ബി.ജെ.പി അധ്യക്ഷൻ പി.എസ്‌ ശ്രീധരൻ പിള്ളയുടെ വിവാദപ്രസ്താവ തള്ളി ശബരിമല തന്ത്രി കണ്ഠരര് രാജീവര്. നടയടയ്ക്കുന്നതുമായി ബന്ധപ്പെട്ട തീരുമാനങ്ങൾ കുടുംബത്തിലെ മുതിർന്ന അംഗമായ കണ്ഠരര് മോഹനരുമായി മാത്രമാണ് ചർച്ച ചെയ്തത്. അദ്ധേഹത്തിന്റെ കൂടി നിദ്ദേശം ആരാഞ്ഞതിന് ശേഷമാണ് നടയടയ്ക്കുന്ന തീരുമാനത്തിലെത്തിയത്. മറ്റാരുമായും താൻ ഇക്കാര്യം ചർച്ച ചെയ്തിട്ടില്ലെന്ന് കണ്ഠരര് രാജീവര് മാധ്യമങ്ങളോട് പറഞ്ഞു. വിഷയത്തില്‍ കൂടുതല്‍ വിശദമായ മറുപടി നല്‍കാന്‍ കണ്ഠര്‌ രാജീവരര്‌ തയ്യാറായില്ല.