ക്ലിഫ് ഹൗസ് സംഘര്ഷവേദിയാകുന്നു... എ.എന്. രാധാകൃഷ്ണന്റെ ജീവന് രക്ഷിക്കുക എന്ന മുദ്രാവാക്യവുമായി ബിജെപി യുവമോര്ച്ച നേതാക്കള് നടത്തിയ ക്ലിഫ് ഹൗസ് മാര്ച്ച് സംഘര്ഷത്തില്
ശബരിമലയില് നിന്നും സമാധാനപാത സ്വീകരിച്ച് നിരാഹാര സത്യാഹ്രമിരുന്ന ബിജെപി സമരതന്ത്രം മാറ്റുന്നു. ദിവസങ്ങളായി നിരാഹാര സമരം ഇരിക്കുന്ന ബിജെപി നേതാവ് എ.എന് രാധാകൃഷ്ണന്റെ ജീവന് രക്ഷിക്കണമെന്നാവശ്യപ്പെട്ട് ബിജെപി കടുത്ത സമരത്തിലേക്കിറങ്ങുകയാണ്. സമാധാനപരമായ പ്രതിഷേധത്തില് ഫലം കാണാത്തതിനാണ് സമരരീതി മാറ്റാന് ബിജെപി തീരുമാനിച്ചത്. ഇതിന്റെ ഭാഗമായി മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിലേക്ക് മാര്ച്ച് നടത്തി. കൃഷ്ണദാസ് മാര്ച്ച് ഉദ്ഘാടനം ചെയ്ത മാര്ച്ചിനെ പോലീസ് തടഞ്ഞു. തുടര്ന്ന് ജല പീരങ്കിയും കണ്ണീര് വാതകവും പ്രയോഗിച്ചു. നിരവധി പ്രവര്ത്തകര്ക്ക് പരിക്കേറ്റു. പ്രവര്ത്തകരെ ആശുപത്രിയിലേക്ക് മാറ്റി.
കെ. സുരേന്ദ്രന് ജയില് മോചിതനായ ശേഷമാണ് സമരരീതി മാറുന്നു എന്നതും ശ്രദ്ധേയമാണ്. കഴിഞ്ഞ ദിവസം ജയിലിലിറങ്ങിയ ശേഷം സുരേന്ദ്രന് രാധാകൃഷ്ണനെ കണ്ടിരുന്നു. ശക്തമായ ഭാഷയിലാണ് സുരേന്ദ്രന് പ്രതികരിച്ചത്.
ശബരിമലയിലെ യുവതി പ്രവേശന വിഷയത്തില് സര്ക്കാരിന്റെ പഴയ നിപാടില് മാറ്റം വന്നോ എന്ന ചോദ്യവുമായി ബിജെപി നേതാവ് സുരേന്ദ്രന്. സുപ്രീംകോടതി വിധിയുടെ പശ്ചാത്തലത്തില് ശബരിമലയില് യുവതീ പ്രവേശനം സാധ്യമാക്കുമെന്നാണ് മുഖ്യമന്ത്രി പറഞ്ഞത്. ഇപ്പോള് ഈ അജണ്ടയില്നിന്നു സര്ക്കാരും സിപിഎമ്മും പിന്മാറിയോ എന്ന് വ്യക്തമാക്കണമെന്നും സുരേന്ദ്രന് വാര്ത്താസമ്മേളനത്തില് ചോദിച്ചു.
കോടിക്കണക്കിന് വരുന്ന ഭക്തജനങ്ങളുടെ വികാരത്തെയാണ് സര്ക്കാര് മുറിവേല്പ്പിച്ചത്. എന്തിനാണ് സര്ക്കാര് ശബരിമലയില് 144 പ്രഖ്യാപിച്ചതെന്നും അദ്ദേഹം ചോദിച്ചു.
വനിതാ മതില് ശബരിമലയില് യുവതികളെ പ്രവേശിപ്പിക്കാനുള്ള ബോധവത്കരണത്തിന്റെ ഭാഗമാണെന്നെങ്കിലും സര്ക്കാര് സമ്മതിക്കണം. തന്നെ പിണറായി കള്ളക്കേസില് കുടുക്കിയതാണ്. ഹൈക്കോടതിക്ക് അത് വ്യക്തമായതുകൊണ്ടാണ് ജാമ്യം അനുവദിച്ചതെന്നും സുരേന്ദ്രന് കൂട്ടിച്ചേര്ത്തു.
അതിനിടെ വനിതാ മതിലുമായി സര്ക്കാര് രംഗത്തെത്തിയതും വിവാദമായിരുന്നു. സ്ത്രീകളായ എല്ലാ സംസ്ഥാന ജീവനക്കാരെയും അധ്യാപകരെയും വനിതാ മതിലില് പങ്കെടുപ്പിക്കാന് ജീവനക്കാര്ക്കുമേല് സമ്മര്ദ്ദവമായി സര്ക്കാര് രംഗത്തെത്തിയതും ചര്ച്ചയായി. ജീവനക്കാരുടെ ശമ്പളാവകാശത്തെ നിഷേധിച്ച് വിവാദത്തിലായ സാലറി ചാലഞ്ച് മാതൃകയില് സര്വീസ് സംഘടനകള് വഴിയാണ് ജീവനക്കാര്ക്കു മേല് സമ്മര്ദം ചെലുത്തുന്നത്.
ജീവനക്കാരെ പങ്കെടുപ്പിക്കാന് സംഘടനകളോട് മുന്നിട്ടിറങ്ങണമെന്നാവശ്യപ്പെട്ട് ചീഫ് സെക്രട്ടറി ടോം ജോസ് ഉത്തരവിറക്കിയിരിക്കുകയാണ്. ആശ അങ്കണവാടി വര്ക്കര്മാര്, തൊഴിലുറപ്പു തൊഴിലാളികള്, തദ്ദേശസ്ഥാപനങ്ങളിലെ വനിതാ ജനപ്രതിനിധികള്, കുടുംബശ്രീ അംഗങ്ങള്, സഹകരണ സംഘങ്ങളിലെയും പൊതുമേഖല സ്ഥാപനങ്ങളിലെയും വനിതകള് എന്നിവരെയും പങ്കെടുപ്പിക്കാന് നിര്ദേശമുണ്ട്.
ജനുവരി ഒന്നിനു സംഘടിപ്പിക്കുന്ന വനിതാ മതിലിന്റെ ചെലവു പൂര്ണ്ണമായും സര്ക്കാര് വഹിക്കുമെന്നും തുക അനുവദിക്കാന് ധനവകുപ്പിനോട് ആവശ്യപ്പെടുമെന്നും ഉത്തരവിലുണ്ട്. സാമൂഹിക നീതിവകുപ്പിനാണ് ഇതിന്റെ ചുമതല. എല്ലാ വീടുകളിലും ലഘുലേഖകള് എത്തിക്കാന് ശിശു വികസന വകുപ്പിനെ ചുമതലപ്പെടുത്തി.
നാളെ മുതല് 12 വരെ കലക്ടര്മാര് യോഗം വിളിച്ചു സംഘാടക സമിതികള്ക്കു രൂപം നല്കണം. കലക്ടര് സംഘാടക സമിതി കണ്വീനറും പൊതുജന സമ്പര്ക്ക വകുപ്പിന്റെ ജില്ലാ മേധാവി ജോയിന്റ് കണ്വീനറും ആകണമെന്നാണ് ഉത്തരവ്. സംസ്ഥാനതല ഏകോപനത്തിനു മന്ത്രി എ.കെ. ബാലന് അധ്യക്ഷനും മന്ത്രിമാരായ ഇ. ചന്ദ്രശേഖരന്, കെ. കൃഷ്ണന്കുട്ടി, രാമചന്ദ്രന് കടന്നപ്പള്ളി, എ.കെ. ശശീന്ദ്രന് എന്നിവര് അംഗങ്ങളുമായി ഉപസമിതിയും രൂപീകരിച്ചു.
ജനുവരി ഒന്നിനു സംഘടിപ്പിക്കുന്ന വനിതാ മതിലിന്റെ ചെലവു പൂര്ണമായും സര്ക്കാര് വഹിക്കുമെന്നും തുക അനുവദിക്കാന് ധനവകുപ്പിനോട് ആവശ്യപ്പെടുമെന്നും ഉത്തരവിലുണ്ട്. ആളെ ചേര്ക്കുന്നതിനും പ്രചാരണ സന്ദേശങ്ങള് തയാറാക്കുന്നതിനും വിവിധ വകുപ്പുകളെ ഏകോപിപ്പിക്കുന്നതിനും ഫണ്ട് ചെലവഴിക്കുന്നതിനുമുള്ള ചുമതല സാമൂഹികനീതി വകുപ്പിനാണ്. എല്ലാ വീടുകളിലും ലഘുലേഖകള് എത്തിക്കാന് ശിശു വികസന വകുപ്പിനെ ചുമതലപ്പെടുത്തി.
നാളെ മുതല് 12 വരെ കലക്ടര്മാര് യോഗം വിളിച്ചു സംഘാടക സമിതികള്ക്കു രൂപം നല്കണം. കലക്ടര് സംഘാടക സമിതി കണ്വീനറും പൊതുജന സമ്പര്ക്ക വകുപ്പിന്റെ ജില്ലാ മേധാവി ജോയിന്റ് കണ്വീനറും ആകണമെന്നാണ് ഉത്തരവ്.
കാസര്കോട് ഇ. ചന്ദ്രശേഖരന്, കണ്ണൂര് ഇ.പി. ജയരാജന്, കെ.കെ. ശൈലജ, വയനാട് രാമചന്ദ്രന് കടന്നപ്പള്ളി, കോഴിക്കോട് ടി.പി. രാമകൃഷ്ണന്, എ.കെ.ശശീന്ദ്രന്, മലപ്പുറം കെ.ടി.ജലീല്, പാലക്കാട് എ.കെ. ബാലന്, കെ.കൃഷ്ണന്കുട്ടി, തൃശൂര് സി.രവീന്ദ്രനാഥ്, വി.എസ്. സുനില്കുമാര്, എറണാകുളം എ.സി. മൊയ്തീന്, ഇടുക്കി എം.എം. മണി, കോട്ടയം പി. തിലോത്തമന്, ആലപ്പുഴ ജി. സുധാകരന്. ടി.എം. തോമസ് ഐസക്, പത്തനംതിട്ട കെ. രാജു, കൊല്ലം ജെ. മേഴ്സിക്കുട്ടിയമ്മ, തിരുവനന്തപുരം. കടകംപള്ളി സുരേന്ദ്രന്.
https://www.facebook.com/Malayalivartha
