ശബരിമലയില് യുവതികളെ പ്രവേശിപ്പിക്കണമെന്ന സുപ്രീംകോടതി വിധി കേന്ദ്രസര്ക്കാര് ഇടപെട്ടാല് നിര്വീര്യമാകുമെന്ന സി.പി.എമ്മിന്റെയും കേന്ദ്രം ഓര്ഡിനന്സ് ഇറക്കാമെന്ന ബി.ജെ.പിയുടെയും വാദം പൊളിയുന്നു
ശബരിമലയില് യുവതികളെ പ്രവേശിപ്പിക്കണമെന്ന സുപ്രീംകോടതി വിധി കേന്ദ്രസര്ക്കാര് ഇടപെട്ടാല് നിര്വീര്യമാകുമെന്ന സി.പി.എമ്മിന്റെയും സംസ്ഥാന സര്ക്കാര് ആവശ്യപ്പെട്ടാല് കേന്ദ്രം ഓര്ഡിനന്സ് ഇറക്കാമെന്ന ബി.ജെ.പി സംസ്ഥാന അധ്യക്ഷന് പി.എസ് ശ്രീധരന്പിള്ള ഉള്പ്പെടെയുള്ള നേതാക്കളുടെ വാദം പൊളിയുന്നു. സുപ്രീംകോടതി വിധിയായതിനാല് ഇടപെടാനാകില്ലെന്ന് കേന്ദ്രആഭ്യന്തരമന്ത്രി രാജ്നാഥ് സിംഗ് വ്യക്തമാക്കി. സുപ്രീം കോടതി വിധിയായയതിനാല് എന്തു പറയാനാണെന്ന് ഒരു ദേശീയ ദിനപത്രത്തിന് നല്കിയ അഭിമുഖത്തില് അദ്ദേഹം വ്യക്തമാക്കി. വിഷയത്തില് കേരള സര്ക്കാരിനെ എന്തെങ്കിലും ചെയ്യാനാകൂ എന്നും അദ്ദേഹം പറഞ്ഞു.
കേരള ഗവര്ണര് പി.സദാശിവവുമായി ശനിയാഴ്ച ഇക്കാര്യം സംസാരിച്ചിരുന്നു. ചില ഹൈന്ദവ വിശ്വാസികളുടെ വികാരം വ്രണപ്പെട്ടിട്ടുണ്ടെന്ന് ഗവര്ണര് അറിച്ചെന്നും കേന്ദ്രആഭ്യന്തരമന്ത്രി വ്യക്തമാക്കി. കേന്ദ്രസര്ക്കാര് ഓര്ഡിനന്സ് കൊണ്ടുവന്നാല് സുപ്രീംകോടതി വിധി നിര്വീര്യമാക്കാനാവുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനും മറ്റ് സി.പി.എം നേതാക്കളും ചില കോണ്ഗ്രസ് നേതാക്കളും ആവര്ത്തിച്ച് പറഞ്ഞിരുന്നു. തുടര്ന്ന് സര്ക്കാരും പ്രതിപക്ഷവും നിയമസഭ ചേര്ന്ന് പ്രമേയം പാസാക്കി കേന്ദ്രസര്ക്കാരിന് നല്കണമെന്നും ഇക്കാര്യത്തില് ബി.ജെ.പി സംസ്ഥാന നേതൃത്വത്തിന്റെ പിന്തുണയുണ്ടാകുമെന്നും ശ്രീധരന്പിള്ളയും ബി.ജെ.പി തിരുവനന്തപുരം ജില്ലാ പ്രസിഡന്റ് സുരേഷും പറഞ്ഞിരുന്നു.
അതേസമയം സുപ്രീംകോടതി ഭരണഘടനാ ബെഞ്ചിന്റെ വിധി റദ്ദാക്കാന് സുപ്രീംകോടതിക്ക് മാത്രമേ കഴിയൂ എന്ന് മുതിര്ന്ന അഭിഭാഷകനായ കാളീശ്വരംരാജ് ഉള്പ്പെടെ വ്യക്തമാക്കിയിരുന്നു. ഇതെല്ലാം മറികടന്ന് സി.പി.എമ്മും ബി.ജെ.പിയും രാഷ്ട്രീയം കളിക്കുകയാണെന്ന് വ്യക്തമായിരിക്കുകയാണ്. പല സുപ്രീംകോടതി വിധികളും നടപ്പാക്കാത്ത സര്ക്കാര് ശബരിമല വിധി തിടുക്കത്തില് നടപ്പാക്കാന് ശ്രമിക്കുന്നു. അതേപോലെ യുവതീപ്രവേശനം ആചാരലംഘനമാണെന്ന് പറഞ്ഞത് സമരം തുടങ്ങിയ ബി.ജെ.പി ഇപ്പോള് അതിനെതിരെയല്ല, കമ്മ്യൂണിസ്റ്റ് സര്ക്കാരിനെതിരെയാണ് സമരമെന്ന് മാറ്റിപ്പറഞ്ഞു. മാത്രമല്ല സമരത്തിനായി ബി.ജെ.പി പ്രവര്ത്തകരെ സന്നിധാനത്തേക്ക് അയയ്ക്കുന്നതിനുള്ള പട്ടിക തയ്യാറാക്കി എ.എന് രാധാകൃഷ്ണമേനോന് പുറത്തിറക്കിയ സര്ക്കുലറും പുറത്തായി.
"
https://www.facebook.com/Malayalivartha