ഓട്ടോറിക്ഷ ഡ്രൈവറെ പട്ടാപ്പകല് നടുറോഡില് കുത്തി പരിക്കേല്പ്പിച്ചു; പ്രണയം നിരസിച്ചപ്പോള് അപവാദം പ്രചരിപ്പിച്ചെന്ന് ആരോപിച്ചാണ് ആക്രമണം
ഓട്ടോറിക്ഷ ഡ്രൈവറെ പട്ടാപ്പകല് നടുറോഡില് കുത്തി വീഴ്ത്തി. പ്രണയം നിരസിച്ചതിന്റെ പേരില് അപവാദം പ്രചരിപ്പിച്ചെന്ന് ആരോപിച്ചാണ് യുവാവിനെ യുവതിയും പിതാവും സഹോദരനും ക്വട്ടേഷന് ഗുണ്ടയും അടങ്ങുന്ന സംഘം കുത്തി വീഴ്ത്തിയത്. ളാക്കൂര് തടത്തില് തെക്കേതില് ജോര്ജിന്റെ മകന് ഷൈജു (35) വിനാണ് കുത്തേറ്റത്. പൂങ്കാവ് ജങ്ഷനിലാണ് സംഭവം. ഓട്ടോറിക്ഷയില് ഭാര്യയ്ക്കും മകനുമൊപ്പം ഷൈജു വരുമ്പോഴായിരുന്നു ആക്രമണം. നൂറുകണക്കിന് നാട്ടുകാര് നോക്കി നില്ക്കേ കാറിലാണ് ക്വട്ടേഷന് സംഘം വന്ന് ഓട്ടോ തടഞ്ഞ് അക്രമം നടത്തിയത്. സംഘത്തില് പിതാവിനൊപ്പം യുവതിയും സഹോദരനും നിരവധി കേസുകളില് പ്രതിയായ മറ്റൊരു യുവാവും ഉണ്ടായിരുന്നു.
സംഭവത്തിനു ശേഷം കടന്നുകളഞ്ഞ പ്രതികളെ പൊലീസ് തെരയുന്നു. ഗുരുതരമായി പരുക്കേറ്റ ഷൈജു കോട്ടയം മെഡിക്കല് കോളജില് ചികില്സയിലാണ്. നിരവധി നാട്ടുകാര് കണ്ടു നില്ക്കേയാണ് കാറിലെത്തിയ സംഘം ഓട്ടോറിക്ഷ തടഞ്ഞ് ഷൈജുവിനെ കുത്തിയത്. കുടല് മാല പുറത്തു വന്ന യുവാവിനെ നാട്ടുകാര് ചേര്ന്നാണ് ജനറല് ആശുപത്രിയിലും തുടര്ന്ന് കോട്ടയം മെഡിക്കല് കോളേജിലും എത്തിച്ചത്.
ഭര്ത്താവുമായി അകന്നു കഴിയുന്ന യുവതി രണ്ടു കുട്ടികളുമായി മാതാപിതാക്കളോടൊപ്പമാണ് താമസം. യുവതിയുടെ കുട്ടികളെ സ്കൂളില് എത്തിക്കുന്നത് ഷൈജു ആയിരുന്നു. വിവാഹിതനായ ഷൈജു യുവതിയോട് പ്രണയാഭ്യര്ത്ഥന നടത്തി. യുവതി വിസമ്മതിച്ചപ്പോള് അപവാദം പറഞ്ഞു പരത്തി എന്നതാണ് ആരോപണം. രണ്ടര മണിക്കൂര് നീണ്ട ശസ്ത്രക്രിയയ്ക്കു ശേഷം സിസിയുവിലേക്ക് മാറ്റിയ ഓട്ടോഡ്രൈവറുടെ നില ഗുരുതരമായി തുടരുകയാണ്.
https://www.facebook.com/Malayalivartha
