ഗവര്ണ്ണര് കുമ്മനം ഇനി ഡോക്ടർ കുമ്മനം ! ; കുമ്മനം രാജശേഖരന് രാജസ്ഥാൻ സർവ്വകലാശാലയുടെ ഡിലിറ്റ് ബിരുദം
മിസോറാം ഗവര്ണ്ണര് കുമ്മനം രാജശേഖരന് ഡിലിറ്റ് ബിരുദം നല്കി ആദരിക്കാനൊരുങ്ങുന്നു. രാജസ്ഥാൻ ശ്രീ ജഗദീഷ്പ്രസാദ് ജബര്മല് തിബ്രേവാല സര്വ്വകലാശാലയുടേതാണ് ഇത്തരത്തിലൊരു തീരുമാനം. ഗവര്ണറുടെ വസതിയില് നിന്നുള്ള വാര്ത്താക്കുറിപ്പിലാണ് ഇക്കാര്യം അറിയിച്ചത്. ഫെബ്രുവരിയില് സര്വ്വകലാശാല ക്യാമ്പസില് നടത്തുന്ന ചടങ്ങില് ബിരുദദാനം നടക്കും.
വിവിധ മേഖലകളിലെ സംഭാവനകള് പരിഗണിച്ചാണ് ഡിലിറ്റ് നല്കുന്നതെന്ന് സര്വ്വകലാശാലയുടെ മേല്നോട്ടം വഹിക്കുന്ന രാജസ്ഥാനി സേവാ സംഘിന്റെ ചെയര്പേഴ്സണ് ഡോ. വിനോദ് തിബ്രേവാല വ്യക്തമാക്കിയിട്ടുണ്ട്.
സാമൂഹ്യ, സാംസ്കാരിക, ആധ്യാത്മിക, രംഗങ്ങളിൽ നല്കിയ വിവിധ സേവനങ്ങള്, മാധ്യമ മേഖലയില് അടക്കം നടത്തിയ പ്രവര്ത്തനങ്ങള് എന്നിവ കണക്കിലെടുത്താണ് ബിരുദദാനമെന്നും തിബ്രേവാല അറിയിച്ചു. കേരളത്തിൽ ബിജെപി അധ്യക്ഷനായിരുന്ന കുമ്മനത്തെ 2018 മെയ് 29നാണ് മിസോറം ഗവര്ണറായി നിയമിച്ചത്. ലഫ്.ജനറല് (റിട്ട) നിര്ഭയ് ശര്മ വിരമിച്ച ഒഴിവിലാണ് കുമ്മനത്തെ ഗവർണറായി നിയമിച്ചത്.
സംസ്ഥാനത്തിന്റെ പതിനെട്ടാം ഗവർണറാണ് കുമ്മനം രാജശേഖരൻ. ഈ സ്ഥാനത്തെത്തുന്ന രണ്ടാമത്തെ മലയാളിയും. വക്കം പുരുഷോത്തമൻ നേരത്തെ ഇവിടെ ഗവർണറായിരുന്നു.
https://www.facebook.com/Malayalivartha