അടുത്ത ആറു ദിവസം സംസ്ഥാനത്ത് കനത്ത മഴ; മത്സ്യത്തൊഴിലാളികള്ക്ക് മുന്നറിയിപ്പ്
ബംഗാള് ഉള്ക്കടലിന്റെ തെക്കന് ഭാഗങ്ങളില് ഈ മാസം ആറിന് ന്യൂനമര്ദ്ദം രൂപപ്പെടുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഈ പശ്ചാത്തലത്തില് നവംബര് ആറുമുതല് മത്സ്യതൊഴിലാളികള് ബംഗാള് ഉള്ക്കടലിന്റെ തെക്കന് ഭാഗത്ത് മത്സ്യബന്ധനത്തിന് പോകരുതെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി.
അടുത്ത ആറു ദിവസം സംസ്ഥാനത്ത് കനത്ത മഴ ലഭിക്കുമെന്ന് കാലാവസ്ഥാ ഗവേഷണ കേന്ദ്രം അറിയിച്ചിട്ടുണ്ട്. വ്യാഴാഴ്ചയാണ് തമിഴ്നാട് തീരത്തും തെക്കന് കേരളത്തിലും പുതുച്ചേരിയിലും ആന്ധ്രയുടെ തെക്കന്തീരത്തും വടക്കുകിഴക്കന് കാലവര്ഷം എത്തിയത്. വെള്ളിയാഴ്ച ഇത് വടക്കന് കേരളത്തിലേക്ക് വ്യാപിച്ചു. സാധാരണ ഒക്ടോബര് പകുതിയോടെ എത്തേണ്ട തുലാവര്ഷം പതിനഞ്ച് ദിവസത്തോളം വൈകിയാണ് എത്തിയത്.
തിരുവനന്തപുരത്ത് കനത്ത മഴ പെയ്തതിന് പിന്നാലെ നെയ്യാര്, അരുവിക്കര, പേപ്പാറ ഡാമുകള് തുറന്നു. നദീതീരങ്ങളില് ജാഗ്രതാ നിര്ദേശമുണ്ട്. സംസ്ഥാനത്ത് ഇടിമിന്നലോടു കൂടിയ മഴക്കാണ് സാധ്യതയെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
https://www.facebook.com/Malayalivartha
