ശബരിമലയിൽ നിരോധനാജ്ഞ പ്രഖ്യാപിച്ച് നടതുറക്കേണ്ട അവസ്ഥയുണ്ടായോ എന്ന് ആലോചിക്കണമെന്ന്​ തന്ത്രി സമാജം. ക്ഷേത്ര ചൈതന്യത്തെ ബാധിക്കുന്ന വിധത്തിലുള്ള കാര്യങ്ങൾ ഉണ്ടാകരുത്.ക്ഷേത്ര ചൈതന്യത്തെ സദാചാര മൂല്യങ്ങളാണ് നില നിർത്തുന്നത്.കോടതി മുറികളിൽ ആചാരങ്ങളുടെ തീരുമാനവും നടത്തിപ്പും ചോദ്യം ചെയ്യപ്പെടരുതെന്നും തന്ത്രി സമാജം ഭാരവാഹികൾ പറഞ്ഞു.

ആചാരപരമായ കാര്യങ്ങളിൽ വെള്ളം ചേർത്തുള്ള നടപടികൾ ഉണ്ടാകില്ല. അചാര ലംഘനം നടത്തുന്നതിന് യാതൊരു വിട്ടുവീഴ്ചയ്ക്കും തന്ത്രി സമാജം ഒട്ടും തന്നെ തയ്യാറല്ല. സമവായത്തി​​​ന്റെ പാതയിൽ സർക്കാറുമായി ചർച്ച നടത്താൻ തന്ത്രി സമൂഹം തയ്യാറാണ്​. എന്നാൽ ,സർക്കാർ ഇക്കാര്യത്തിൽ വിട്ടു വീഴ്ചയ്ക്ക് തയ്യാറാവണമെന്നും തന്ത്രിസമാജം ആവശ്യപ്പെട്ടു.

മുഖ്യമന്ത്രി ഉൾപ്പടെയുള്ളവർ ബ്രാഹ്മണ സമൂഹത്തിനെതിരെ നടത്തുന്ന അധിക്ഷേപങ്ങൾക്കെതിരെ വളരെ ശക്തമായ പ്രതിഷേധമുണ്ട്. ഇനിയും ഇത്​ ആവർത്തിച്ചാൽ നിയമനടപടികൾ സ്വീകരിക്കുന്ന കാര്യം ​ ആലോചിക്കുമെന്നും തന്ത്രി സമാജം വ്യക്​തമാക്കി.