സെ​ക്ര​ട്ട​റി​യേ​റ്റി​നു മു​ന്നി​ല്‍ സ​ത്യാ​ഗ്ര​ഹ സ​മ​രം ന​ട​ത്തു​ന്ന നെ​യ്യാ​റ്റി​ന്‍​ക​ര​യി​ല്‍ കൊ​ല്ല​പ്പെ​ട്ട സ​ന​ലി​ന്‍റെ ഭാ​ര്യ വി​ജി​ കുഴഞ്ഞുവീണു. ദേഹാസ്വാസ്ഥ്യം അനുഭവപ്പെട്ട ഇവരെ ജനറല്‍ ആശുപത്രിയിലേക്ക് മാറ്റി.

ഡിവൈഎസ്പി ഹരികുമാറുമായുളള വാക്കുതര്‍ക്കത്തിനൊടുവില്‍ കൊല്ലപ്പെട്ട സനല്‍കുമാറിന്റെ കുടുംബത്തിന് സഹായവാ​ഗ്ദാനവുമായി മന്ത്രിമാര്‍ അടക്കമുളളവര്‍ വീട്ടില്‍ എത്തിയിരുന്നു. ഈ സമയത്ത് വാ​ഗ്ദാനം ചെയ്ത കാര്യങ്ങള്‍ സര്‍ക്കാര്‍ പാലിക്കണമെന്നും ജീ​വി​ക്കാ​ന്‍ സാ​ഹ​ച​ര്യ​മി​ല്ലെ​ന്നും ചൂ​ണ്ടി​ക്കാ​ട്ടി ക​ഴി​ഞ്ഞ 12 ദി​വ​സ​മാ​യി വി​ജി സ​ത്യാ​ഗ്ര​ഹ സ​മ​രം ന​ട​ത്തി​വ​രി​ക​യാ​യി​രു​ന്നു. ഇതിനിടെയാണ് ഇവര്‍ക്ക് ദേഹാസ്വാസ്ഥ്യം അനുഭവപ്പെട്ടത്.

സ​ര്‍​ക്കാ​റി​ന്‍റെ ഭാ​ഗ​ത്തു നി​ന്ന് ഒ​രു സ​ഹാ​യ​വും ഇ​തു​വ​രെ ല​ഭി​ച്ചി​ട്ടി​ല്ലെ​ന്നും വി​ജി ആ​രോ​പി​ച്ചി​രു​ന്നു. താ​മ​സി​ക്കു​ന്ന വീ​ട് ജ​പ്തി ഭീ​ഷ​ണി​യി​ലാ​ണ്. ജീ​വി​ക്കാ​ന്‍ മാ​ര്‍​ഗ​മി​ല്ലെ​ന്നും അ​വ​ര്‍ പറഞ്ഞിരുന്നു. ന​വം​ബ​ര്‍ അ​ഞ്ചി​നാ​ണ് ഡി​വൈ​എ​സ്പി ഹ​രി​കു​മാ​റു​മാ​യു​ള്ള വാ​ക്കു​ത​ര്‍​ക്ക​ത്തി​നൊ​ടു​വി​ല്‍ സ​ന​ല്‍​കു​മാ​ര്‍ കൊ​ല്ല​പ്പെ​ടു​ന്ന​ത്.