നിലക്കൽ പമ്പാ റൂട്ടിൽ 100 ബസുകൾ നൽകി സൗജന്യ യാത്രയ്ക്ക് സൗകര്യം ഒരുക്കാൻ തയ്യാർ ആണെന്നു അറിയിച്ച് ശബരിമല അയ്യപ്പ സേവാ സമാജം SASS തിരുവിതാംകൂർ ദേവസ്വം ബോർഡിന് കത്തു നൽകി. ശബരിമല അയ്യപ്പ സേവാ സമാജം നാഷണൽ ജനറൽ സെക്രെട്ടറി ഈരോട് എൻ രാജൻ ദേവസ്വം ബോർഡ് പ്രസിഡന്റിനാണ് കത്തു അയച്ചത്

സസ്നേഹ നമസ്ക്കാരം , സ്വാമി ശരണം എന്ന് തുടങ്ങുന്ന കത്തിന്റെ പൂർണ രൂപം ഇങ്ങനെ

നിലക്കൽ മുതൽ പമ്പ വരെ സർവീസ് നടത്തുന്നതിന് കെ എസ ആർ ടി സി അമിത നിരക്ക് വാങ്ങുന്ന സാഹചര്യത്തിൽ അയ്യപ്പ സേവാസമാജം അയൽസംസ്ഥാനങ്ങളിൽ നിന്നുള്ള സ്വകാര്യ ബസ് ഓപ്പറേറ്റർമാരുടെ സഹായം അഭ്യർത്ഥിച്ചിരുന്നു. ഇതനുസരിച്ച് നിലയ്ക്കലിൽ നിന്ന് പമ്പയിലേക്ക് സൗജന്യ യാത്രാ സേവനം ഒരുക്കുന്നതിനായി തിരുവിതാം കൂർ ദേവസ്വം ബോർഡിലേക്ക് 100 ബസ്സുകളും ഡ്രൈവർമാരെയും ഏർപ്പാടാക്കിയിട്ടുണ്ട്. ഈ സഹായം സ്വീകരിച്ചു അയ്യപ്പ ഭക്തർക്ക് സൗജന്യ യാത്രാ സംവിധാനം ഒരുക്കണമെന്നു അഭ്യർത്ഥിക്കുന്നു.