ശബരിമല വിഷയത്തില്‍ വീണ്ടും പ്രതികരണവുമായി നടന്‍ കൊല്ലം തുളസി. കേരളത്തിലെ അവസാനത്തെ കമ്യൂണിസ്റ്റ് മുഖ്യമന്ത്രിയായിരിക്കും പിണറായി വിജയന്‍ തുളസി ആഞ്ഞടിച്ചു.

ഇത് ഒരു നിമിത്തമായിരിക്കും, ഇടതുപക്ഷ സര്‍ക്കാരിന്റെ അവസാനം അയ്യപ്പന്‍ തന്നെ തുടങ്ങിവെക്കുമെന്ന് അയ്യപ്പഭക്തനായ താനും കരുതുന്നു. വിഷയത്തിൽ പിണറായി സര്‍ക്കാരിന്റെത് വിനാശകാലെ വിപരീതബുദ്ധി എന്ന തരത്തിലാണെന്നും ഇപ്പോള്‍ സര്‍ക്കാര്‍ കാണിക്കുന്നതിനെ കുറിച്ച് കൂടുതലൊന്നും പറയുന്നില്ലെന്നു കൊല്ലം തുളസി പ്രതികരിച്ചു.

നേരത്തെ ശബരിമലയില്‍ പോകുന്ന സ്ത്രീകളെ രണ്ടായി വലിച്ചു കീറണമെന്ന നടന്‍ കൊല്ലം തുളസിയുടെ പ്രസ്താവന വന്‍ വിവാദത്തിന്വഴിയൊരുക്കിയിരുന്നു . മലകയറാന്‍ വരുന്നവരെ രണ്ടായി വലിച്ചു കീറി ഒരു ഭാഗം ഡല്‍ഹിയിലേക്കും മറ്റൊരുഭാഗം മുഖ്യമന്ത്രിക്കും അയച്ചുകൊടുക്കണം.

നിങ്ങളാരും പോകില്ല എന്ന് എനിക്കറിയാം. കാരണം നിങ്ങള്‍ വിവരവും വിദ്യാഭ്യാസവും സംസ്‌കാരവുമുള്ളവരാണ്. നമ്മുടെ ശബ്ദം ഡല്‍ഹിയില്‍ എത്തണമെന്നും ശബരിമല സ്ത്രീപ്രവേശന വിധി പുറപ്പെടുവിച്ച ജഡ്ജിമാര്‍ ശുംഭന്‍മാരാണെന്നുമായിരുന്നു വിവാദപ്രസ്താവന.