്പുറത്ത് ശാന്ത എന്നൊരു അമ്മയിയമ്മ (75) തന്‍റെ 28 കാരി രജിത എന്ന മരുമകളെ വെട്ടിക്കൊന്നിരിക്കുന്നു!

കാലങ്ങളായി ദുഷ്പ്പേരിനു പാത്രീഭവിച്ചുകൊണ്ടിരുന്ന സ്ത്രീകള്‍ക്ക് വീണ്ടും ഒരു ഇരുട്ടടി കൂടി!ഈ സംഭവത്തില്‍ മാധ്യമങ്ങളില്‍ വന്ന വാര്‍ത്തയനുസരിച്ച് ഞാന്‍ മനസ്സിലാക്കിയത് അമ്മായിയമ്മയ്ക്ക് സ്വന്തമായി അടുക്കളയില്‍ കയറി എന്തെങ്കിലും ഉണ്ടാക്കിക്കഴിക്കാനോ,ചായ ഇടാനോ ഒന്നും അവകാശമുണ്ടായിരുന്നില്ല എന്നാണ്. ഇന്‍സുലിന്‍ എടുക്കുന്ന അമ്മായിമ്മയ്ക്ക് അവര്‍ക്കിത്തിരി വെള്ളം കുടിക്കണമെന്നു തോന്നുമ്പോള്‍ കുടിക്കാന്‍ കഴിയാതെ വന്നപ്പോള്‍, ശരീരം വിറയ്ക്കാന്‍ തുടങ്ങിയപ്പോള്‍ അവര്‍ സ്വന്തമായി ചായ ഇടാനൊരുങ്ങി. അത് കണ്ടുകൊണ്ട് അടുക്കളയിലേക്ക് കയറി വന്ന മരുമകള്‍ക്കത് ഇഷ്ടപ്പെടാതെ എടുത്തു കളഞ്ഞു.

ആ ദേഷ്യവും കാലങ്ങളായി ഇതിനു സമാനമായി മനസ്സില്‍ ഉരുണ്ടുകൂടിയിരുന്ന ദേഷ്യവുമെല്ലാം ചേര്‍ന്നപ്പോള്‍ ഒരു നിമിഷം നിയന്ത്രണം വിട്ടു.അവരാ കടുംകൈ ചെയ്തു! തനിക്കു തുണയാകേണ്ട മറ്റൊരു പെണ്ണിനെ അവര്‍ക്ക് കൊല്ലേണ്ടി വന്നു! വയസ്സാം കാലത്ത് അപമാനിതയായെങ്കിലും വീടിനേക്കാള്‍ മെച്ചമായതുകൊണ്ട് സന്തോഷത്തോടെ ജയിലഴിക്കുള്ളിലേക്ക് പോകേണ്ടിവന്നു.ഈ സംഭവിത്തില്‍ ആരാണ് കുറ്റക്കാര്‍?എല്ലാവരും അവരവരുടെ ബുദ്ധിക്കും അറിവിനും തക്ക രീതിയില്‍ വിചാരണ നടത്തിക്കൊണ്ടിരിക്കുകയാണ്.

ചിലര്‍ അമ്മായിയമ്മയെ കുറ്റം പറയുന്നു,ചിലര്‍ മരുമകളെ കുറ്റം പറയുന്നു, ചിലര്‍ പെണ്‍വര്‍ഗ്ഗത്തെ മൊത്തമായി കുറ്റം പറയുന്നു.മറ്റു ചിലര്‍ ഞങ്ങളുടെ മതക്കാരല്ല എന്ന് കൈ കഴുകാന്‍ ശ്രമിക്കുന്നു! അങ്ങനെ ഒരു ആഘോഷം തന്നെ സാമൂഹ്യമാധ്യമങ്ങളിലൂടെ നടക്കുന്നുണ്ട്.ഇതോ ഇതുപോലെയുള്ളതോ ആയ ലക്ഷക്കണക്കിനു സംഭവങ്ങള്‍ ഇതിനു മുന്‍പും കേരളമോ, ഇന്ത്യയോ കണ്ടതാണ്. ഇതൊരു പുത്തരിയൊന്നുമല്ല. ഈ സംഭവത്തെ ഒരു പ്രായമായ സ്ത്രീ എന്ന നിലയ്ക്ക്, കുറച്ച് ലോകം കണ്ടിട്ടുള്ള ആളെന്ന നിലയ്ക്ക്, വ്യവസ്ഥിതിയെക്കുറിച്ച് കുറച്ചൊക്കെ പഠിച്ചുകൊണ്ടിരിക്കുന്നതില്‍ വച്ച് അറിവായ സംഗതികളുടെ വെളിച്ചത്തില്‍ , ഒന്ന് അപഗ്രഥിക്കാം...