ശബരിമലയില് വിശ്വാസികള്ക്ക് നേരെ പൊലീസ് നടത്തിയ അതിക്രമത്തില് പ്രതിഷേധിച്ച് എം.എം ലോറന്സിന്റെ ചെറുമകന് ഇന്നെത്തി, നാളെ മുഖ്യമന്ത്രിയുടെ വിശ്വാസിയായ മകളിലേക്കും കുടുംബത്തിലേക്കും പ്രതിഷേധം വ്യാപിക്കുമെന്ന് പി.എസ് ശ്രീധരന് പിള്ള
ശബരിമല വിഷയത്തില് സി.പി.എമ്മിനെ കൂടുതല് പ്രതിരോധത്തിലാക്കി ബി.ജെ.പിയുടെ രണ്ടാംഘട്ട സമരം. സി.പി.എമ്മിന്റെ മുതിര്ന്ന നേതാവ് എം.എം ലോറന്സിന്റെ ചെറുമകന് ഇമ്മാനിവേല് മിലന് ബി.ജെ.പിയുടെ ഉപവാസ സമരത്തില് പങ്കെടുത്തത് പാര്ട്ടിക്കും സര്ക്കാരിനും വലിയ തിരിച്ചടിയായി. അയ്യപ്പന്മാരെ വേട്ടയാടുന്ന പിണറായി സര്ക്കാരിന്റെ നയത്തിനെതിരെയാണ് അഡ്വ പി എസ് ശ്രീധരന് പിള്ള ഡിജിപി ഓഫീസിന് മുന്പില് ഏകദിന ഉപവാസ സമരം നടത്തുന്നത്. മുഖ്യമന്ത്രി പിണറായി വിജയന്റെ വിശ്വാസിയായ മകളിലേക്കും കുടുംബത്തിലേക്കും എത്തിയാല് അത്ഭുതപ്പെടാനില്ലെന്നും ശ്രീധരന്പിള്ള വ്യക്തമാക്കി. പിണറായിയുടെ മകള് വിശ്വാസിയാണെന്ന കാര്യംകൂടി വിശ്വാസസമൂഹത്തിന് മുന്നില് വയ്ക്കുകയാണ് ശ്രീധരന് പിള്ള ചെയ്തത്.
അതായത് മുഖ്യമന്ത്രിയുടെ വീട്ടില് നിന്ന് പോലും അയ്യപ്പന്മാരെ വേട്ടയാടുന്ന സമരരീതിക്ക് പിന്തുണ ലഭിക്കുന്നില്ലെന്നാണ് ശ്രീധരന്പിള്ള പറയാതെ പറഞ്ഞത്. സര്ക്കാരിനും മുഖ്യമന്ത്രിക്കെതിരായ സമരത്തില് അദ്ദേഹത്തിന്റെ മകളെ കൂടി വലിച്ചിട്ടതോടെ സി.പി.എം കൂടുതല് പ്രതിരോധത്തിലായി. പല സി.പി.എം നേതാക്കളുടെയും ഇടത് നേതാക്കളുടെയും വീട്ടുകാര് യുവതീപ്രവേശനത്തെ എതിര്ക്കുന്നുണ്ടെന്നും അത് സംബന്ധിച്ച വിവരങ്ങള് താമസിക്കാതെ പുറത്ത് വിടുമെന്നും ബി.ജെ.പി നേതാക്കള് പറയുന്നുണ്ട്. അതിനെ പ്രതിരോധിക്കാനുള്ള നീക്കം സി.പി.എം അണിയറയില് ആരംഭിച്ചുകഴിഞ്ഞു.
സി.പി.എം നേതാവ് ഇ.കെ നായനാരുടെ ചിതാഭസ്മം നിമഞ്ജനം ചെയ്തതും അദ്ദേഹത്തിന്റെ ഭാര്യ ശാരദ ടീച്ചര് വിശ്വാസിയാണെന്നുമുള്ള കാര്യങ്ങള് രണ്ടാംഘട്ട സമരങ്ങളില് ബി.ജെ.പി ഉയര്ത്തിക്കാട്ടും. സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ പേരില് പൂമൂടല് നടത്തിയതും വി.എസ് അച്യുതാനന്ദന് മുഖ്യമന്ത്രിയായിരിക്കെ ക്ലീഫ് ഹൗസില് ശത്രുസംഹാര പൂജ നടത്തിയതും ചര്ച്ചയാക്കാനുള്ള നീക്കവും തുടങ്ങിയിട്ടുണ്ട്. ദേവസ്വം മന്ത്രി കടകംപള്ളി സുരേന്ദ്രന് ഗുരുവായൂര് ക്ഷേത്രത്തില് വഴിപാട് കഴിച്ചതും ആചാരങ്ങളുടെ ഭാഗമായതും മറ്റ് വിശ്വാസികളെ ബോധ്യപ്പെടുത്തും.
https://www.facebook.com/Malayalivartha
