എന്നും സര്ക്കാരിനോടൊപ്പം ഉറച്ചു നിന്ന സുഗതകുമാരിയും അവസാനം കാലു മാറി, ശബരിമല യുവതീ പ്രവേശനം ധൃതി പിടിച്ചു വേണ്ടെന്ന് സുഗതകുമാരി
ശബരിമല വിഷയത്തില് സര്ക്കാരും ഹൈന്ദവ സംഘടനകളും രണ്ടു തട്ടില് ഉറച്ചു നില്ക്കവേ ശക്തമായ നിലപാടുമായി കവയിത്രി സുഗതകുമാരി രംഗത്തെത്തി. ഹൈന്ദവ സംഘടനകള് സര്ക്കാരിനെ വിമര്ശിച്ച പ്രധാന കാരണമാണ് സുഗതകുമാരിയും ഉന്നയിക്കുന്നത്. ശബരിമലയില് സുപ്രീംകോടതി വിധി നടപ്പാക്കാന് സര്ക്കാര് ധൃതികാട്ടരുതെന്നാണ് സുഗതകുമാരി പറയുന്നത്. കോടതി വിധി മാനിക്കണം. എന്നാല് ഒരു വലിയ ജനവിഭാഗത്തിന്റെ വിശ്വാസ പ്രശ്നം കൂടിയായതിനാല് ധൃതിപിടിച്ചു നടപ്പിലാക്കാന് ശ്രമിക്കരുത്. ഇക്കാര്യത്തില് സര്വകക്ഷി യോഗം വിളിക്കണം. പരസ്പരം പോരടിക്കാതെ സര്ക്കാരും വിശ്വാസി സമൂഹവും വിട്ടുവീഴ്ചയ്ക്ക് തയ്യാറാകണം. ശബരിമല വിഷയം സമാധാനപരമായി പരിഹരിക്കാനുള്ള മാര്ഗങ്ങളെ കുറിച്ച് ചര്ച്ച ചെയ്യാന് ശാന്തി സമിതിയുടെ ആഭിമുഖ്യത്തില് നടന്ന മതനേതാക്കളുടെ യോഗത്തില് സംസാരിക്കുകയായിരുന്നു സുഗതകുമാരി.
ശബരിമലയില് സ്ത്രീകള് പ്രവേശിക്കുന്നതില് തെറ്റില്ല. അയ്യപ്പന്റെ ബ്രഹ്മചര്യം യുവതികളെ കണ്ടാല് ഇല്ലാതാകുന്നതുമല്ല. എന്നാല് കാലങ്ങളായി ശബരിമലയില് നിലനില്ക്കുന്ന ആചാരം സംരക്ഷിക്കപ്പെടണം. അയ്യപ്പനെ കാണാന് പോകുന്ന ആരെയും ഇതിന്റെ പേരില് തടയരുതെന്നും അവര് പറഞ്ഞു.
നന്ദാവനത്തെ സുഗതകുമാരിയുടെ വീട്ടില് ചേര്ന്ന യോഗത്തില് തിരുവനന്തപുരം അതിരൂപതാ ആര്ച്ച് ബിഷപ് ഡോ. എം.സൂസപാക്യം,പാളയം ഇമാം വി.പി. സുഹൈബ് മൗലവി, ഏകലവ്യാശ്രമം മഠാധിപതി സ്വാമി അശ്വതി തിരുനാള് എന്നിവര് പങ്കെടുത്തു.
https://www.facebook.com/Malayalivartha
