സമദൂര സിദ്ധാന്തം കൈവെടിഞ്ഞ് എന്.എസ്.എസ് കാവിക്കൊടിയുടെ കീഴിലേക്ക്... ശബരിമല യുവതീപ്രവേശനം നടപ്പാക്കാനിറങ്ങിയ മുഖ്യമന്ത്രി പിണറായി വിജയനേയും വനിതാമതില് തീര്ക്കാനിറങ്ങുന്ന സര്ക്കാരിനേയും രൂക്ഷമായി വിമര്ശിച്ച് ജനറല് സെക്രട്ടറി സുകുമാരന് നായര് രംഗത്ത്
സമദൂര സിദ്ധാന്തം കൈവെടിഞ്ഞ് എന്.എസ്.എസ് കാവിക്കൊടിയുടെ കീഴിലേക്ക്... ശബരിമല യുവതീപ്രവേശനം നടപ്പാക്കാനിറങ്ങിയ മുഖ്യമന്ത്രി പിണറായി വിജയനേയും വനിതാമതില് തീര്ക്കാനിറങ്ങുന്ന സര്ക്കാരിനേയും രൂക്ഷമായി വിമര്ശിച്ച് ജനറല് സെക്രട്ടറി സുകുമാരന് നായര് രംഗത്തെത്തിയത് ഇതിന്റെ വ്യക്തമായ സൂചനയാണ്. വേണ്ടി വന്നാല് സമദൂര സിദ്ധാന്തം വെടിയുമെന്നും അദ്ദേഹം വ്യക്തമാക്കി. ശബരിമല യുവതീപ്രവേശനം സംബന്ധിച്ച് സുപ്രീംകോടതിയില് നിന്ന് അനുകൂലവിധിയുണ്ടായില്ലെങ്കില് കേന്ദ്രസര്ക്കാരിനെ സമീപിക്കുമെന്നും സുകുമാരന് നായര് അറിയിച്ചതിന്റെ പൊരുള് വ്യക്തമാണ്. തങ്ങളുടെ നിലപാടിന് ആര് പിന്തുണ നല്കുന്നു അവര്ക്കൊപ്പം നില്ക്കും. എന്.എസ്.എസിനെയും ബി.ജെ.പിയേയും അടുപ്പിച്ചതിന്റെ പ്രധാനഘടനം സംസ്ഥാന അധ്യക്ഷന് പി.എസ് ശ്രീധരന്പിള്ളയാണ്.
എന്.എസ്.എസിന്റെ പല കേസുകളിലും നിര്ണായക സഹായങ്ങള് നല്കുന്നത് ശ്രീധരന്പിള്ളയാണ്. ആ ബന്ധമാണ് ശ്രീധരന്പിള്ളയ്ക്ക് പ്രസിഡന്റ് പദവിയിലേക്ക് രണ്ടാമതും വരാന് വഴിയൊരുക്കിയത്. സമദൂരനിലപാട് സ്വീകരിച്ച സമയത്തൊക്കെയും കോണ്ഗ്രസുമായും കേരളാ കോണ്ഗ്രസുമായും ഏറെ അടുത്തിരുന്ന എന്.എസ്.എസ് ശബരിമല വിഷയത്തില് കോണ്ഗ്രസിനെയും പരസ്യമായി തള്ളിപ്പറഞ്ഞു എന്നതും ശ്രദ്ധേയമാണ്. കോണ്ഗ്രസ് പേരിന് എന്തൊക്കെയോ കാട്ടിക്കൂട്ടിയപ്പോഴും ആര്.എസ്.എസ്, ബി.ജെ.പി പ്രവര്ത്തകര് സന്നിധാനത്തും പമ്പയിലും പോയി കിടന്ന് അടികൊണ്ടത് കൊണ്ടാണ് യുവതീപ്രവേശനം സാധ്യമാകാഞ്ഞതെന്ന് എന്.എസ്.എസ് പ്രസിഡന്റ് നരേന്ദ്രനാഥന് നായര് വ്യക്തമാക്കിയിട്ടുണ്ട്.
കഴിഞ്ഞ യു.ഡി.എഫ് സര്ക്കാരിന്റെ കാലം മുതലാണ് കോണ്ഗ്രസും എന്.എന്.എസും തമ്മില് അകലുന്നത്. സമുദായത്തിന്റെ സ്വാധീനത്തില് ആഭ്യന്തരമന്ത്രിയായ രമേശ് ചെന്നിത്തല അധികാരത്തിലേറിയ ശേഷം വന്നവഴി മറന്നു. അതോടെ പെരുന്നയിലേക്ക് ഇനി വരേണ്ടെന്ന് ജനറല് സെക്രട്ടറി സുകുമാരന് നായരും വ്യക്തമാക്കി. അങ്ങനെ എല്.ഡി.എഫുമായും പ്രത്യേകിച്ച് സി.പി.എമ്മുമായും എന്.എസ്.എസും ജനറല് സെക്രട്ടറി സുകുമാരന് നായരും അടുത്തു. നിയമസഭാ തെരഞ്ഞെടുപ്പില് സി.പി.എമ്മിനെ സഹായിക്കുകയും ചെയ്തു. ദേവസ്വം ബോര്ഡില് മുന്നോക്കക്കാരിനെ പിന്നോക്കക്കാര്ക്ക് 10 ശതമാനം സംവരണം നല്കാനും പിണറായി സര്ക്കാര് തീരുമാനിച്ചു. എം.ജി സര്വകലാശാല സിന്ഡിക്കേറ്റ് പിരിച്ച് വിട്ട പിണറായി സര്ക്കാര് പക്ഷെ, സുകുമാരന് നായരുടെ മകളെ നിലനിര്ത്തി. ചെങ്ങന്നൂര് ഉപതെരഞ്ഞെടുപ്പിലും എന്.എസ്.എസ് പിണറായി സര്ക്കാരിനെ സഹായിച്ചു.
അങ്ങനെയിരിക്കെയാണ് ശബരിമല യുവതീപ്രവേശനം സുപ്രീംകോടതി വിധി വന്നത്. അതോടെ വിധി നടപ്പാക്കുമെന്ന നിലപാട് സര്ക്കാര് സ്വീകരിച്ചു. മറ്റ് രാഷ്ട്രീയപ്പാര്ട്ടികളും എതിര്പ്പ് പ്രകടിപ്പിച്ചില്ല. എന്നാല് എന്.എസ്.എസ് നാമജപവുമായി രംഗത്തെത്തിയതോടെ ബി.ജെ.പി അവര്ക്കൊപ്പം അണിനിരന്നു. അതോടെയാണ് മാറിനിന്ന കോണ്ഗ്രസും പിന്തിണയുമായി എത്തിയത്.
എന്നാല് കോണ്ഗ്രസ് അധ്യക്ഷന് തന്റെ നിലപാട് വ്യക്തമാക്കിയതോടെ സമരരംഗത്ത് നിന്ന് കോണ്ഗ്രസ് പിന്വലിഞ്ഞു. അപ്പോഴും ബി.ജെ.പിയും ആര്.എസ്.എസും എന്.എസ്.എസിനൊപ്പം നിന്നു. എന്നിട്ടും അവരെ തള്ളിപ്പറയാന് സി.പി.എമ്മും കോണ്ഗ്രസും തയ്യാറായില്ല. എന്നാല് ഇരുവരെയും എന്.എസ്.എസ് തള്ളിക്കളഞ്ഞിരിക്കുകയാണ്.
"
https://www.facebook.com/Malayalivartha
