ഇന്നലെ വൈകുന്നേരം വരെ പോലീസിന്റെ പൂര്‍ണ്ണ നിയന്ത്രണത്തിലായിരുന്നു സന്നിധാനം എന്നാല്‍ സന്ധ്യാസമയത്ത് മലകയറാന്‍ ചേര്‍ത്തലയില്‍ നിന്ന് മഞ്ജുവെന്ന് യുവതിയെത്തിയതോടെ കാര്യങ്ങള്‍ പോലീസിന്റെ കൈ വിട്ടു പോയി

വലിയ തോതില്‍ ഭക്തജനങ്ങളുടെ ഒഴുക്കായിരുന്നു പിന്നീട് സന്നിധാനത്തേക്ക്. ആയിരക്കണക്കിന് അയ്യപ്പഭക്തര്‍ നിറഞ്ഞു. അതിശക്തമായ പ്രതിഷേധം ആളിക്കത്താന്‍ തുടങ്ങി. നൂറു കണക്കിന് അമ്മമാര്‍ കൂടി രംഗത്തെത്തിയതോടെ വിശ്വാസികളെ നിയന്ത്രിക്കുക പോലീസിന് ശ്രമകരമായി.

ഈ ഘട്ടത്തിലാണ് സന്നിധാനത്തിന്റെയും കാനനപാതയുടെയും പൂര്‍ണ്ണ നിയന്ത്രണം ആര്‍എസ്എസ് കയ്യിലെടുത്തത്. ആചാര ലംഘനമുണ്ടാകാതെ ഞങ്ങള്‍ നോക്കിക്കൊള്ളാം എന്നു പറഞ്ഞ് വത്സന്‍ തില്ലങ്കേരി പോലീസിന്റെ മൈക്കിലൂടെ തന്നെ അണികള്‍ക്കു നിര്‍ദ്ദേശം കൊടുത്തു. തങ്ങളുടെ വോളന്റിയര്‍മാരെ ചിട്ടയോടെ വിന്യസിച്ചു. അക്ഷരാര്‍ത്ഥത്തില്‍ പോലീസ് ആര്‍എസ്എസിനു കീഴടങ്ങുകയായിരുന്നു.
ഒരു വേള പ്രതിഷേധം കൈവിട്ടു പോയാല്‍ വലിയ കലാപമുണ്ടായേക്കാം എന്ന പേടിയും, കുഴപ്പമുണ്ടാക്കാന്‍ കുറച്ചാളുകള്‍ എങ്ങനെയും രഹസ്യാന്വേഷണ റിപ്പോര്‍ട്ടും പോലീസിനെ നിയന്ത്രണത്തില്‍ നിന്നു പിന്നോട്ടടിപ്പിച്ചിട്ടുണ്ടാകാം.
എന്തായാലും ഇപ്പോഴും സന്നിധാനം വത്സന്‍ തില്ലങ്കേരിയുടെ നേതൃത്വത്തില്‍ പൂര്‍ണ്ണമായും ആര്‍എസ്എസ് നിയന്ത്രണത്തില്‍ തുടരുകയാണ്  . പമ്പയിലും നിലയ്ക്കലിലുമൊക്കെ ശക്തമായി പോലീസ് നിലയുറപ്പിക്കുമ്പോഴും സന്നിധാനത്തെ സ്ഥിതി വ്യത്യസ്തമാണ്.
ഒരു യുവതിയെപ്പോലും ദര്‍ശനത്തിനനുവദിക്കില്ല എന്ന ഉറച്ച തീരുമാനത്തിലാണ് ആര്‍എസ്എസും വിശ്വാസികളും. വിശ്വാസികളുടെ പൂര്‍ണ്ണ നിയന്ത്രണമാണ് ആര്‍ എസ്എസ് ഏറ്റെടുത്തിരിക്കുന്നത്.