വാഹന രജിസ്ട്രേഷന് സേവനങ്ങളും ലൈസന്സ് നടപടികളും ലളിതവും സുതാര്യവുമാക്കാന് ലക്ഷ്യമിട്ട് കേന്ദ്ര ഉപരിതല ഗതാഗത മന്ത്രാലയം
ഫാന്സി നമ്പര് വിതരണം പൂര്ണമായും ഓണ്ലൈന് വഴിയാക്കാന് മോട്ടോര് വാഹന വകുപ്പ് നടപടി തുടങ്ങി. ഫാന്സി നമ്പറുകള്ക്ക് ഇടനിലക്കാരുമായി ചേര്ന്ന് നടത്തുന്ന ഒത്തുകളികള്ക്കും ഇതിലൂടെ സര്ക്കാറിന് വരുമാനം നഷ്ടപ്പെടുന്ന അവസ്ഥക്കും പരിഹാരമാകുന്നു. വാഹന രജിസ്ട്രേഷന് സേവനങ്ങളും ലൈസന്സ് നടപടികളും ലളിതവും സുതാര്യവുമാക്കാന് ലക്ഷ്യമിട്ട് കേന്ദ്ര ഉപരിതല ഗതാഗത മന്ത്രാലയം തയ്യാറാക്കിയ വാഹന്, സാരഥി സോഫ്റ്റ്വെയറുകള് സംസ്ഥാനത്തും നടപ്പാക്കുന്നതിന്റെ ഭാഗമാണിത്.
വാഹന ഉടമകള് ഫാന്സി നമ്പര് ബുക്ക് ചെയ്ത് ഇടനിലക്കാര് വഴി കൈക്കലാക്കുകയും ഇതുവഴി അര്ഹമായ വരുമാനം സര്ക്കാറിന് ലഭിക്കാതെപോകുകയും ചെയ്യുന്നുണ്ട്. നടപടി പൂര്ണമായും ഓണ്ലൈനാകുന്നതോടെ ലോകത്തെവിടെയിരുന്നും ഫാന്സി നമ്പര് ലേലത്തില് പങ്കെടുക്കാം. വാഹന ഉടമയോ പ്രതിനിധിയോ നേരിട്ട് ഓഫിസില് ഹാജരാകേണ്ട ആവശ്യമില്ല. െ്രെഡവിങ് ലൈസന്സ് കേന്ദ്രീകൃത സംവിധാനത്തില് തയാറാക്കുന്നു എന്നതാണ് മറ്റൊരു പരിഷ്കാരം. ഇതോടെ നിലവിലെ െ്രെഡവിങ് ലൈസന്സിന്റെ രൂപവും സ്വഭാവവും അടിമുടി മാറും. സംസ്ഥാനത്തെ എല്ലാ ആര്.ടി ഓഫിസുകളുടെയും പരിധിയിലുള്ള ലൈസന്സുകള് തിരുവനന്തപുരത്തെ കേന്ദ്രീകൃത സംവിധാനത്തിലാകും തയാറാക്കുക.
ഇവ വിദേശരാജ്യങ്ങളിലെ ലൈസന്സിനോട് കിടപിടിക്കും വിധം അച്ചടിയില് ഉള്പ്പെടെ ഉയര്ന്ന ഗുണനിലവാരമുള്ളതായിരിക്കും. 15 വര്ഷം വരെ ഒരു കേടും കൂടാതെ ഇവ സൂക്ഷിക്കാനാകും. നിലവില് അതത് ആര്.ടി ഓഫിസുകളാണ് ലൈസന്സ് തയ്യാറാക്കുന്നത്. െ്രെഡവിങ് പരീക്ഷ പൂര്ണമായും സോഫ്റ്റ്വെയര് സഹായത്തോടെയാക്കാനും തീരുമാനിച്ചിട്ടുണ്ട്. പഠിതാവിന്റെ െ്രെഡവിങ് പാടവം നിരീക്ഷിക്കാന് 12ഓളം കാമറകളുണ്ടാകും. െ്രെഡവിങ് ടെസ്റ്റ് വിജയവും പരാജയവും തീരുമാനിക്കുന്നതും പൂര്ണമായും കമ്പ്യൂട്ടര് സഹായത്തോടെയാകും.
െ്രെഡവിങ്ങില് മതിയായ വൈദഗ്ധ്യവും ട്രാഫിക് നിയമങ്ങളില് കൃത്യമായ അറിവും ഇല്ലാത്തവര്ക്ക് ടെസ്റ്റ് പാസാകാനാകില്ലെന്ന് ചുരുക്കം. ത്രീവീലര് ലൈസന്സ് ഇല്ലാതാകുന്നതോടൊപ്പം ഹെവി വാഹനങ്ങള്ക്കുള്ള ലൈസന്സ് ഏകീകരിക്കാനും തീരുമാനിച്ചിട്ടുണ്ട്.
https://www.facebook.com/Malayalivartha
