ജനം ടിവിയെ അവഹേളിച്ച് ഫേസ്ബുക്കിൽ കമന്റിട്ട കേരള പൊലീസിന് അവരുടെ മറുപടി കിട്ടിയപ്പോൾ മനം‌മാറ്റം. ജനം ടിവി നൽകിയ മറുപടി ഡിലീറ്റ് ചെയ്ത കേരള പൊലീസ് നേരത്തെ അവർക്കതിരെ പോസ്റ്റ് ചെയ്ത അവഹേളന കമന്റും ഡിലീറ്റ് ചെയ്തു. ഇതാണ് ഇപ്പോൾ സോഷ്യൽ മീഡിയയിൽ ചർച്ച വിഷയം.ഇതോടെ സോഷ്യൽ മീഡിയയിൽ കേരള പൊലീസിനെതിരെ വൻ ട്രോളുകളും പ്രത്യക്ഷപ്പെട്ടു .
പോലീസ് പണികിട്ടുമെന്നു അറിഞ്ഞപ്പോൾ നല്ല പിള്ള ചമയാൻ നോക്കുവാണെന്ന ആക്ഷേപമാണ് ഇപ്പോൾ സോഷ്യൽ മീഡിയയിൽ അരങ്ങേറുന്നത്.പൊലീസ് മാമൻ പോസ്റ്റും ഡിലീറ്റ് ചെയ്ത് കണ്ടം വഴി ഓടിയെന്ന രീതിയിലാണ് ട്രോളുകൾ വരുന്നത്.

സംഭവം ഇങ്ങനെ :

ശബരിമലയിൽ ദർശനത്തിനു പോയ അയ്യപ്പഭക്തൻ ദുരൂഹ സാഹചര്യത്തിൽ കൊല്ലപ്പെട്ട സംഭവത്തിൽ കേരള പൊലീസ് ഫേസ്ബുക്കിലിട്ട ന്യായീകരണ പോസ്റ്റിലായിരുന്നു ജനം ടിവിക്കെതിരെ കേരള പൊലീസ് അവഹേളനം നടത്തിയത്.

ഒരാൾ ജനം ടിവി വാർത്ത എന്ന് പറഞ്ഞാൽ മതി വ്യാജനാണെന്ന് ഉറപ്പല്ലേ എന്ന് കമന്റ് ചെയ്തപ്പോൾ അത് ഏറെ കുറെ ശരിയാണെന്ന് ശരിവച്ചു കൊണ്ട് പൊലീസ് മറുപടി കൊടുത്തിരുന്നു. ഇതിനെതിരെ വളരെ രൂക്ഷമായ പ്രതിഷേധമാണ് സോഷ്യൽ മീഡിയയിൽ അരങ്ങേറിയത് .

പൊലീസിന്റെ പേജിനു പിന്നിലിരിക്കുന്നത് ഇടത് സൈബർ ഗുണ്ട പേജായ പോരാളി ഷാജിയുടെ അഡ്മിനാണോ എന്ന ചോദ്യവും സോഷ്യൽ മീഡിയയിൽ ഉയർന്നു വന്നിരുന്നു .

തുടർന്ന് ജനം ടിവി കേരള പൊലീസിന് മറുപടി കൊടുത്തതും സോഷ്യൽ മീഡിയയിൽ വൻ ചർച്ച വിഷയമായി.ജനം ടിവിയുടെ കമന്റിന് നൂറുകണക്കിന് ലൈക്കുകളും ലഭിച്ചു.

ഒപ്പം കേരള പൊലീസിലെ സ്ഥലം മാറ്റങ്ങൾ തീരുമാനിക്കുന്നത് സിപിഎം ജില്ലാ സെക്രട്ടറിമാരാണെന്നത് വ്യക്തമാക്കി തെളിവു സഹിതം ജനം ടിവി സം‌പ്രേഷണം ചെയ്ത വാർത്തയുടെ ലിങ്കും നൽകിയിരുന്നു.തുടർന്നാണ് കേരള പൊലീസ് ജനം ടിവിയുടെ കമന്റും ഒപ്പം അവരെ അവഹേളിച്ചു കൊണ്ടുള്ള സ്വന്തം കമന്റും ഡിലീറ്റ് ചെയ്തത്. അതേസമയം കമന്റ് ഡിലീറ്റ് ചെയ്തോ എന്ന ചോദ്യത്തിന് പൊലീസ് കൃത്യമായ മറുപടിയും നൽകുന്നില്ല.