എന്എസ്എസ് ജനറല് സെക്രട്ടറി സുകുമാരന്നായര്, വനിതാമതിലിനെ തുടക്കംമുതല് എതിര്ക്കുകയും, ഇതിന്റെ മറവില് മുഖ്യമന്ത്രിയെ ഒറ്റതിരിച്ച് ആക്രമിക്കുകയുമാണ്; എന്.എസ്.എസിനെതിരെ രൂക്ഷവിമര്ശനവുമായി കോടിയേരി ബാലകൃഷ്ണന്
എന്.എസ്.എസിനെതിരെ വീണ്ടും രൂക്ഷവിമര്ശനവുമായി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്. ജി.സുകുമാരന് നായരുടേത് ആര്.എസ്.എസ്–ബി.ജെ.പി വര്ഗീയസമരങ്ങള്ക്ക് തീപകരാനുള്ള നടപടിയെന്ന് അദ്ദേഹം ആരോപിച്ചു. പാര്ട്ടി മുഖപത്രമായ ദേശാഭിമാനിയിലെഴുതിയ ലേഖനത്തിലാണ് കോടിയേരി വിമര്ശനം ഉന്നയിച്ചത്.
സമകാലിക രാഷ്ട്രീയ സാഹചര്യങ്ങള് ചര്ച്ചയാകുന്ന മൂന്നുദിവസത്തെ സി.പി.എം നേതൃയോഗങ്ങള്ക്ക് തുടക്കമാകുന്നതിന്റെ കൂടി പശ്ചാത്തലത്തിലാണ് സമദൂരം പക്ഷം ചേരലോ ? എന്ന തലക്കെട്ടിലുള്ള കോടിയേരിയുടെ ലേഖനം. എന്.എസ്.എസ് ജനറല് സെക്രട്ടറി മുഖ്യമന്ത്രിയെ ഒറ്റതിരിച്ച് ആക്രമിക്കുകയാണ്. വരുന്ന ലോക്സഭാ തിരഞ്ഞെടുപ്പില് ഇടതുമുന്നണി അനുഭവിക്കുമെന്ന് അദ്ദേഹം പറഞ്ഞു.
ഈ വഴിതെറ്റലില് നിന്നു മോചിതമാകാന് വീണ്ടുവിചാരത്തിന് തയാറാകണമെന്നും ലേഖനത്തില് ആവശ്യപ്പെടുന്നു. എന്.എസ്.എസ് ഉയര്ത്തിയ വിമര്ശനങ്ങളെ ശക്തമായി പ്രതിരോധിക്കാനുള്ള തീരുമാനം സി.പി.എം നേതൃയോഗങ്ങളിലുണ്ടാകുമെന്നതിന്റെ സൂചനകൂടിയാണ് കോടിയേരിയുടെ വിമര്ശനങ്ങള്.
വനിതാമതില് തകര്ക്കാന് ഏറ്റവും മുന്നില് നില്ക്കുന്നത് ബിജെപി-ആര്എസ്എസ് ശക്തികളാണ്. അവര്ക്ക് ഒത്താശ നല്കുകയാണ് യുഡിഎഫും എന്എസ്എസ് പോലുള്ള ചില സാമൂഹ്യസംഘടനകളും. വനിതാമതില് പൊളിക്കുമെന്ന് എത്ര ഉച്ചത്തില് ഇക്കൂട്ടര് വിളിച്ചുപറയുന്നുവോ അത്രമാത്രം ആവേശത്തോടെ വനിതകള് നവോത്ഥാന മതിലില് ഭാഗഭാക്കാകുമെന്ന് കോടിയേരി വ്യക്തമാക്കി.
പ്രധാനമന്ത്രി നരേന്ദ്ര മോദിയും ബിജെപി അധ്യക്ഷന് അമിത് ഷായും തന്നെ ഏല്പ്പിച്ച പ്രധാനപ്പെട്ട മൂന്ന് ദൗത്യത്തിലൊന്ന് ഇതിനകം നിറവേറ്റിയെന്നും അത് പരസ്യപ്പെടുത്തുന്നില്ലായെന്നും കഴിഞ്ഞ ദിവസം ബിജെപി സംസ്ഥാന അധ്യക്ഷന് അഡ്വ. പി എസ് ശ്രീധരന്പിള്ള വെളിപ്പെടുത്തിയിരുന്നു. ദൗത്യനിര്വഹണം താന് വിജയകരമായി പൂര്ത്തിയാക്കിയതില് മോഡിയും അമിത് ഷായും തൃപ്തരാണെന്ന് അദ്ദേഹം പറഞ്ഞിട്ടുണ്ട്. നവോത്ഥാന പാരമ്പര്യമുള്ള എന്എസ്എസിനെ ഹിന്ദുത്വത്തിന്റെ അറവുശാലയില് എത്തിച്ചൂവെന്നതാണോ തൃപ്തിക്ക് കാരണം.
കേരള നവോത്ഥാനത്തില് പങ്കുവഹിച്ച ചരിത്ര പുരുഷന്മാരില് പ്രധാനിയായ മന്നത്ത് പത്മനാഭന്റെ നവോത്ഥാന പാതയില്നിന്നുള്ള വ്യതിചലനമാണ് എന്എസ്എസ് നേതാവില് ഇന്നുകാണുന്നത്. അയിത്തത്തിനും അനാചാരങ്ങള്ക്കുമെതിരെ സമരം നയിച്ച എന്എസ്എസിനെ ആര്എസ്എസിന്റെ തൊഴുത്തില് കെട്ടാന് നോക്കുന്നു. മന്നം പത്മനാഭന്റെ നവോത്ഥാന വഴികള് ഇവര് മറക്കുന്നു.
എന്എസ്എസ് ജനറല് സെക്രട്ടറി സുകുമാരന്നായര്, വനിതാമതിലിനെ തുടക്കംമുതല് എതിര്ക്കുകയും, ഇതിന്റെ മറവില് മുഖ്യമന്ത്രിയെ ഒറ്റതിരിച്ച് ആക്രമിക്കുകയുമാണ്. എന്നിട്ട് ഒരു ഉഗ്രശാപവും വര്ഷിച്ചിട്ടുണ്ട്. ഇതിനെല്ലാം വരുന്ന ലോക്സഭാ തെരഞ്ഞെടുപ്പില് എല്ഡിഎഫ് അനുഭവിക്കുമെന്നാണത്. തിരഞ്ഞെടുപ്പുകളില് പുലര്ത്തിവന്ന സമദൂരമെന്നത് ശരിദൂരമാക്കി കമ്യൂണിസ്റ്റ് വിരുദ്ധശക്തികളെ സഹായിക്കുമെന്ന സന്ദേശമാണ് എന്എസ്എസ് നേതാവ് നല്കുന്നതെന്ന് ചില മാധ്യമനിരീക്ഷകര് വിലയിരുത്തിയിട്ടുണ്ട്.
എന്തായാലും, സ്ത്രീപുരുഷ സമത്വമെന്ന ആശയത്തിലും ലിംഗതുല്യതയിലും ശബരിമല സ്ത്രീ പ്രവേശനത്തിലും നവോത്ഥാനമൂല്യ സംരക്ഷണത്തിലും കമ്യൂണിസ്റ്റുകാരും എല്ഡിഎഫും നിലപാട് സ്വീകരിക്കുന്നത് ലോക്സഭാ തെരഞ്ഞെടുപ്പിലെ വോട്ടും സീറ്റും നോക്കിയല്ല. ഇതുമായി ബന്ധപ്പെട്ട് മുഖ്യമന്ത്രി പിണറായി വിജയന് ധാര്ഷ്ട്യമാണെന്ന അധികപ്രസംഗവും സുകുമാരന്നായര് നടത്തിയിട്ടുണ്ട്. എന്എസ്എസിനോടോ മറ്റ് സാമൂഹ്യ സംഘടനകളോടോ അവര് ഉന്നയിക്കുന്ന ന്യായമായ ആവശ്യങ്ങളോടോ കാലോചിതമായ അഭിപ്രായങ്ങളോടോ എല്ഡിഎഫ് സര്ക്കാരിനോ മുഖ്യമന്ത്രിക്കോ ഒരു അകല്ച്ചയോ വിദ്വേഷമോ ഇല്ല. എന്നാല്, സ്ത്രീപുരുഷ സമത്വം, ഭരണഘടനാ സംരക്ഷണം തുടങ്ങിയ കാര്യങ്ങളില് വിട്ടുവീഴ്ചയില്ല. അതിനെ ധാര്ഷ്ട്യമെന്ന് മുദ്രകുത്തുന്നത് മറുകണ്ടം ചാടലാണ്.
ആര്എസ്എസ് ബിജെപിയുടെ വര്ഗീയസമരങ്ങള്ക്ക് തീ പകരാനുള്ള നടപടിയാണ് എന്എസ്എസ് ജനറല് സെക്രട്ടറിയില് നിന്നുമുണ്ടായിരിക്കുന്നത്. ഡിസംബര് 26ന് ആര്എസ്എസ് നടത്തുന്ന 'അയ്യപ്പജ്യോതി' യില് പങ്കെടുക്കാനുള്ള സുകുമാരന്നായരുടെ ആഹ്വാനം എന്എസ്എസിന്റെ പാരമ്പര്യത്തിന് നിരക്കുന്നതല്ല. മന്നത്തിന്റെയും ചട്ടമ്പിസ്വാമിയുടേയുമെല്ലാം ആശയമാണ് വനിതാമതിലില് തെളിയുന്നത്. മതിലില് വിള്ളല് വീഴ്ത്താനുള്ള ആര്എസ്എസ് ശ്രമത്തിന് കൂട്ടുനില്ക്കുന്ന എന്എസ്എസ് നേതൃത്വത്തിന്റെ നടപടി ചരിത്രപരമായ തലകുത്തിവീഴ്ചയാണ്. ഈ വഴിതെറ്റലില്നിന്ന് മോചിതമാകാന് വീണ്ടുവിചാരത്തിന് എന്എസ്എസ് നേതൃത്വം തയ്യാറാകണമെന്നും കോടിയേരി ലേഖനത്തില് പറഞ്ഞു.
https://www.facebook.com/Malayalivartha
