നടപ്പന്തല് കഴുകുന്നത് വര്ഷങ്ങളായുള്ള പതിവ്; എൻ കെ പ്രേമചന്ദ്രൻ എം പി യുടെ വ്യാജ പ്രചരണത്തിനെതിരെ തെളിവുകൾ നിരത്തി ദേവസ്വം മന്ത്രി കടകംപള്ളിയുടെ ഫേസ് ബുക്ക് പോസ്റ്റ് .. തെളിവുകൾ ഇങ്ങനെ:-
ഏഷ്യാനെറ്റ് ന്യൂസ് അവർ ചർച്ചയിൽ ’ ശബരിമലയില് അയ്യപ്പ ഭക്തർ വിശ്രമിക്കാതിരിക്കാൻ ഫയർ ഫോഴ്സിനെ കൊണ്ട് വെള്ളംചീറ്റി നടപ്പന്തൽ നനയ്ക്കുന്നുവെന്ന എൻ കെ പ്രേമചന്ദ്രൻ എം പി യുടെ വ്യാജ പ്രചരണത്തിനെതിരെ രൂക്ഷ വിമർശനവുമായി ദേവസ്വം മന്ത്രി കടകംപള്ളി സുരേന്ദ്രൻ .
പ്രചരണം വ്യാജമാണെന്ന് വ്യക്തമാക്കുന്ന തെളിവുകള് പുറത്തു വിട്ടിരിക്കുകയാണ് മന്ത്രി . വര്ഷങ്ങളായി ശബരിമല വൃത്തിയാക്കുന്നത് ഫയര്ഫോഴ്സിന്റെ സഹായത്തോടെയാണെന്നു കാണിക്കുന്ന ചിത്രവും വീഡിയോയുമാണ് തന്റെ ഫേസ്ബുക്ക് പോസ്റ്റിലൂടെ കടകംപള്ളി പുറത്തുവിട്ടിരിക്കുന്നത്.
ചര്ച്ചയില് വ്യാജ പ്രചരണം ആവര്ത്തിച്ച് പറഞ്ഞ എന് കെ പ്രേമചന്ദ്രന് എംപിയെ വിമര്ശിച്ച കടകംപള്ളി
സാമൂഹ്യമാധ്യങ്ങളിലൂടെ ചിലര് നടത്തുന്ന വ്യാജ പ്രചാരണം അതേപടി ഏറ്റുപിടിക്കുന്നത് ശരിയാണോയെന്ന് ഒരു എം പി എന്ന നിലയിലും മുന് മന്ത്രി എന്ന പരിചയ സമ്പത്തിന്റെ അടിസ്ഥാനത്തിലും അദ്ദേഹം ചിന്തിക്കണമെന്ന് കുറ്റപ്പെടുത്തി.
സന്നിധാനവും നടപന്തലുമെല്ലാം കഴുകി വൃത്തിയാക്കുന്നത് അയ്യപ്പഭക്തരെ വിശ്രമിക്കാന് അനുവദിക്കാതിരിക്കുന്നതിന് ചെയ്യുന്നതാണെന്ന് ആരോപിക്കാന് വര്ഗീയത ബാധിച്ചവര്ക്ക് മാത്രമേ കഴിയൂവെന്നും കുപ്രചാരണം നടത്തുന്നവരുടെ കെണിയില് വീണവര് യാഥാര്ത്ഥ്യം തിരിച്ചറിയണെന്നും അദ്ദേഹം കൂട്ടിച്ചേര്ത്തു.
കടകംപ്പള്ളിയുടെ പോസ്റ്റിന്റെ പൂർണ രൂപം ഇങ്ങനെ:
ഏഷ്യാനെറ്റ് ന്യൂസ് അവര് ചര്ച്ചയില് ശ്രീ. എന് കെ പ്രേമചന്ദ്രന് എംപിയുടെ വാദമുഖങ്ങളില് കേട്ട ഒരു കാര്യം ഞെട്ടിക്കുന്നതായിരുന്നു. അയ്യപ്പ ഭക്തര് വിശ്രമിക്കാതിരിക്കാന് ഫയര്ഫോഴ്സിനെ കൊണ്ട് വെള്ളം ചീറ്റി നനയ്ക്കുന്നുവെന്ന് അദ്ദേഹം ആരോപിക്കുന്നു. ഫേസ്ബുക്കിലും വാട്സ് ആപ്പിലും ചിലര് നടത്തുന്ന വ്യാജ പ്രചാരണം അതേപടി ഏറ്റുപിടിക്കുന്നത് ശരിയാണോയെന്ന് ശ്രീ. പ്രേമചന്ദ്രന് ഒരു എം പി എന്ന നിലയില് മാത്രമല്ല മുന് മന്ത്രി എന്ന പരിചയ സമ്പത്തിന്റെ അടിസ്ഥാനത്തില് കൂടി ചിന്തിക്കണം. വര്ഷങ്ങളായി സന്നിധാനവും പരിസരവും നടപന്തലുമൊക്കെ ഫയര്ഫോഴ്സിന്റെ സഹായത്തോടെയാണ് കഴുകി വൃത്തിയാക്കുന്നത്.
അത് അയ്യപ്പഭക്തരെ വിശ്രമിക്കാന് അനുവദിക്കാതിരിക്കുന്നതിന് ചെയ്യുന്നതാണെന്ന് മന:പൂര്വം ആരോപിക്കുന്നതിന് വര്ഗീയത ബാധിച്ചവര്ക്ക് മാത്രമേ കഴിയൂ. കഴിഞ്ഞ വര്ഷത്തെ ഒരു മണ്ഡലകാല ചിത്രം കൂടി പോസ്റ്റ് ചെയ്യുന്നു. കണ്ണ് തുറന്ന് കാണുക. മുന്പൊന്നും നടപന്തല് കഴുകാറില്ലെന്ന് പറയുന്നവര്ക്കായി കഴിഞ്ഞ വര്ഷത്തെ വീഡിയോ ദൃശ്യങ്ങളുടെ യൂ ട്യൂബ് ലിങ്കുമുണ്ട്. നടപന്തലടക്കം കഴുകി വൃത്തിയാക്കുന്നത് എത്രയോ കാലമായി ചെയ്യുന്നതാണെന്ന് പോലുമറിയാതെ കുപ്രചാരണം നടത്തുന്നവരുടെ കെണിയില് വീണവര് യാഥാര്ത്ഥ്യം തിരിച്ചറിയാന് 2017 നവംബറില് അപ് ലോഡ് ചെയ്ത ഈ വീഡിയോ ലിങ്ക് കൂടി തുറന്ന് കാണുക.
https://www.facebook.com/Malayalivartha