ശബരിമലയില്‍ സന്ദർശനം നടത്താനെത്തിയ സ്ത്രീകൾ 10 മിനിറ്റ് ടെലിവിഷനിൽ പ്രത്യക്ഷപ്പെടുക എന്ന ഉദ്ദേശ്യത്തോടു കൂടിയാണ് അതിന് മുതിർന്നതെന്ന് കേന്ദ്രമന്ത്രി അല്‍ഫോൻസ് കണ്ണന്താനം.അവരുടെ ഉദ്ദേശ്യം അയപ്പനെ കാണുക എന്നതല്ലായിരുന്നുവെന്നും ക്രമസമാധാനം തകർക്കാരാണ് അവരെത്തിയതെന്നും മന്ത്രി കുറ്റപ്പെടുത്തി.

‘ആരാണ് ശബരിമലയെ തകർക്കാൻ ശ്രമിച്ചത്. പള്ളിയിൽ പോകാത്ത ഒരു മു‍സ്‍‍ലിം സ്ത്രീ. അവരെന്താണ് തെളിയിക്കാന്‍ ശ്രമിച്ചത്? പള്ളിയിൽ പോകാത്ത മറ്റൊരു ക്രിസ്ത്യൻ സ്ത്രീയും ഉണ്ടായിരുന്നു. ക്യാമറക്കു മുന്നിൽ പ്രത്യക്ഷപ്പെടാനാണ് അവരങ്ങനെ ചെയ്തത്. 10 മിനിറ്റ് നേരം ടെലിവിഷനിൽ പ്രത്യക്ഷപ്പെടുക എന്നതായിരുന്നു അവരുടെ ആവശ്യം. ഇതൊന്നും സ്വീകാര്യമല്ല. കേരളത്തിലെ ജനങ്ങൾക്ക് അയ്യപ്പനോട് ഒരു പ്രത്യേക സ്നേഹമുണ്ട്. അതിനെ നമ്മൾ ബഹുമാനിക്കണമെന്നും മന്ത്രി പറഞ്ഞു.