പിണറായി സര്ക്കാരും ശബരിമല തന്ത്രിയും തമ്മിലുള്ള പോര് രണ്ടാംഘട്ടത്തിലേക്ക് യുവതികളെത്തിയാല് നട അടയ്ക്കുമെന്ന് ഭീഷണിമുഴക്കിയ തന്ത്രി കണ്ഠര് രാജീവരുടെ പുതിയ പ്രസ്താവന സര്ക്കാരിനെ വെട്ടിലാക്കി, ഇത് മണ്ഡലകാല ഉത്സവത്തെ ബാധിക്കുമോ?
ശബരിമലയില് യുവതികളെത്തിയാല് നട അടയ്ക്കുമെന്ന പ്രസ്ഥാവന നടത്തിയ തന്ത്രിയും സര്ക്കാരും തമ്മിലുള്ള പോര് കടുക്കുന്നു. മണ്ഡലകാലത്ത് ദര്ശനത്തിനായി പത്തിനും 50നും ഇടയില് പ്രായമുള്ള 550 വനിതകള് പൊലീസിന്റെ വെബ്സൈറ്റില് രജിസ്റ്റര് ചെയ്തിട്ടുണ്ടെന്ന റിപ്പോര്ട്ട് വന്നതിന് പിന്നാലെ സര്ക്കാരിനെ പ്രതിസന്ധിയിലാക്കുന്ന മറ്റൊരു പ്രസ്താവനയുമായി തന്ത്രി കണ്ഠരര് രാജീവര് രംഗത്തെത്തി. യുവതികള് ദര്ശനം നടത്തിയാല് താക്കോല് ദേവസ്വത്തിന് കൈമാറുമെന്നാണ് അദ്ദേഹം പറയുന്നത്. അങ്ങനെ സംഭവിച്ചാല് മണ്ഡല ഉത്സവ നടത്തിപ്പ് പ്രതിസന്ധിയിലാകും. തുലാമാസ പൂജ സമയത്ത് , യുവതികള് ശ്രീകോവിലെത്തിയാല് നട അടയ്ക്കുമെന്ന് തന്ത്രി പറഞ്ഞത് വിവാദമായിരുന്നു.
യുവതികള് ക്ഷേത്രനടയില് പ്രവേശിച്ചാല് ശുദ്ധിക്രിയകള് നടത്തണം. ക്ഷേത്രാചാരം സംരക്ഷിക്കാന് തന്ത്രി ബാധ്യസ്ഥനാണ്. അത് റിറവേറ്റും. ഇല്ലെങ്കില് താക്കോല് കൈമാറി പടിയിറങ്ങും. തന്ത്രിയുടെ വാക്കിന് വിലയില്ലെങ്കില് തുടരുന്നതില് അര്ത്ഥമില്ലെന്നാണ് തന്ത്രി പറയുന്നത്. തന്ത്രിസ്ഥാനം വഹിക്കുന്നയാള്ക്ക് ഒഴിയാനാവില്ല, ആര്ക്കെങ്കിലും തന്ത്രിയെ ഒഴിവാക്കാനും പറ്റില്ല. പ്രതിഷ്ഠാ കര്മങ്ങള്ക്ക് ശേഷം മൂര്ത്തിയുടെ പിതാവ് എന്ന നിലയില് ലഭിക്കുന്നതാണ്. തന്ത്രി ദേവനെ കുഞ്ഞായാണ് കാണുന്നത്. അതിനാലാണ് തന്ത്രി പിതൃസ്ഥാനീയനാകുന്നത്. ചര്ച്ചകള് നടത്തുന്നവരില് പലര്ക്കും ഇതൊന്നും അറിയില്ലെന്നും അതിനാലാണ് അനാവശ്യപ്രതികരണങ്ങള് നടത്താത്തതെന്നും ണ്ഠര് രാജീവര് പറഞ്ഞു.
അതേസമയം യുവതികള് എത്തിയാല് നട അടച്ചാല് കോടതി അലക്ഷ്യമാവില്ലേ എന്ന് ശ്രീധരന്പിള്ളയോട് നിയമോപദേശം തേടിയിട്ടില്ലെന്നും തന്ത്രി രാജീവര് ആവര്ത്തിച്ചു. നട അടച്ചാല് കോടതിയലക്ഷ്യമാവില്ലെന്ന് താന് തന്ത്രിക്ക് ഉറപ്പ് നല്കിയതിനെ തുടര്ന്നാണ് അദ്ദേഹം നട അടച്ചതെന്ന് ശ്രീധരന്പിള്ള വെളിപ്പെടുത്തിയതിന് പിന്നാലെ ദേവസ്വം ബോര്ഡ് അദ്ദേഹത്തിന് കാരണം കാണിക്കല് നോട്ടീസ് നല്കിയിരുന്നു. എന്നാല് കാര്യങ്ങളുടെ നിജസ്ഥിതി മനസിലാക്കാതെ ബോര്ഡ് അങ്ങനെ ചെയ്തതില് അദ്ദേഹത്തിന് കടുത്ത അതൃപ്തിയുണ്ട്. എന്നാല് താന് തന്ത്രിസ്ഥാനം ഒഴിയും എന്നതരത്തിലുള്ള പ്രചരണം ശരിയല്ലെന്നും അദ്ദേഹം വ്യക്തമാക്കി.
സര്ക്കാരുമായോ ദേവസ്വം ബോര്ഡുമായോ താഴമണ് കുടുംബത്തിന് അഭിപ്രായവ്യത്യാസമോ തര്ക്കമോ ഇല്ലെന്നും ശബരിമലയിലെ ആചാരങ്ങള് സംരക്ഷിക്കുകമാത്രമാണ് തന്റെ ചുമതലയെന്നും അത് ചെയ്യുകയാണെന്നും അദ്ദേഹം പറഞ്ഞു. എന്നാല് ശബരിമലയില് തന്ത്രിയുടെ ആവശ്യമില്ലെന്ന് കാട്ടി പന്തളം കൊട്ടാരം കര്മസമിതി അംഗങ്ങള് മുമ്പ് ദേവസ്വം ബോര്ഡിന് കത്ത് നല്കിയിരുന്നു. ദേവസ്വം പ്രസിഡന്റായിരുന്ന എം. രാജഗോപാലന് നായരാണ് ഇക്കാര്യം വെളിപ്പെടുത്തിയത്.
https://www.facebook.com/Malayalivartha
