വെള്ളിടിയായി ആ മരണം. കേരളം തേങ്ങുന്നു. വിശ്വാസം നെഞ്ചേറ്റിയ വേണുഗോപാലന് നായര് സ്വയം തെരഞ്ഞെടുത്ത മരണം, അയ്യപ്പനുവേണ്ടിയുള്ള ആത്മസമര്പ്പണം
സമരത്തിന്റെ സത്യസന്ധതയ്ക്ക് സ്വന്തം ജീവന് നല്കിയ വേണുഗോപാലനെപ്പോലെയുള്ള നല്ല മനസ്സുകളാണ് ഈ വിശ്വാസ സമരത്തിലെ ആത്മതേജസ്സ്. ആ മുന്നേറ്റം ഇനിയും സര്ക്കാര് കാണാതിരുന്നാല് ചുവടുകള് പിഴയ്ക്കും. സര്ക്കാര് നവോത്ഥാന കഥകള് പറഞ്ഞ് വിശ്വാസി സമരങ്ങളെ ആഘോഷിച്ചു. സ്ത്രീ സമത്വവും ഭരണഘടനാ ബാധ്യതയും പറഞ്ഞ് അഹങ്കാര മതിലുകള് പണിതുയര്ത്തി. സ്വന്തം വിശ്വാസം സംരക്ഷിക്കാന് തെരുവിലിറങ്ങിയ ലക്ഷങ്ങളെ സംഘികളെന്നും ബിജെപിയെന്നും സവര്ണ്ണരെന്നും പച്ചകുത്തി ആ മതില്ക്കെട്ടിനകത്തേയ്ക്കു വലിച്ചെറിഞ്ഞു, ഇതല്ലേ യഥാര്ത്ഥ വിഭജനം. ഇവിടെയല്ലേ മതവും ജാതിയും ചര്ച്ചയാക്കിയത്.
ഇന്നലെകളുടെ ആചാരവും വിശ്വാസവും പൊളിച്ചടുക്കാനിറങ്ങിയവര് ഹൃദയകോവിലില് പ്രതിഷ്ഠിച്ചിരിക്കുന്ന അയ്യപ്പ വിഗ്രഹങ്ങള് കണ്ടില്ല. നേര്ക്കുനേര് പോരിനു വിളിച്ച് അവരുടെ മനസ്സിനെ വേദനിപ്പിച്ചു. അധികാരവും പോലീസിനെയുമുപയോഗിച്ച് പ്രതികരണങ്ങളും പ്രതികരണങ്ങളും പ്രതിഷേധങ്ങളും ഇല്ലായ്മ ചെയ്തപ്പോള് സര്ക്കാരറിഞ്ഞില്ല അവര് വിശ്വാസങ്ങള്ക്കു വേണ്ടി സ്വന്തം ജീവന് വലിച്ചെറിയുമെന്ന്.
വേണുഗോപാലന് നായരുടെ മരണം പിണറായിയേയും സര്ക്കാരിനേയും തോല്പ്പിക്കുന്നു. നിങ്ങളുടെ ധാര്ഷ്ഠ്യത്തിന് ജീവന് പുല്ലുവില കല്പ്പിക്കുന്ന ഈ വിശ്വാസികള് ഈ ഭരണകൂടത്തെ തകര്ത്തെറിയും. ഇത്തരം കുരുതികള് ഇനിയും ആവര്ത്തിക്കുന്നതിന് മുന്പ് ഒന്നുചെവികൊടുത്തു കൂടെ ഈ വിശ്വാസികള്ക്ക്. അവരും അങ്ങയുടെ പ്രജകളല്ലേ. എന്നിട്ട് ഈ വിശ്വാസികള്ക്കായി ഒരുമിച്ചു നില്ക്കൂ. ബിജെപിയെ തോല്പ്പിക്കാന് വിശ്വാസികളെ തെരുവിലെറിയരുത്.
ഈ ആത്മഹൂതി കേരളത്തെ നാണംകെടുത്തുന്നു. നാളെകളുടെ രാഷ്ട്രീയ മാറ്റത്തിന് ഇത്തരം ചില ആളലുകള് മതി. ഈ പ്രതിഷേധ അഗ്നി പടരുന്നതിന് മുന്പ് സര്ക്കാര് ഉണരണം. നമ്മുക്കൊരുമിക്കാം വിശ്വാസത്തിന്, സമത്വത്തിന്. നവോത്ഥാന മതില് പണിയേണ്ടത് ഇത്തരം സമത്വ ചിന്തകളിലാകണം. നാളെകളുടെ വിലയിരുത്തലുകള് മുഖ്യമന്ത്രിയുടെ നേര്ക്ക് കൈചൂണ്ടുന്നതാകരുത്. ഇനിയും ജീവനുകള് നഷ്ടപ്പെടുത്തരുത്. കേരളമത് താങ്ങില്ല.
https://www.facebook.com/Malayalivartha
