നേപ്പാളിൽ കാണാതായവരുടെ കൂട്ടത്തിൽ മലയാളികളും. നടുക്കുന്ന വിവരമാണ് പുറത്ത് വരുന്നത്. നേപ്പാളിനെ തകർത്ത മിന്നൽ പ്രളയത്തിൽ കാണാതായവരിൽ 63 കാരിയായ സുനന്ദയും. സുനന്ദ മണിരാജൻ എന്ന കൊല്ലം പരവൂർ സ്വദേശിനിയെയാണ് കാണാതായിരിക്കുന്നത്.ഉത്രാട നാൾ വരെ വീട്ടുകാരെ വിളിച്ചു ഓണ വിശേഷങ്ങൾ ചോദിച്ച് ആയിരുന്നു അവസാന ഫോൾ കോൾ. പിന്നീട് സുനന്ദയുടെ ശബ്ദം ആ വീട്ടുകാർക്ക് കേൾക്കാൻ സാധിച്ചിട്ടില്ല . പതിവായി വിളിക്കാറുള്ള സുനന്ദ പിന്നെ വിളിച്ചിട്ടില്ല .

തീർഥാടന കേന്ദ്രങ്ങളിലേക്കാണ് കൂടുതലായും സുനന്ദ യാത്ര ചെയ്തിരുന്നത്. തീർഥാടന യാത്രാ സംഘങ്ങളുടെയൊക്കെ ഭാഗമായിരുന്നു സുനന്ദ. യുകെയിലെ ആൽപ്പൈൻ എക്കോ ട്രക്ക് ഗ്രൂപ്പിനൊപ്പമായിരുന്നു യാത്ര.

.ചൊവ്വാഴ്ച ടിബറ്റ്–നേപ്പാൾ അതിർത്തിക്കു സമീപമുള്ള റാസുവഗാധിയിലെത്തിയതിനു പിന്നാലെയാണ് സുനന്ദയുടെ ഫോൺ കണക്‌ഷൻ പോയത് . വാട്സാപ് അവസാനമായി ഉപയോഗിച്ചതും അന്ന് ഉച്ചയ്ക്ക്. 4 ഗൈഡുകൾ ഉൾപ്പെടെ 20 പേരായിരുന്നു ട്രക്കിങ് സംഘത്തിലുണ്ടായിരുന്നത്. സുനന്ദ മടങ്ങിവരണമെന്ന പ്രാർഥനയോടെ ബന്ധുക്കൾ കാത്തിരിക്കുന്നു .