ശബരിമല വിഷയത്തില്‍ ഐജി മനോജ് എബ്രഹാമിനെ അധിക്ഷേപിച്ച് ബിജെപി നേതാവ് ബി ഗോപാലകൃഷ്ണന്‍. അന്തസ്സില്ലാത്ത പൊലീസ് നായയാണെന്നാണ് മനോജ് എബ്രഹാമെന്ന് ഗോപാലകൃഷ്ണന്‍. ശബരിമലയിൽ പ്രശ്നങ്ങൾ ഉണ്ടാക്കിയത് മനോജ് എബ്രഹാമാണ്. എന്നിട്ട് അത് അയ്യപ്പഭക്തരുടെ തലയിൽ കെട്ടിവയ്ക്കാൻ ശ്രമിക്കുകയായിരുന്നുവെന്ന് ഗോപാലകൃഷ്ണൻ പറഞ്ഞു.

മനോജ് എബ്രഹാമിനെ വെറുതെവിടില്ലെന്നും ഗോപാലകൃഷ്ണൻ പറഞ്ഞു. മനോജ് എബ്രഹാമിനെതിരെ പരാതി കൊടുക്കാൻ തീരുമാനിച്ചിരിക്കുന്നു. 25000 പൊലീസുകാരെത്തിയാൽ അതിന്‍റെ ഇരട്ടി വിശ്വാസികളെ ബിജെപി ശബരിമലയിൽ എത്തിക്കുമെന്നും ഗോപാലകൃഷ്ണൻ പറഞ്ഞു. കൊച്ചിയിൽ എസ്പി ഓഫിസിനു മുന്നിൽ ബിജെപി നടത്തിയ പ്രതിഷേധ പ്രകടനത്തിൽ സംസാരിക്കുകയായിരുന്നു ഗോപാലകൃഷ്ണൻ.