ലാവ്ലിന് കേസില് സി.ബി.ഐ സമര്പ്പിച്ച കുറ്റപത്രത്തിലെ കണ്ടെത്തലുകള് അപൂര്ണമാണെന്ന ഹൈക്കോടതിയുടെ കണ്ടെത്തല് ശരിവെച്ച്, സുപ്രീംകോടതിയില് പുതിയ കുറ്റപത്രം നല്കിയാല് പിണറായിക്ക് പണിയാകും
ലാവ്ലിന് കേസില് മുഖ്യമന്ത്രി പിണറായി വിജയനെ കുറ്റവിമുക്തമാക്കിയ ഹൈക്കോടതി ഉത്തരവ് പുനപരിശോധിക്കണമെന്ന സി.ബി.ഐയുടെ ഹര്ജി ഫയല് സ്വീകരിച്ച ശേഷം ജനുവരിയില് വാദം കേള്ക്കാമെന്ന് സുപ്രീംകോടതി പറഞ്ഞതോട പണി പാളുമെന്ന ആശങ്കയിലാണ് സി.പിഎമ്മും സര്ക്കാരും. പിണറായിക്ക് അനുകൂലമായി രണ്ടു കോടതികളുടെ വിധികള് ഉണ്ടെന്നും ഹര്ജികള് വേഗത്തില് പരിഗണിക്കണമെന്നും അഭിഭാഷകന് വി. ഗിരി കോടതിയില് ആവശ്യപ്പെട്ടെങ്കിലും അതൊന്നും സുപ്രീംകോടതി മുഖവിലയ്ക്കെടുത്തില്ല. എല്ലാ ഹര്ജികളും ഫയലില് സ്വീകരിച്ചശേഷം ഒരുമിച്ച് പരിഗണിക്കാമെന്ന് കോടതി അറിയിച്ചു.
ഹര്ജികളില് വാദം കേട്ട ശേഷം കോടതി വിചാരണ നടത്തണോ വേണ്ടയോ എന്ന് തീരുമാനിക്കും. വിചാരണ നേരിടണമെന്ന് കോടതി പറഞ്ഞാല് മുഖ്യമന്ത്രിസ്ഥാനത്ത് തുടരുന്നത് അടക്കമുള്ള കാര്യം പ്രതിസന്ധിയിലാകും. മുഖ്യമന്ത്രി പിണറായി വിജയനടക്കം ഒമ്പത് പേര്ക്കെതിരായ കുറ്റപത്രം റദ്ദ് ചെയ്ത തിരുവനന്തപുരം സിബിഐ കോടതി വിധിക്കെതിരെ സിബിഐ ഹൈക്കോടതിയില് നല്കിയ റിവ്യൂ ഹര്ജി പരിഗണിച്ചാണ് പിണറായിയെ കുറ്റവിമുക്തനാക്കിയത്. സിബിഐ സമര്പ്പിച്ച കുറ്റപത്രത്തിലെ കണ്ടെത്തലുകള് അപൂര്ണമാണെന്ന് അന്ന് കോടതി ചൂണ്ടിക്കാട്ടിയിരുന്നു.
കുറ്റപത്രത്തിലെ കണ്ടെത്തലുകള് അപൂര്ണമാണെന്ന വാദം അംഗീകരിച്ച് , അത് പൂര്ണമാക്കി അപ്പീല് പരിഗണിക്കുമ്പോള് പുതിയ കുറ്റപത്രം സമര്പ്പിച്ചാല് രാഷ്ട്രീയമായി സി.പി.എമ്മിനും പിണറായിക്കും അത് വലിയ തിരിച്ചടിയാകുമെന്നുറപ്പാണ്. പിണറായി വിജയന് വൈദ്യുതി മന്ത്രിയായിരിക്കെ പള്ളിവാസല്, ചെങ്കുളം, പന്നിയാര് ജലവൈദ്യുത നിലയങ്ങളുടെ കരാര് കനേഡിയന് കമ്പനിയായ എസ്.എന്.സി. ലാവ്ലിനു നല്കിയതില് 374 കോടിയുടെ ക്രമക്കേട് നടന്നെന്നാണ് കേസ്. 2013ലാണ് പിണറായി അടക്കമുള്ളവരെ കുറ്റവിമുക്തരാക്കിയ സി.ബി.ഐ കോടതി വിധി വന്നത്. അതിനെതിരെയായിരുന്നു സിബിഐ ഹൈക്കോടതിയില് റിവിഷന് ഹര്ജി നല്കിയത്.
https://www.facebook.com/Malayalivartha
