മു​ത്ത​ലാ​ഖ് ഓ​ർ​ഡി​ന​ൻ​സി​ന് പ​ക​ര​മു​ള്ള ബി​ൽ ലോ​ക്സ​ഭ​യി​ൽ. ഇ​ത് ര​ണ്ടാം ത​വ​ണ​യാ​ണ് ബി​ൽ ലോ​ക്സ​ഭ​യി​ൽ അ​വ​ത​രി​പ്പി​ക്കു​ന്ന​ത്. മു​ത്ത​ലാ​ഖ് ക്രി​മി​ന​ൽ കു​റ്റ​മാ​ക്കു​ന്ന​താ​ണ് ബി​ൽ. പ്രതിപക്ഷത്തിന്റെ എതിര്‍പ്പിനെ അവഗണിച്ചാണ് നി​യ​മ​മ​ന്ത്രി ര​വി​ശ​ങ്ക​ർ പ്രസാദ് ബിൽ അവതരിപ്പിച്ചത് . ബി​ൽ രാ​ജ്യ​താ​ൽ​പ​ര്യം ഉ​യ​ർ​ത്തി പി​ടി​ക്കു​ന്നതാണെന്നും ലക്‌ഷ്യം സ്ത്രീ ക്ഷേമം മാത്രമാണെന്നും ര​വി​ശ​ങ്ക​ർ പ്ര​സാ​ദ് പ​റ​ഞ്ഞു. പുതിയ ബില്‍ പ്രാബല്യത്തില്‍ വന്നാല്‍ മുത്തലാഖ് കടുത്ത ശിക്ഷ ലഭിക്കാവുന്ന ക്രിമിനല്‍ കുറ്റമാകും .

അതേസമയം മുത്തലാഖ് ബില്‍ ഭരണഘടനാ വിരുദ്ധമാണെന്നും ബില്ലിന് അനുമതി നല്‍കരുതെന്നും കോണ്‍ഗ്രസ് എംപി ശശി തരൂര്‍ ആവശ്യപ്പെട്ടു. കേന്ദ്രസര്‍ക്കാരിന്റെ ഈ നടപടിക്കെതിരെ സുപ്രിംകോടതിയെ സമീപിക്കാനാണ് അഖിലേന്ത്യാ മുസ്ലിം വ്യക്തിനിയമ ബോര്‍ഡ് തീരുമാനം.

ആ​ദ്യ ബി​ൽ രാ​ജ്യ​സ​ഭ​യി​ൽ പാ​സാ​ക്കാ​ൻ ക​ഴി​ഞ്ഞി​രു​ന്നി​ല്ല. മു​ത്ത​ലാ​ഖ് നി​യ​മ​വി​രു​ദ്ധ​വും മൂ​ന്നു വ​ർ​ഷം വ​രെ ത​ട​വും പി​ഴ​യും ല​ഭി​ക്കാ​വു​ന്ന കു​റ്റ​മാ​ക്കി​യു​ള്ള ബി​ല്ലാ​ണ് നേ​ര​ത്തെ രാ​ജ്യ​സ​ഭ​യി​ൽ അ​വ​ത​രി​പ്പി​ച്ച​ത്.

ലോ​ക്സ​ഭ​യി​ല്‍ മു​ത്ത​ലാ​ഖ് നി​രോ​ധി​ക്കു​ന്ന​തി​നെ പി​ന്തു​ണ​ച്ച കോ​ണ്‍​ഗ്ര​സ് പ​ക്ഷേ, മൂ​ന്ന് വ​ര്‍​ഷം ജ​യി​ല്‍ ശി​ക്ഷ ന​ല്‍​കു​ന്ന വ്യ​വ​സ്ഥ​യെ ചോ​ദ്യം ചെ​യ്തു. ജ​യി​ലി​ലു​ള്ള​യാ​ള്‍ എ​ങ്ങ​നെ ജീ​വ​നാം​ശം ന​ല്‍​കു​മെ​ന്നു ചോ​ദി​ച്ച കോ​ണ്‍​ഗ്ര​സ്, ജീ​വ​നാം​ശം നി​ര്‍​ണ​യി​ക്കു​ന്ന​തി​ലും വ്യ​ക്ത​ത വേ​ണ​മെ​ന്ന് ആ​വ​ശ്യ​പ്പെ​ട്ടി​രു​ന്നു.
മു​ത്ത​ലാ​ഖ് ചെ​യ്യു​ന്ന ഭ​ര്‍​ത്താ​വി​ന് മൂ​ന്ന് വ​ര്‍​ഷ​ത്തെ ത​ട​വു​ശി​ക്ഷ എ​ന്ന വ്യ​വ​സ്ഥ ഒ​ഴി​വാ​ക്ക​ണ​മെ​ന്നാ​യി​രു​ന്നു ആ​ര്‍​ജെ​ഡി​യു​ടെ ആ​വ​ശ്യം. ബി​ല്‍ മൗ​ലി​കാ​വ​കാ​ശ​ങ്ങ​ളു​ടെ ലം​ഘ​ന​മാ​ണെ​ന്ന് അ​സ​ദു​ദ്ദീ​ന്‍ ഒ​വൈ​സി​യും അന്ന് പ്ര​തി​ക​രി​ച്ചു. ആ​ര്‍​ട്ടി​ക്കി​ള്‍ 25ന്‍റെ ലം​ഘ​ന​മാ​ണി​തെ​ന്നും അഭിപ്രായം ഉയർന്നുവന്നു. ഇ.​ടി. മു​ഹ​മ്മ​ദ് ബ​ഷീ​ര്‍ ബിൽ തികച്ചും രാ​ഷ്ട്രീ​യ പ്രേ​രി​ത​മാ​ണെന്നു കു​റ്റ​പ്പെ​ടു​ത്തുകയും ചെയ്തിരുന്നു. . അ​ണ്ണാ ഡി​എം​കെ​യും ബി​ജു ജ​ന​താ​ദ​ളും ബി​ല്ലി​നെ എ​തി​ര്‍​ത്തു.ഇത്തവണ ബില്ലിൽ ഭേദഗതി വരുത്തിയാണ് വീണ്ടും അവതരിപ്പിച്ചത്

ഭേ​ദ​ഗ​തി വ​രു​ത്തി​യ ബി​ല്ലി​ല്‍ മു​ത്ത​ലാ​ഖി​ന് ഇ​ര​യാ​യ സ്ത്രീ​ക്കും കു​ടും​ബ​ത്തി​നും മാ​ത്ര​മേ പ​രാ​തി ന​ല്‍​കാ​ന്‍ ക​ഴി​യൂ. ഭ​ര്‍​ത്താ​വു​മാ​യി ഒ​ത്തു ​തീ​ര്‍​പ്പി​ലെ​ത്തി​യാ​ല്‍ സ്ത്രീ​ക്കു പ​രാ​തി പി​ന്‍​വ​ലി​ക്കാം. ഭാ​ര്യ​യു​ടെ വാ​ദം കേ​ട്ട​ ശേ​ഷം പ്ര​തി​ക്കു ജാ​മ്യം ന​ല്‍​ക​ണോ വേ​ണ്ട​യോ എ​ന്ന കാ​ര്യ​ത്തി​ല്‍ ജ​ഡ്ജി​ക്കു തീ​രു​മാ​നി​ക്കാ​മെ​ന്നും പു​തു​ക്കി​യ ബി​ല്ലി​ല്‍ വ്യ​വ​സ്ഥ​യു​ണ്ട്. ഇതിനു മുൻപ് , ഇ​ര​യാ​യ സ്ത്രീ​യു​ടെ അ​യ​ല്‍​വാ​സി​ക​ള്‍ പ​രാ​തി ന​ല്‍​കി​യാ​ലും കേ​സ് ര​ജി​സ്റ്റ​ര്‍ ചെ​യ്യാ​മെ​ന്ന നി​ല​യി​ലാ​ണ് നി​യ​മ​മ​ന്ത്രി ര​വി​ശ​ങ്ക​ര്‍ പ്ര​സാ​ദ് ബി​ല്‍ ലോ​ക്സ​ഥ​യി​ല്‍ അ​വ​ത​രി​പ്പി​ച്ചിരുന്നത്

കഴിഞ്ഞവര്‍ഷം ഡിസംബറിലാണ് മുസ്!ലിം സ്ത്രീകള്‍ക്കുള്ള വിവാഹ സംരക്ഷണബില്‍ ആദ്യമായി ലോക്‌സഭയില്‍ അവതരിപ്പിക്കുന്നത്. ഒറ്റയടിക്ക് മൂന്നു തലാഖ് ചൊല്ലി വിവാഹം വേര്‍പെടുത്തുന്നത് (തലാഖ്-ഇ-ബിദ്ദത്ത്) ക്രിമിനല്‍ക്കുറ്റമാക്കി വ്യവസ്ഥ ചെയ്യുന്നതാണ് ബില്‍. കഴിഞ്ഞവര്‍ഷം ഓഗസ്റ്റ് 22-ന് മുത്തലാഖ് നിരോധിച്ചുകൊണ്ട് സുപ്രീംകോടതി പുറപ്പെടുവിച്ച ഉത്തരവിനെത്തുടര്‍ന്നായിരുന്നു ബില്‍ കൊണ്ടുവന്നത്. വാട്സാപ്പിലൂടെയും കത്തിലൂടെയും ഫോണിലൂടെയും മൊഴി ചൊല്ലപ്പെട്ട അഞ്ച് മുസ്ലിം സ്ത്രീകള്‍ നല്‍കിയ ഹര്‍ജിയിലാണ് സുപ്രീം കോടതി വിധി പുറപ്പെടുവിച്ചത്.
വിവാഹത്തെ കുറിച്ച്‌ മറ്റു മതങ്ങളില്‍ നിന്നും വ്യത്യസ്തമായ വീക്ഷണമാണ് മുസ്ലിം സമുദായത്തിനുള്ളത്. വരനും വധുവിന്റെ പിതാവും തമ്മിലാണ് വിവാഹ കരാറുണ്ടാക്കുന്നത്. ഇതനുസരിച്ച്‌ വിവാഹ മോചനവും ഒറ്റവാക്കില്‍ ഒതുക്കാം.

സ്ത്രീയും പുരുഷനും വിവാഹബന്ധം വേര്‍പെടുത്താന്‍ പാടില്ലെന്ന ഖുര്‍ആന്‍ വചനങ്ങള്‍ ഉണ്ടെങ്കിലും പുരുഷന്മാര്‍ തലാഖ് പ്രയോഗിച്ച്‌ സ്ത്രീകളെ ഉപേക്ഷിക്കുന്നതു വ്യാപകമാണ്. ഭാര്യയ്ക്കും ഭര്‍ത്താവിനും ഒരുമിച്ച്‌ മുന്നോട്ട് പോകാന്‍ സാധിക്കാന്‍ സാധിക്കാത്ത സഹചര്യത്തില്‍ മാത്രമെ ഇസ്ലാം മതവിശ്വാസപ്രകാരം തലാഖ് അനുവദിക്കുന്നുള്ളൂ.

എന്നാല്‍ തലഖിനെ ഇന്ന് വ്യാപകമായി ദുരുപയോഗം ചെയ്യുകയാണ്. ത്വലാഖ് എന്ന് ഉരുവിട്ടാല്‍ തന്നെ വിവാഹ മോചനമായെന്നു കരുതുന്നവരാണ് പലരും. അതേസമയം ഒരാള്‍ ഭാര്യയോട് ത്വലാഖ് എന്ന് പറഞ്ഞാല്‍ വിവാഹ മോചനം ഒരിക്കലും സംഭവിക്കില്ല, മറിച്ച്‌ അത് വിവാഹ മോചനത്തിന്റെ ഭാഗമായ ഒരു കര്‍മ്മം മാത്രമായാണ് പരിഗണിക്കുന്നത്. സ്വബോധം ഇല്ലാതെയോ ദേഷ്യത്തിലോ പറയുന്ന തലാഖ് ഒരിക്കലും സ്വീകരിക്കപ്പെടില്ല. ആര്‍ത്തവ സമയത്തോ ഗര്‍ഭിണി ആയിരിക്കുമ്ബോഴും തലാഖ് ചൊല്ലാന്‍ പാടില്ലെന്നും വ്യവസ്ഥയുണ്ട്.

വിവാഹമോചനത്തിന്റെ ഭാഗമായി ഭര്‍ത്താവ് ഭാര്യയോട് തലാഖ് പറഞ്ഞാലുടന്‍ സ്ത്രീയെ വീട്ടില്‍നിന്ന് പുറത്താക്കാനും സാധിക്കില്ല. മൂന്ന് മാസം നിര്‍ബന്ധമായും ഭര്‍ത്താവിന്റെ വീട്ടില്‍ തങ്ങണമെന്നാണ് വ്യവസ്ഥ. ഇതിനു അറബിയില്‍ പറയുന്ന വാക്കാണു 'ഇദ്ദ'. പിണങ്ങിയ ദമ്ബതികള്‍ തമ്മില്‍ യോജിപ്പിലെത്താന്‍ സാധ്യത ഉള്ളതിനാലാണ് ഇദ്ദ നടപ്പാക്കണമെന്ന് ഇസ്ലാം നിയമം നിര്‍ദ്ദേശിച്ചിരിക്കുന്നത്. 'ഇദ്ദ'യ്ക്കിടെ ദമ്ബതികള്‍ തമ്മില്‍ ലൈംഗികബന്ധം നടന്നാലും തലഖ് റദ്ദാക്കപ്പെടും. ഈ മൂന്നു മാസത്തിനിടയിലും ഇരുവരും തമ്മിലുള്ള പ്രശ്നങ്ങള്‍ ഒത്തു തീര്‍പ്പില്‍ എത്തിയില്ലെങ്കില്‍ മാത്രമെ വിവാഹമോചനം യാഥാര്‍ഥ്യമാകൂ. അതായത് തലാഖ് പറഞ്ഞാലുടന്‍ വിവാഹമോചനം നടക്കില്ലെന്ന് ഇതില്‍നിന്ന് വ്യക്തമാണ്.

മൂന്നു മാസം കഴിഞ്ഞ് വിവാഹമോചനം കഴിഞ്ഞാലും സ്ത്രീയ്ക്കു ലഭിക്കേണ്ട അവകാശങ്ങളെ കുറിച്ച്‌ ഇസ്ലാം നിയമം വ്യക്തമായി പറയുന്നുണ്ട്. ഇതില്‍ ഏറ്റവും പ്രധാന വിവാഹത്തിന്റെ ഭാഗമായി പുരുഷനില്‍ നിന്നും ലഭിച്ച 'മഹര്‍' സ്ത്രീ ഒരിക്കലും മടക്കി നല്‍കേണ്ടതില്ലെന്നതാണ്.
പക്ഷെ ഖുർആൻ വചനങ്ങൾ സൗകര്യപൂർവ്വം വളച്ചൊടിച്ചു ഭാര്യയെ എപ്പോള്‍ വേണമെങ്കിലും ഒഴിവാക്കാമെന്ന രീതി കാലങ്ങളായി നിലനില്‍ക്കുന്നതിനാല്‍ ഈ സമുദായത്തിലെ നിരവധി സ്ത്രീകളാണ് ദുരിതത്തിലായിരിക്കുന്നത്.ഇതിനു ഒരറുതി വരുത്തുന്നതാണ് മുത്തലാഖ് നിരോധനം.