ഇത് വരെ ശാന്തമായിരുന്നു പമ്പയും സന്നിധാനവുമൊക്കെ അതീവ സംഘർഷാവസ്ഥയിലേക്ക് മാറുന്നു. അഞ്ജുവിന്റെ വരവോടെ നിലയ്ക്കൽ പമ്പയിലും സന്നിധാനത്തുമൊക്കെ ചിതറി നിന്നിരന്ന പ്രതിഷേധക്കാരോക്കെ ഇപ്പോൾ പമ്പയിലേക്ക് കുതിക്കുകയാണ്. എന്ത് വന്നാലും യുവതി പ്രവേശനം അനുവദിക്കില്ല എന്ന വാശിയിലാണ് പ്രതിഷേധക്കാർ. എന്ത് വന്നാലും ദർശനം നടത്തിയേ മതിയാകു എന്ന നിലപാട് യുവതി സ്വീകരിച്ചാൽ പൊലീസിന് സുരക്ഷാ ഒരുക്കിയെ മതിയാകൂ എന്ന അവടതയിലേയ്ക്ക് കാര്യങ്ങൾ മാറും. അതീവ സംഘർഷ ഭരിതമായ നിമിഷങ്ങളാണ് പമ്പയിൽ അരങ്ങേറുന്നത്.

രാത്രിയിൽ സന്നിധാനത്തേക്ക് പോവുക സന്നിധാനത്തേക്ക് സുരക്ഷാ ഒരുക്കുക എന്നത് അത്ര എളുപ്പമല്ല എന്ന് പോലീസ് പറയുന്നു. കഴിഞ്ഞ തുലാമാസ പൂജയ്ക്ക് വെളുപ്പാൻകാലത്താണ് യുവതികളെ എത്തിക്കാൻ ശ്രമിച്ചത് അതേ തന്ത്രമാകും ഇത്തവണയും പയറ്റുക. അതേസമയം സന്നിധാനത്തും പമ്പയിലും കാനന പാതയിലുമായി വളരെ കുറച്ച് ഭക്തർ മാത്രമേ ഇപ്പോൾ ഉള്ളൂ. വിശ്വാസികളുടെ നെഞ്ചിടിപ്പ് കൂട്ടുന്ന നിമിഷങ്ങലാണ് അരങ്ങേറുന്നത്. പമ്പയിൽ നിന്നും യുവതിയെ സന്നിധാനത്ത് എത്തിക്കാനാണ് സർക്കാരും ഉന്നത പോലീസ് തലപ്പത്തു ഉള്ളവരുടെയും ഉദ്ദേശം. അതേസമയം തന്നെ വളരെ ശക്തമായ സുരക്ഷാ ഒരുക്കങ്ങൾക്കിടയിൽ പ്രതിഷേധക്കാരുടെ യാത്ര എളുപ്പമാക്കാൻ വഴിയില്ല. എന്നാൽ കൂടുതൽ വിവരങ്ങൾ ഇതുവരെയും പോലീസ് വെളിപ്പെടുത്തിയിട്ടില്ല.