മാധ്യമപ്രവർത്തകർക്കെതിരെ കൃത്യമായി ഉന്നം വച്ച് പി.എസ് ശ്രീധരൻ പിള്ള .മാധ്യമങ്ങൾക്ക് പ്രേത്യക അജണ്ട ബി.ജെ.പി.ക്കെതിരെയുണ്ട്.സി.പി.എം പാർട്ടി ഫ്രാക്ഷൻ മാധ്യമപ്രവർത്തകർക്കിടയിലും പ്രവർത്തിക്കുന്നു .അവരുടെ ഗൂഢാലോചനയാണ് തന്റെ പ്രസംഗത്തെ വളച്ചൊടിച്ചതെന്ന് ശ്രീധരൻപിള്ള പറയുന്നു .

ഉന്നതനായ ഒരു ആളുടെ മകൻ ഇതിലെ മുഖ്യകഥാപാത്രമെന്നാണ് ശ്രീധരൻപിള്ള പറയുന്നത് ഇത് ദുരുദ്ദേശപരവും ,അപകടകരവുമാണെന്നും ശ്രീധരൻപിള്ള .പറഞ്ഞ കാര്യങ്ങളിൽ ഒരു അപാകതയുമില്ല .പറഞ്ഞതിൽ തന്നെ ഉറച്ചു നിൽക്കുന്നു .ശബരിമലയിൽ രാഷ്ട്രീയലക്ഷ്യം ഉണ്ട് .അതിൽ എന്താണ് തെറ്റ് .തന്റെ പ്രസംഗം ഇന്നലെ സാമൂഹികമാധ്യമങ്ങളിൽ വന്നതാണ് .വാക്കുകൾ ദുർവ്യാഖ്യാനിനിച്ചു .ആ പ്രസംഗം പുതിയ എന്തോ വെളിപ്പെടുത്തലായി ഇപ്പോൾ അവതരിപ്പിക്കുകയാണ്.

എല്ലാ മാധ്യമങ്ങളും അങ്ങനെ പറയില്ല .സി.പി.എമ്മിന്റെ ആജ്ഞാനുവർത്തികൾ ഒരു മൈനോറിറ്റി മാത്രമാണ് .അവർക്കെതിരെയാണ് ഞാൻ പറയുന്നത് . മാധ്യമപ്രവർത്തകർക്ക് എന്നോട് എന്താണിത്ര വാശി .മാധ്യമപ്രവർത്തകരോട് ശക്തമായ ഭാഷയിലായിരുന്നു ശ്രീധരൻപിള്ളയുടെ മറുപടി.

അഭിഭാഷകൻ എന്ന നിലയിൽ പല രാഷ്ട്രീയ കക്ഷികൾക്കും താൻ നിയമോപദേശം കൊടുത്തിട്ടുണ്ട്.നിയമ സഭയിലെ ആക്രമണത്തിൽ സി.പി.എം. തന്നോട് നിയമോപദേശം തേടിയിരുന്നതായും ശ്രീധരൻ പിള്ള മാധ്യമങ്ങളോട് പറഞ്ഞു.